Najə̄ kə́ Majə yā Jeju ń Luk ndang ní 18:1 - Bibəl ta Sar̄

¹ Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

Bible sar

¹ Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

Najə̄ kə́ Majə yā Jeju ń Luk ndang ní 18:1 Referans Kwoze

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.

Makətūbə̄ ń Pol ndang adə̄ Rom gə̄ ní 12:12

Ādī rɔ̄sí nel̄sí tām̄ kəndā ń ə̄ndāī kemsí dɔ Nə́ɓā tə́ ní. Ī-tə́gāī tasí dan wur kɔl tə́. Ī-ngatə́rāī loo ndɔ̄ȳ tə́.

1 TESALONIK 5:17

Ī-lōōī gír ndɔ̄yɔ̄ɔ́ alé.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

JEREMI 29:12

Tā anī, sḭḭ̄ ā ī-ɓārí rīḿ kem ndɔ̄ȳ tə́ ō, ā ī-njə̄rāī mbā kə rīḿ ō, ā ī-ndɔ̄ȳmī ō anī, mā m-ā m̄-rāā yá̰a̰ gə̄ ń ī-dəjeī ní.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

PĀ GƏ̄ 86:3

Kɔ́ɔ̄ɓē, á̰a̰ kum tō ndoō yāḿ, i ḭ̄ n m-ā m̄-ɓāríī kə dɔ ndɔ̄ gə̄ ní.

2 KORḚNTƏ 4:1

Nə́ɓā a̰a̰ kum tō ndoō yājí, adə̄ ni-adə̄jí kəla ń toō. I tām̄ najə̄ ń noō tə́ n tɔ́gə́jí urə̄ń wak aĺ ní.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

JONAS 2:7

m̄-risə bátə́ m-ūgə̄ nja mbal̄ bo gə̄ tə́ nang tə́. Mā i ɓádá, dan de kə́ koy gə̄ tə́. Utə̄n̄ ta róbə gə̄ kə lakélé gāngə̄n̄neé gírə́ḿ, kə́ njɔ́ḿ gə̄ tə́. Banī ḭ̄ Kɔ́ɔ̄ɓē Nə́ɓā yāḿ ī-teē seḿ kɔ̄ɔ́ bəlo kə́ lú ngá̰ý ń toō tə́ kə kumḿ.

PĀ GƏ̄ 65:2

Nə́ɓā, ḭ̄ ń ī-ndi Siyo̰ ní, ásə kadə̄ de gə̄ ɓōkə́nī tɔ̄ȳ ō, ran̄ dɔ ndūdə́ tə́ seí ō.

PĀ GƏ̄ 27:13

m̄-ger̄ majə kadə̄ m-ā m-á̰a̰ kem majə yā Kɔ́ɔ̄ɓē dɔ nang tə́ laā.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

1 SAMUEL 1:12

Ana ndɔ̄ȳ Kɔ́ɔ̄ɓē dan i ngá̰ý. Eli əndā ma̰ȳn

Najə̄ kə́ Majə yā Jeju ń Luk ndang ní 11:10

Tɔdɔ̄ deē ń dəje yá̰á̰ ní kɔ́ɔ̄ a ənge ō, deē ń a sāā yá̰á̰ ní, kɔ́ɔ̄ a ənge ō, deē ń a sāā ní, kɔ́ɔ̄ a ənge ō, nge ń a ənda ta loo ní, a teēn̄ yā kadə̄n ō.