Najə̄ kə́ Majə yā Jeju ń Luk ndang ní 18:12 - Bibəl ta Sar̄

¹² Dan ndɔ̄ kə́ sīrí gə̄ tə́ ní, kə́ jōó gə̄ m-ā m̄-*ndiń ɓō tām̄ yāí tə́. Tá yá̰a̰ gə̄ ń m-ə́nge malang ní, m-ɔ̄r̄ dɔ kə́ nge ko̰ kutə m-ādī ɓáý to̰.

Bible sar

¹² Dan ndɔ̄ kə́ sīrí gə̄ tə́ ní, kə́ jōó gə̄ m-ā m̄-*ndiń ɓō tām̄ yāí tə́. Tá yá̰a̰ gə̄ ń m-ə́nge malang ní, m-ɔ̄r̄ dɔ kə́ nge ko̰ kutə m-ādī ɓáý to̰.

Najə̄ kə́ Majə yā Jeju ń Luk ndang ní 18:12 Referans Kwoze

Najə̄ kə́ Majə yā Jeju ń Luk ndang ní 11:42

Rɔ̄ ndoō i yāsí sḭḭ̄ Parijiyḛ gə̄! Tām̄ sḭḭ̄ ɔ̄rī dɔ kámbə kotə ō, kámbə ru ō, mbī kámbə́ kə́ tayā tayā gə̄ ō kə́ nge ko̰ kutə ādī Nə́ɓā ō, banī yá̰á̰ kə́ gōtə́ ō, táŕ Nə́ɓā ō, ɓáa usəsí dɔ tə́ alé. Tá i yá̰a̰ gə̄ ń toō n majə kadə̄ ə̄nīī rɔ̄sí rak ī-rāāīdə́ kanjə̄ kəya̰ ngé gə̄ noō kɔ̄ɔ́ ō ní.

MATIYE 9:14

Tā anī ngé ndóō yá̰a̰ yā Ja̰a̰ gə̄ reēn̄ rɔ̄ Jeju tə́ ba dəjenən̄ na ké i tām̄ rí tə́ á nin̄ ō, Parijiyḛ gə̄ ō, na ndin̄ ɓō tām̄ yā Nə́ɓā tə́, ba ngé ndóō yá̰a̰ yān gə̄ na ndin̄ ɓō tām̄ yā Nə́ɓā tə́ aĺ ní wa?

Najə̄ kə́ Majə yā Jeju ń Luk ndang ní 17:10

Yāsí sḭḭ̄ i tītə̄ ń noō ō, adə̄ dan ń ī-rāāī yá̰a̰ gə̄ ń Nə́ɓā əndā dɔsí tə́ kadə̄ ī-rāāī ní malang oy anī, majə kadə̄ ə́daī tītə̄ ń toō na: Jḭḭ̄ i ngáń ngé kəla gə̄ karī, adə̄ jə-rāāī i yá̰á̰ ń sɔɔ̄ kadə̄ jə-rāāī ní ngóy.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

MATIYE 6:1

Yá̰a̰ gə̄ kə́ kadə̄ ī-rāāī tá sḭḭ̄ i de kə́ súmūú gə̄ ta kum Nə́ɓā tə́ ní, ī-lōōī rāādə́ ta kum de gə̄ tə́ kadə̄ a̰a̰n̄sí. Ré ī-rāāī yá̰a̰ gə̄ ní i kadə̄ de gə̄ a̰a̰n̄sí anī, Bɔbə̄sí kə́ dɔ rā̰ tə́ a əndā njasí alé.

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

EPEJƏ 2:9

I kəla yāsí gə̄ n ajən̄sí ní alé, adə̄ de kə́ a asə kɔr ta rɔ̄n tāmən tə́ gətóo!

GALATƏ 1:14

Jipə madə́ḿ gə̄ ń ɓāl̄jí asə naā ní, m̄-rāā kəla m-ādə̄ Nə́ɓā kə gō róbən yā Jipə gēé m̄-tɔȳdə́. Tām̄ o̰o̰m̄ tɔdɔ̄ yá̰a̰ kāgə̄ ɓē yā kaaḿ gə̄ tɔȳ yādə́.

1 KORḚNTƏ 1:29

I beé n deē ndul a asəń kɔjə rɔ̄n ta kum Nə́ɓā tə́ aĺ ní.

Makətūbə̄ ń Pol ndang adə̄ Rom gə̄ ní 3:27

Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́.

MATIYE 6:16

Dan ń ā ī-*ndiī ɓō tām̄ yā Nə́ɓā tə́ anī, ī-lōōī rāā dɔ kumsí kadə̄ síndə̄rī tītə̄ ń ngé gól̄ loo gə̄ a rāān̄neé ní. Nin̄-əhɔn̄ ndoō ngá̰ý kadə̄ de gə̄ gerə̄n̄neé kadə̄ na n-ndin̄ ɓō tām̄ yā Nə́ɓā tə́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

2 MBAN̄G 10:16

Ni-əda Yonadab na: Ī-reē j-aw̄, ba á̰a̰ təngā ń m-ā m̄-təngā tām̄ yā Kɔ́ɔ̄ɓē tə́ ní! Adə̄ Yehu unən kem púsə yān tə́ aw̄ seneé.

1 SAMUEL 15:13

Dan ń Samuel aw̄ ugə̄ rɔ̄ Saul tə́ anī Saul ədan na: Ādə̄ Kɔ́ɔ̄ɓē rāā majə seí. Yá̰á̰ ń Kɔ́ɔ̄ɓē ədam̄ ní m̄-rāā.

TƏ́DA 23:4

Nə́ɓā tə́nī ta Balam, anī Balam ədan na: m̄-mēr̄ rāā loo tun̄ yá̰a̰ gə̄ gír sīrí, ba m-ādə̄ ndējə̄n̄ man̄g kə́ bəra kógə̄ḿ ō, bal batə̄ kógə̄ḿ ō, kə dɔ loo tun̄ yá̰a̰ gə̄ ní.

TƏ́DA 18:24

Banī yá̰á̰ kə́ nge ko̰ kutə gə̄ ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní, m-ādə̄ ngán Lebi gə̄ yá̰a̰ kənge yādə́ tə́. I tām̄ najə̄ ń noō tə́ n m-ə́dádə́ na a əngen̄ dɔ nang tītə̄ yā gotə ngán Israel gə̄ aĺ ní.

MATIYE 5:20

Ādə̄ m-ə́dásí, ré háĺ kə́ gōtə́ yāsí tɔȳ yā ngé ndóō de gə̄ ndū najə̄ gə̄ ō, yā Parijiyḛ gə̄ ō aĺ anī, ā údiī kem Ɓē ko̰o̰ kə́ dɔ rā̰ tə́ tə́ alé.