Najə̄ kə́ Majə yā Jeju ń Luk ndang ní 18:7 - Bibəl ta Sar̄

⁷ I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

Bible sar

⁷ I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

Najə̄ kə́ Majə yā Jeju ń Luk ndang ní 18:7 Referans Kwoze

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

MATIYE 7:11

Sḭḭ̄ ń i ngé kem ndul gə̄ ní, ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí kə́ dɔ rā̰ tə́ a adə̄ ngé gə̄ ń dəjenən̄ ní yá̰á̰ kə́ majə tɔȳ loo ń noō aĺ a?

PĀ GƏ̄ 88:1

Pā yā ngán Kore gə̄. I pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i kə rɔ̄nelēé alé. I pā kə́ kəda yā Heman kə́ ngōn̄ nge ɓē.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

1 TESALONIK 3:10

Ndɔ̄ɔ́ gə̄gē, kadaá gə̄gē ní, yá̰á̰ ń jə-dəje Nə́ɓā kə ngangāá ngá̰ý ní n toó: I kadə̄ adə̄jí ta róbə kadə̄ jə-tél j-a̰a̰ī naā gogə́ ō, kadə̄ j-adə̄sí yá̰á̰ ń gətóo tū taā kem yāsí tə́ ní ō.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

Makətūbə̄ ń Pol ndang adə̄ Rom gə̄ ní 8:33

I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

JEJU TEĒ KUM JA̰A̰ 7:15

I tām̄ najə̄ ń noō tə́ n nin̄-ndan̄ ta kōr̄ kāgə̄ mbang yā Nə́ɓā tə́, ba rāān̄ kəla adə̄nən̄ ndɔ̄ɔ́ ō, kadaá ō, kem kújə yān tə́ ní. Deē ń ndi dɔ kōr̄ kāgə̄ mbang tə́ ní a ngɔ̄m̄də́.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.

PĀ GƏ̄ 9:8

Kɔ́ɔ̄ɓē o̰o̰ ɓē ngándáńg! Ni-rāā adə̄ kōr̄ kāgə̄ mbang yān ndi ngan̄g yā rāań sarya.

Teē Ngán Israel gə̄ 22:23

Wōn̄g a rāām̄ dɔsí tə́ ō, m-ā m̄-rāā kadə̄ ā óyiī ta rɔ̄ɔ̄ tə́ ō, yā kadə̄ i nə̄yá̰sí gə̄ n a télən̄ dəyá̰ kə́ ngé kəlā ndoō gə̄ ō, i ngáńsí gə̄ n a aw̄n̄ hal ō ní.

IJAI 40:27

Israel, gír de gə̄ yā Jakob, i tām̄ rí tə́ á ī-nōōī rɔ̄sí ə́daī na yá̰á̰ ń teē dɔjí tə́ ní Kɔ́ɔ̄ɓē na a̰ā̰ aĺ ní? Ə́daī na Kɔ́ɔ̄ɓē na rɔ̄ɔ̄ dɔ yá̰á̰ kə́ sɔɔ̄sí tə́ aĺ ní?

MATIYE 24:22

Ré gāngə̄n̄ ta ndɔ̄ gə̄ ní kɔ̄ɔ́ aĺ anī, de kə́ yā kajə a gətóo. Banī a gāngə̄n̄ ta kɔ̄ɔ́ sɔɔ̄ń ngé gə̄ ń Nə́ɓā gə̄rādə́ ní.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

Najə̄ kə́ Majə yā Jeju ń Luk ndang ní 21:28

Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.