Najə̄ kə́ Majə yā Jeju ń Luk ndang ní 18:37 - Bibəl ta Sar̄

³⁷ Anī ədanən̄ na i Jeju kə́ Najaret n a mān̄ ní.

Bible sar

³⁷ Anī ədanən̄ na i Jeju kə́ *Najaret n a mān̄ ní.

Najə̄ kə́ Majə yā Jeju ń Luk ndang ní 18:37 Referans Kwoze

MATIYE 2:23

Ni-aw̄ ndi kem ɓē kógə̄ḿ kə́ a ɓārə́n̄ na i Najaret tə́, adə̄ najə̄ ń ngé koō ta gə̄ ədan̄ ní reē udə gírí. Ədan̄ na a ɓāŕnən̄ na i de kə́ Najaret.

2 KORḚNTƏ 6:2

Tɔdɔ̄ Nə́ɓā əda na: Kum mbang ń rāā majə kə deé yāḿ a ɔjəń rɔ̄n kə̄ ndágá tə́ ní, m-ādī yá̰á̰ ń i dəjem̄ ní kadə̄ rɔ̄í nelī. Ndɔ̄ kajə deē tə́ ní, mā m̄-reē m̄-dḭḭ̄. I beé ní, kum mbang kə́ yā kadə̄ deē ndigəń rāā majə yā Nə́ɓā n toó, ndɔ̄ kajə deē n toó.

KƏLA RĀĀ 4:10

I beé ní majə kadə̄ sḭḭ̄ malang ī-gerī ō, majə kadə̄ ngán Israel gə̄ malang gerə̄n̄ ō, kadə̄ Jeju Kərist kə́ Najaret ń ə́ndaniī kə máyá̰ tū kāgə̄ kə́ dēsə́ tə́ ní, ni ń oy tá Nə́ɓā ndólə̄n dan de kə́ koy gə̄ tə́ ní, i kə ta kūl̄ rīneé n nja de kə́ nge lígə̄rī ń ra nosí tə́ toō ndájəń ní.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

JA̰A̰ 19:19

Pilatə ndang najə̄ kə́ dɔ Jeju tə́ əndā tū kāgə̄ kə́ dēsə́ ní tə́. Najə̄ ń ndang ní n toó: I Jeju kə́ Najaret, mban̄g yā Jipə gə̄.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

Najə̄ kə́ Majə yā Jeju ń Luk ndang ní 2:51

Loo ń noō tə́ ni-tél aw̄ sedə́ gogə́ Najaret, ba oō najə̄ tadə́ tə́. Kó̰o̰n ngɔ̄m̄ yá̰a̰ gə̄ ń noō malang kemən tə́.

Najə̄ kə́ Majə yā Jeju ń Luk ndang ní 18:36

Dan ń ni-oō kōō kósə de gə̄ kə́ a mānə̄n̄ ɓuk ɓuk anī, dəje ké i rí wa.

Najə̄ kə́ Majə yā Jeju ń Luk ndang ní 18:38

Anī ni-əga kɔŕ əda na: Jeju, Ngōn̄ kaa Dabid, á̰a̰ kum tō ndoō yāḿ.