Najə̄ kə́ Majə yā Jeju ń Luk ndang ní 18:22 - Bibəl ta Sar̄

²² Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Bible sar

²² Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Najə̄ kə́ Majə yā Jeju ń Luk ndang ní 18:22 Referans Kwoze

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

MATIYE 19:21

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

Najə̄ kə́ Majə yā Jeju ń Luk ndang ní 16:9

Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Najə̄ kə́ Majə yā Jeju ń Luk ndang ní 10:42

Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

PILIPƏ 3:13

Ngákó̰ó̰ḿ gə̄, m̄-gír̄ kadə̄ mā na m-ə́ngé yá̰a̰ kəndā nja ní kɔ̄ɔ́ ɓá alé. Yá̰á̰ ń m̄-rāā ní i kógə̄ḿ beē: Dɔḿ ndígə̄nal yá̰á̰ kə́ gōḿ tə́ kɔ̄ɔ́, ba m-ə́hɔ rɔ̄ḿ tɔgə kadə̄ m-ūgə̄ rɔ̄ yá̰á̰ kə́ kété noḿ tə́ tə́.

Najə̄ kə́ Majə yā Jeju ń Luk ndang ní 9:23

Gō tə́ anī ni-əda de gə̄ malang na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ əya̰ róbə yān kɔ̄ɔ́ ō, ndi dɔ rɔ̄n tə́ kə ndɔ̄ gə̄ yā kətō kāgə̄ kə́ dēsə́ yān ō, ba un róbə́ ń mā m-úń ní.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

Najə̄ kə́ Majə yā Jeju ń Luk ndang ní 18:21

Anī ngār ní əda na: Nin̄ ń noō malang ní i yá̰a̰ gə̄ kə́ m̄-rāādə́ i kə ngōn̄ dūúḿ beé.

Najə̄ kə́ Majə yā Jeju ń Luk ndang ní 18:23

Ba dan ń ni-oō najə̄ gə̄ ń toō beé anī, rɔ̄n nelə̄n alé, tɔdɔ̄ ni i de kə́ ənge yá̰á̰ ngá̰ý.