Najə̄ kə́ Majə yā Jeju ń Luk ndang ní 17:24 - Bibəl ta Sar̄

²⁴ Tɔdɔ̄ tītə̄ ń man̄ tel̄ dām̄ dɔ rā̰ kógə̄ḿ tə́ a a unjə̄ loo bátə́ yā gān̄g dāmə̄n kə́ rang tə́ ní, ndɔ̄ reē Ngōn̄ Deē tə́ a to i tītə̄ ń noō ō.

Bible sar

²⁴ Tɔdɔ̄ tītə̄ ń man̄ tel̄ dām̄ dɔ rā̰ kógə̄ḿ tə́ a a unjə̄ loo bátə́ yā gān̄g dāmə̄n kə́ rang tə́ ní, ndɔ̄ reē Ngōn̄ Deē tə́ a to i tītə̄ ń noō ō.

Najə̄ kə́ Majə yā Jeju ń Luk ndang ní 17:24 Referans Kwoze

MATIYE 24:27

Tɔdɔ̄ i tītə̄ ń man̄ tel̄ dūn̄ ɓē tə́ anī, unjə̄ teē no ɓē tə́ ní, ta reē Ngōn̄ deē a to i tītə̄ noō ō.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

JAKƏ 5:8

Sḭḭ̄, ī-tə́gāī tasí ō, ə́reī wursí ō, tɔdɔ̄ dɔ ndɔ̄ reē Kɔ́ɔ̄ɓē i ngɔr.

2 TESALONIK 2:2

ī-lōōī taā kem kadə̄ na ndɔ̄ yā Kɔ́ɔ̄ɓē na ugə̄ kɔ̄ɔ́. Majanī deē kógə̄ḿ əda najə̄ kə́ Nə́ɓā əndā tan tə́, aláa i najə̄ kə́ ni-əda na i jḭḭ n na j-əda, aláa na i makətūbə̄ kə́ na i jḭḭ n na j-əlań, ngákó̰ó̰jí gə̄, ī-lōōī kadə̄ ndíĺsí a̰ȳ tām̄ najə̄ ń noō tə́ ō, ī-lōōī sōl̄ ō.

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

EJEKIEL 1:14

Yá̰á̰ kə́ kə kumuú gə̄ ní aw̄n̄ ō télən̄ ō kə ngɔ̄də́ kə́ ngá̰ý. Nin̄ ngɔ̄də̄n̄ tītə̄ tel̄ man̄ beé.

MATIYE 5:15

Deē a əndā hor tū lámbá tə́ i yā sébə kār̄ dɔ tə́ alé, ba i yā naā tū kāgə̄ hor tə́ kadə̄ de gə̄ malang ń ndin̄ kem kújú ní a̰a̰n̄neé loo.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.