Najə̄ kə́ Majə yā Jeju ń Luk ndang ní 17:25 - Bibəl ta Sar̄

²⁵ Banī i gáŕ kadə̄ ni a a̰a̰ tápə̄ ngá̰ý ō, kadə̄ de kə́ ɓāl̄ ń toō tə́ gə̄ a mbātə́nən̄ ō pá tá.

Bible sar

²⁵ Banī i gáŕ kadə̄ ni a a̰a̰ tápə̄ ngá̰ý ō, kadə̄ de kə́ ɓāl̄ ń toō tə́ gə̄ a mbātə́nən̄ ō pá tá.

Najə̄ kə́ Majə yā Jeju ń Luk ndang ní 17:25 Referans Kwoze

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

Najə̄ kə́ Majə yā Jeju ń Luk ndang ní 9:22

Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.

MARK 8:31

Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

JA̰A̰ 1:11

Ni-reē ɓēé looneé, ba de kə́ ɓē yān tə́ gə̄ əhɔnən̄ kə̄ rɔ̄də́ tə́ alé.

Najə̄ kə́ Majə yā Jeju ń Luk ndang ní 18:33

a tə̄ndānən̄ kə mərawaá ō, tá a tɔ̄l̄nən̄ ba ndɔ̄ kə́ nge ko̰ mətá tə́ anī, a ndólə̄n.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

MATIYE 21:42

Ba Jeju tél ədadə́ na ké a̰a̰n̄ najə̄ ń toō kem makətūbə̄ aĺ wa: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní. Nge ń noō i kəla rāā Kɔ́ɔ̄ɓē, adə̄ i yá̰á̰ kə́ majə to ɓōĺ ngá̰ý ta kumjí tə́.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

JA̰A̰ 12:38

I yā kadə̄ najə̄ ń Ijai nge koō ta əda toó reē udəń gírí, əda na: Kɔ́ɔ̄ɓē, i náā n taā kem najə̄ kɔr̄jí ní? I náā n Kɔ́ɔ̄ɓē ɔjən yá̰á̰ ń ni-rāā kə jīneé ní?

Najə̄ kə́ Majə yā Jeju ń Luk ndang ní 24:46

ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

Najə̄ kə́ Majə yā Jeju ń Luk ndang ní 18:31

Gō tə́ anī, Jeju ɔy ngé kə́ kutə gidə i jōó gə̄ ní seneé ba ədadə́ na: Á̰a̰ī, j-āwī i ta kə́ Jerusalem. Yá̰a̰ gə̄ malang ń ngé koō ta gə̄ ndangən̄ sɔɔ̄ dɔ Ngōn̄ Deē ní a reēn̄ yā kudə gírí.

MARK 10:33

Ōōī a, j-a j-awī i kə̄ Jerusalem, ba a əlan̄ Ngōn̄ Deē jī ngol gə̄ kə́ dɔ ngé tun̄ yá̰a̰ gə̄ tə́ tə́ ō, ngé ndóō de gə̄ ndū najə̄ gə̄ tə́ ō. Nin̄ a gāngə̄n̄ sarya dɔn tə́ kadə̄ a tɔ̄l̄nən̄, ba a əlanən̄ jī de gə̄ kə́ nin̄ i Jipə aĺ gə̄ tə́.

MARK 9:31

tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

1 SAMUEL 8:7

Anī Kɔ́ɔ̄ɓē tél əda Samuel na: Ōō najə̄ yā ngán Israel gə̄ ba ī-rāā yá̰a̰ malang ń dəjenī ní. Tɔdɔ̄ i ḭ̄ n mbātə́nī ní alé ba i mā n mbātə́mə̄n̄ ní. Ndigən̄ kadə̄ m-ó̰o̰ ɓē dɔdə́ tə́ to̰ alé.