Najə̄ kə́ Majə yā Jeju ń Luk ndang ní 16:9 - Bibəl ta Sar̄

⁹ Ba mā, ādə̄ m-ə́dásí: Ī-rāāī madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Bible sar

⁹ Ba mā, ādə̄ m-ə́dásí: Ī-rāāī *madə̄ naā kə gúrsə ń i yá̰a̰ yā de kə́ sew aĺ gə̄ ní, yā kadə̄ ré ndɔ̄ ń gətóo jīsí tə́ anī, madə̄sí gə̄ əhɔn̄sí kə̄ rɔ̄də́ tə́ gíŕ kújə tandā gə̄ ń a ton̄ ngándáńg tə́ ní.

Najə̄ kə́ Majə yā Jeju ń Luk ndang ní 16:9 Referans Kwoze

MATIYE 19:21

Anī Jeju tél ədan na: Ré ī-gḛy kadə̄ ḭ̄ i de kə́ majə ɔtə̄ kə taá ɓáa, āw̄ ígə́ yá̰a̰ kənge yāí gə̄ malang ba ādə̄ ngé ndoō gə̄ narən. Loo ń noō tə́ ā ə́ngé yá̰á̰ ngá̰ý dɔ rā̰ tə́. Gō tə́ anī, ī-reē un gōḿ.

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

Najə̄ kə́ Majə yā Jeju ń Luk ndang ní 16:11

Ré sḭḭ̄ ī-téliī de kə́ sew gə̄ loo ngɔ̄m̄ gúrsə ń i yá̰a̰ yā de kə́ sew aĺ gə̄ tə́ ní anī, i náā ɓáý n a adə̄sí yāsí sḭḭ̄ kɔ́ gə̄ ní?

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

Najə̄ kə́ Majə yā Jeju ń Luk ndang ní 14:14

Loo ń noō tə́ rɔ̄í a nelī, tām̄ nin̄ a asən̄ kadī kum gotə alé. Tɔdɔ̄ a télən̄ kə yá̰a̰ gə̄ ń toō yā kadī gogə́ ndɔ̄ ń de kə́ súmūú gə̄ a ndólə̄n̄neé tə́ ní.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

Najə̄ kə́ Majə yā Jeju ń Luk ndang ní 16:13

De kə́ nge rāā kəla kə́ kem kújú kə́ asə rāā kəla yā kɔ́ɔ̄n gə̄ jōó gətóo. Ré ni-im̄ kə́ kógə̄ḿ ba táŕ kə́rēý aĺ ɓáa, a əhɔ gō nge kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō naā tə́ mbak alé.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

MATIYE 6:19

Ī-lōōī kɔsə dɔ dūbə̄ yá̰a̰ kənge yāsí gə̄ kə̄ naā tə́ dɔ nang tə́ laā. Tām̄ dɔ nang tə́ laā kārā a əhɔ ō, yō̰ gə̄ a o̰o̰n̄ kɔ̄ɔ́ ō, ngé ɓogə gə̄ a mbútə̄n̄ kum ndogə̄ mbal̄ yā kɔyń ō.

Makətūbə̄ ń Jud ndang ní 1:21

Sḭḭ̄ kɔ́ gə̄ ī-ngɔ̄mī rɔ̄sí. Ī-raī dɔ táŕ ń Nə́ɓā táŕsí tə́ ní ī-ngóōīneé ta ndi kə kumuú kə́ ngándáńg ń Kɔ́ɔ̄ɓē Jeju Kərist a adə̄sí kə ta kūl̄ kem majə yānneé ní.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KOHELET 11:1

Ə̄nī yá̰a̰ kəsa yāí dɔ man̄ tə́, tɔdɔ̄ bátə́ gə̄gē anī ā ī-tél yā kənge gogə́.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

PĀ GƏ̄ 73:26

m̄-ndəlē ō, dan wurəḿ ɔr ō, banī nge rāā seḿ ō, yá̰a̰ halaḿ ō, i ḭ̄ Nə́ɓā ta kaw̄ kə̄ jóo.

Najə̄ kə́ Majə yā Jeju ń Luk ndang ní 16:4

Yá̰á̰ ń kadə̄ m̄-rāā tá kadə̄ ré ɔr̄mə̄n̄ kəlaá anī, m-ə́ngeń de gə̄ kə́ kadə̄ əhɔmə̄n̄ kə̄ rɔ̄də́ tə́ kem kújə yādə́ gə̄ tə́ ní, m̄-ger̄ tā!

Gōsə̄ najə̄ gə̄ 14:24

Yá̰a̰ kənge i jākā mbang yā ngé kum kedə̄ gə̄, yā de kə́ mbóo gə̄ i kur̄ dɔ kə́ gətóó ngándáńg.