Najə̄ kə́ Majə yā Jeju ń Luk ndang ní 17:30 - Bibəl ta Sar̄

³⁰ Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

Bible sar

³⁰ Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

Najə̄ kə́ Majə yā Jeju ń Luk ndang ní 17:30 Referans Kwoze

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

2 TESALONIK 1:7

Ba kadə̄ sḭḭ̄ ń rāān̄sí yá̰á̰ kə́ tōr̄ ní, ni-rāā adə̄ ɔ̄rī koō naā tə́ sejí, ndɔ̄ téĺ Kɔ́ɔ̄ɓē Jeju tə́, kə deē yān gə̄ kə́ dɔ rā̰ tə́ kə́ tɔ́gə́də́ i ngá̰ý.

1 KORḚNTƏ 1:7

adə̄ sḭḭ̄ ń ī-ndi ā ī-ngóōī kum mbang ń Kɔ́ɔ̄ɓē yājí Jeju Kərist a teēń hɔy tə́ ní, yá̰á̰ kógə̄ḿ kə́ Nə́ɓā a adə̄ de gə̄ kə ta kūl̄ kem ndaa yānneé kə́ sḭḭ̄ ī-nalī ní gətóo.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

Najə̄ kə́ Majə yā Jeju ń Luk ndang ní 21:27

Anī a a̰a̰n̄ Ngōn̄ Deē a reē dan kil̄ man̄ tə́ kə tɔ́gɔ́ ō, kə kɔsə gɔn kə́ ngá̰ý ō.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

MARK 13:26

Loo ń noō tə́ tā a, a a̰ā̰n̄ Ngōn̄ Deē loo reē tə́ dan kil̄ man̄ tə́ kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

MATIYE 24:39

De gə̄ ndin̄ dāȳ bátə́ man̄ kaw̄ reē taāńdə́ adə̄ udən̄ kɔ̄ɔ́ malang. Ní, ta reē Ngōn̄ Deē a to i tītə̄ ń noō ō.

MATIYE 24:37

Yá̰a̰ gə̄ ń rāān̄ yá̰a̰ ɓāl̄ yā Noe tə́ ní, ta reē Ngōn̄ Deē tə́ anī, a rāān̄ yá̰a̰ ō.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

Najə̄ kə́ Majə yā Jeju ń Luk ndang ní 17:24

Tɔdɔ̄ tītə̄ ń man̄ tel̄ dām̄ dɔ rā̰ kógə̄ḿ tə́ a a unjə̄ loo bátə́ yā gān̄g dāmə̄n kə́ rang tə́ ní, ndɔ̄ reē Ngōn̄ Deē tə́ a to i tītə̄ ń noō ō.

Najə̄ kə́ Majə yā Jeju ń Luk ndang ní 17:29

Ba ndɔ̄ ń Lot teēń kem ɓē kə́ Sodom tə́ ní, Nə́ɓā rāā adə̄ hor ō, hor bursu ō ḭḭn̄ dɔ rā̰ tə́ edən̄ man̄ tə́ kə̄ dɔdə́ tə́, adə̄ nin̄ malang oyn̄ kɔ̄ɔ́.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.

KOLOSƏ 3:4

Kərist ń i ndi kə kumuú yāsí ní, dan ń a teē hɔý anī, sḭḭ̄ ā ī-teēī hɔy seneé ō, ā əngeī kɔsə gɔn yān ō.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.