Najə̄ kə́ Majə yā Jeju ń Luk ndang ní 17:2 - Bibəl ta Sar̄

² I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

Bible sar

² I só tə́ ngá̰ý tām̄ yān tə́ kadə̄ do̰ō̰n̄ mbal̄ riī yá̰á̰ kə́ bo míndən tə́, ba bḭ́ḭ̄ ənīnən̄ kum bā bo tə́ kɔ̄ɔ́, tɔȳ kadə̄ ni-rāā adə̄ de kə́ kógə̄ḿ beē kə́ dan de kə́ dūú gə̄ ń toō tə́ əsō sɔɔ̄ ń dɔ hálən ō, najə̄ kə́ tan tə́ ō.

Najə̄ kə́ Majə yā Jeju ń Luk ndang ní 17:2 Referans Kwoze

MARK 9:42

Ba deē ń a rāā kadə̄ nge kógə̄ḿ kə́ dan de kə́ dūú gə̄ ń toō ń taān̄ kemḿ tə́ ní əsō ní, kə́ só tə́ ngá̰ý tām̄ yān tə́ i kadə̄ do̰ō̰n̄ mbal̄ kusə yá̰á̰ kə́ bo kɔ́ɔn tə́, ba kadə̄ ənīnən̄ kum bā bo tə́ kɔ̄ɔ́.

MATIYE 18:14

I tītə̄ ń noō kə Bɔbə̄sí kə́ ndi dɔ rā̰ tə́. Ni gḛy kadə̄ ngáń kə́ dūú gə̄ ń toō ní, ta nge kə́ kógə̄ḿ tḭ̄ḭ̄ alé.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

1 KORḚNTƏ 9:22

Dan de kə́ tɔ́gə́də́ gətóo gə̄ tə́ anī, m̄-ndi tītə̄də́ yā kəngeńdə́. Adə̄ m̄-rāā rɔ̄ḿ yá̰a̰ malang tām̄ yādə́ tə́ malang, yā kadə̄ m-ájəń de kə́rēý gə̄ dandə́ tə́.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

1 KORḚNTƏ 9:15

Yá̰a̰ gə̄ ń noō ń m-ásə taā ní m̄-taā alé. Tá m̄-ndang makətūbə̄ ń toō i yā dəjeń aĺ ō. Koyḿ i só tə́ tɔȳ kadə̄ deē taā yá̰a̰ kɔsə gɔn rɔ̄ yāḿ jīḿ tə́!

JA̰A̰ 21:15

Dan ń nin̄-əsan̄ yá̰a̰ oy anī, Jeju dəje Simo̰ Piyer na: Simo̰ ngōn̄ Ja̰a̰, ī-tárəm̄ tɔȳ madí gə̄ ń toō a? Anī Simo̰ Piyer tél ədan na: A̰á̰ā̰ Kɔ́ɔ̄ɓē, ī-ger̄ kadə̄ nelə̄m̄ seí. Anī Jeju ədan na: Ūl̄ ngán batə̄ yāḿ gə̄.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

MATIYE 17:27

Ba kadə̄ de gə̄ n noō əsōn̄neé sɔɔ̄ńjí aĺ ní, āw̄ ta bā bo tə́ ə̄nī kuȳ. Kānjə̄ kə́ ta kəga dɔ ń a un kuȳ ní ə́hɔn ba ī-teē tan, ā ə́ngé njáŕ sə́lē arjā̰a̰ kə kum madə̄ jōó tan tə́. Ɔ̄r̄, ba āwń ādə̄də́ tām̄ yāḿ tə́ ō, tām̄ yāí tə́ ō.