Najə̄ kə́ Majə yā Jeju ń Luk ndang ní 17:29 - Bibəl ta Sar̄

²⁹ Ba ndɔ̄ ń Lot teēń kem ɓē kə́ Sodom tə́ ní, Nə́ɓā rāā adə̄ hor ō, hor bursu ō ḭḭn̄ dɔ rā̰ tə́ edən̄ man̄ tə́ kə̄ dɔdə́ tə́, adə̄ nin̄ malang oyn̄ kɔ̄ɔ́.

Bible sar

²⁹ Ba ndɔ̄ ń Lot teēń kem ɓē kə́ Sodom tə́ ní, Nə́ɓā rāā adə̄ hor ō, hor bursu ō ḭḭn̄ dɔ rā̰ tə́ edən̄ man̄ tə́ kə̄ dɔdə́ tə́, adə̄ nin̄ malang oyn̄ kɔ̄ɔ́.

Najə̄ kə́ Majə yā Jeju ń Luk ndang ní 17:29 Referans Kwoze

JEJU TEĒ KUM JA̰A̰ 11:8

Ba nīńdə́ a to ndágə loo kə́ kem ɓē bo ń unən̄ gidə rī kə̄ gogə́ əndān̄ dɔ tə́ na i Sodom ō Ejiptə ō ní tə́. Əndan̄ Kɔ́ɔ̄ɓē yādə́ kə mayá̰ tū kāgə̄ kə́ dēsə́ tə́ i loo ngeé ń noō tə́.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

JEREMI 50:40

De kógə̄ḿ kə́ yā ndi ɓē loo ń noō tə́ to̰ a gətóo ō, de kə́ yā kaw̄ ndi kemeé a gətóo ō. Tītə̄ yā Sodom ō, Gomor ō, ɓē gə̄ ń ndi girə̄n̄ gidədə́ á Nə́ɓā nujəń kɔ̄ɔ́ ō ní. Najə̄ ń Kɔ́ɔ̄ɓē əda ní n noó.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

Najə̄ kə́ Majə yā Jeju ń Luk ndang ní 17:28

A to i tītə̄ kə́ ndɔ̄ gə̄ yā Lot tə́ ō. De gə̄ əsan̄ ō, a̰ȳn̄ ō, mangən̄ yá̰a̰ gə̄ ō, igən̄ yá̰a̰ gə̄ ō, əndān̄ kāgə̄ gə̄ ō, rāān̄ kújə gə̄ ō.

Najə̄ kə́ Majə yā Jeju ń Luk ndang ní 17:30

Ndɔ̄ ń kadə̄ Ngōn̄ Deē a teēń hɔy tə́ ní a to i tītə̄ ń noō ō.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.