Najə̄ kə́ Majə yā Jeju ń Luk ndang ní 18:23 - Bibəl ta Sar̄

²³ Ba dan ń ni-oō najə̄ gə̄ ń toō beé anī, rɔ̄n nelə̄n alé, tɔdɔ̄ ni i de kə́ ənge yá̰á̰ ngá̰ý.

Bible sar

²³ Ba dan ń ni-oō najə̄ gə̄ ń toō beé anī, rɔ̄n nelə̄n alé, tɔdɔ̄ ni i de kə́ ənge yá̰á̰ ngá̰ý.

Najə̄ kə́ Majə yā Jeju ń Luk ndang ní 18:23 Referans Kwoze

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

1 JA̰A̰ 2:15

Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

Najə̄ kə́ Majə yā Jeju ń Luk ndang ní 8:14

Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.

MARK 10:22

Banī dan ń deē ngeé ń toō oō najə̄ gə̄ ní anī, rɔ̄n ur wak, adə̄ ɔtə aw̄ kɔ̄ɔ́ kə wōngōó, tɔdɔ̄ ni i de kə́ ənge yá̰á̰ ngá̰ý.

MATIYE 19:22

Dan ń balsáá ní oō najə̄ ní anī, ɔtə aw̄ kɔ̄ɔ́ kə wōngōó, tɔdɔ̄ ni i de kə yá̰a̰ kənge yān i ngá̰ý.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

EPEJƏ 5:5

Ōōī majə. De gə̄ kə́ sāān̄ naā loo kaya tə́ ō, kə́ rāān̄ yá̰á̰ kə́ to yḛr kum gə̄ ō, ngé suu gə̄, tɔdɔ̄ suu i rāā ɓesə̄ ō ní, asən̄ kənge loo kem Ɓē ko̰o̰ yā Kərist tə́ ō yā Nə́ɓā tə́ ō alé.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Najə̄ kə́ Majə yā Jeju ń Luk ndang ní 18:24

Dan ń Jeju a̰a̰ beé anī, əda na: Kudə kem Ɓē ko̰o̰ yā Nə́ɓā tə́ i yá̰á̰ kə́ ngan̄g ngá̰ý tām̄ yā de kə́ ənge yá̰á̰ ngá̰ý tə́.