Najə̄ kə́ Majə yā Jeju ń Luk ndang ní 18:43 - Bibəl ta Sar̄

⁴³ Ni-a̰a̰ loo kə̄ ta jī tə́ noō, adə̄ ni-ɔtə a un gō Jeju kə kɔsə gɔn Nə́ɓā tan tə́. De gə̄ malang ń a̰ā̰n̄ yá̰á̰ ń toō ní tɔ̄ȳn̄ Nə́ɓā.

Bible sar

⁴³ Ni-a̰a̰ loo kə̄ ta jī tə́ noō, adə̄ ni-ɔtə a un gō Jeju kə kɔsə gɔn Nə́ɓā tan tə́. De gə̄ malang ń a̰ā̰n̄ yá̰á̰ ń toō ní tɔ̄ȳn̄ Nə́ɓā.

Najə̄ kə́ Majə yā Jeju ń Luk ndang ní 18:43 Referans Kwoze

PĀ GƏ̄ 146:8

Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

GALATƏ 1:24

Adə̄ nin̄-ɔsən̄ gɔn Nə́ɓā najə̄ yāḿ tə́.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

KƏLA RĀĀ 4:21

Ngé sarya gə̄ tél a̰ȳn̄ ndíĺdə́ ɓáý to̰ tá əya̰n̄də́ dɔɔ́. Nin̄-a̰a̰n̄ najə̄ kə́ kadə̄ əgan̄ rɔ̄də́ gidə tə́ ba gāngə̄n̄neé sarya dɔdə́ tə́ alé. Tɔdɔ̄ de gə̄ malang a ɔsən̄ i gɔn Nə́ɓā najə̄ yā yá̰á̰ ń rāā yá̰á̰ ní tə́.

Najə̄ kə́ Majə yā Jeju ń Luk ndang ní 13:17

Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.

Najə̄ kə́ Majə yā Jeju ń Luk ndang ní 5:26

Ɔr kum de gə̄ malang ō, nin̄-tél a ɔsən̄ i gɔn Nə́ɓā ō, ɓōĺ rāādə́ ngá̰ý adə̄ ədan̄ na n-a̰a̰n̄ yá̰á̰ kə́ jákə́ ngá̰ý ɓōólaā.

Najə̄ kə́ Majə yā Jeju ń Luk ndang ní 4:39

Jeju nōr̄ kə̄ dɔ dəyá̰ ní tə́ ba ɔr̄ najə̄ kə mo̰y gajaá kə tɔ́gɔ́ anī mo̰y gajə əya̰n. Dəyá̰ ní ḭḭ dɔɔ́ kə̄ ta jī tə́ beē rāā yá̰a̰ kəsa adə̄də́.

MATIYE 21:14

Ngé kum tɔ̄ɔ̄ gə̄ ō, ngé tə́sō motə gə̄ ō, reēn̄ rɔ̄ Jeju tə́ kem kújə yā Kɔ́ɔ̄ɓē tə́. Anī ni-rāā adə̄ kumdə́ a̰a̰ loo ō, njadə́ tél majə gogə́ ō.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.

IJAI 43:21

Gír de gə̄ ń toō ń m̄-rāādə́ tām̄ yāḿ tə́ ní, a ənīn̄ pā yā tɔ̄ȳməń.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

PĀ GƏ̄ 107:15

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 107:8

Ādə̄ nin̄ ɔsən̄ gɔn Kɔ́ɔ̄ɓē tām̄ kem majə yān tə́ ō, najə̄ yá̰á̰ kə́ yáā gə̄ ń ni-rāā tām̄ yā deē ndul gə̄ tə́ ní ō.

PĀ GƏ̄ 30:2

Kɔ́ɔ̄ɓē, m-ɔ́sə gɔnií, tɔdɔ̄ ɔ̄rə̄m̄ bəlo kə́ lú ngá̰ý tə́ kɔ̄ɔ́. Ḭ̄ ə́ya̰ madə̄ ba̰ā̰ḿ gə̄ adə̄ əgōn̄ naā dɔḿ tə́ alé.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

Najə̄ kə́ Majə yā Jeju ń Luk ndang ní 19:37

Ni-əndā dɔ mbal̄ kāgə̄ olibə gə̄ ngɔr kadə̄ a risə ta kə́ ngəran tə́ nang tə́. Loo ń noō tə́ ní kósə́ ngé ndóō yá̰a̰ yān gə̄ malang rāān̄ rɔ̄nel̄ ngá̰ý, adə̄ nin̄-tɔ̄ȳn̄ Nə́ɓā kə ndūdə́ kə́ boó tām̄ yá̰á̰ kə́ yáā gə̄ malang ń a̰a̰n̄ tə́ ní,

Najə̄ kə́ Majə yā Jeju ń Luk ndang ní 9:43

Tɔ́gə yā Nə́ɓā kə́ ngá̰ý ń toō ɔr kumdə́ malang. Dan ń kəla rāā Jeju a yáā de gə̄ malang ɓáý anī, ni-əda ngé ndóō yá̰a̰ yān gə̄ na: