Najə̄ kə́ Majə yā Jeju ń Luk ndang ní 16:8 - Bibəl ta Sar̄

⁸ Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

Bible sar

⁸ Anī kɔ́ɔ̄ nge kəla kə́ sew aĺ ngeé ń toō tɔ̄yn, tɔdɔ̄ ni-rāā yá̰a̰ yān ní i kə kum kedēé ngá̰ý. Tām̄ ngáń kə́ dɔ nang tə́ laā gə̄ ní, kumdə́ edə̄ kə madə̄də́ gēé mān̄ yā ngán kə́ kum loo kə́ unjə̄ kow tə́ gə̄.

Najə̄ kə́ Majə yā Jeju ń Luk ndang ní 16:8 Referans Kwoze

1 TESALONIK 5:5

Tām̄ sḭḭ̄ malang i ngáń kə́ kum loo kə́ unjə̄ kow tə́ gə̄ ō, ngáń kə́ kadaá gə̄ ō. Jḭḭ̄ i de kə́ ndɔ̄ɔ́ gə̄ aĺ ō, kə́ tilií gə̄ aĺ ō.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

Najə̄ kə́ Majə yā Jeju ń Luk ndang ní 16:10

Deē ń ni i de kə́ sew loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew loo ngɔ̄m̄ yá̰á̰ kə́ ngá̰ý gə̄ tə́ ō. Ba deē ń ni i de kə́ sew alé loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew alé loo ngɔ̄m̄ yá̰á̰ kə́ ngá̰ý gə̄ tə́ ō.

JA̰A̰ 12:36

Dan ń loo kə́ unjə̄ kow i sesí ɓáý ní, ī-taāī kem loo kə́ unjə̄ kow ní, yā kadə̄ ī-téliīneé ngán loo kə́ unjə̄ kow gə̄. Dan ń Jeju ədadə́ najə̄ ń toō oy anī, ɔtə tadə́ tə́ aw̄ ɓɔ̄ɔ̄ rɔ̄n kɔ̄ɔ́.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.

Najə̄ kə́ Majə yā Jeju ń Luk ndang ní 16:4

Yá̰á̰ ń kadə̄ m̄-rāā tá kadə̄ ré ɔr̄mə̄n̄ kəlaá anī, m-ə́ngeń de gə̄ kə́ kadə̄ əhɔmə̄n̄ kə̄ rɔ̄də́ tə́ kem kújə yādə́ gə̄ tə́ ní, m̄-ger̄ tā!

Teē Ngán Israel gə̄ 1:10

ní kə n-sāān̄ kum kedə̄ kə́ yā kɔgə̄ńdə́ kojə naā kum kə̄ kété, na sōgə́ rɔ̄ɔ̄ əsō anī ɓoon̄ rɔ̄də́ tū yā madə̄ ba̰ā̰də́ nin̄ gə̄ tə́ yā rɔ̄ɔńdə́ ba teēń kɔ̄ɔ́ kem ɓēé.

TA KƏLA 3:1

Lī i dā̰ kə́ kumən edə̄ tɔȳ gotə dā̰ gə̄ malang kə́ bembeé ń Kɔ́ɔ̄ɓē Nə́ɓā rāā ní. Ni-dəje dəyá̰ na: Nə́ɓā əda na kə ə́saī kan̄ kāgə̄ kə́ ndɔrɔ́ malang aĺ rɔ̄kum a?

Najə̄ kə́ Majə yā Jeju ń Luk ndang ní 20:34

Jeju tél ədadə́ na: De gə̄ kə́ kem ndɔ̄ kə́ ngɔlaā ń toō tə́ a taān̄ naā.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

2 SAMUEL 13:3

Banī madə̄ Amnon kə́rēý kə́ kumən edə̄ ngá̰ý i noó, rīn na i Yonadab. Ni i ngōn̄ Sama kə́ ngōkó̰o̰ Dabid.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

Najə̄ kə́ Majə yā Jeju ń Luk ndang ní 18:6

Anī Kɔ́ɔ̄ɓē tél əda dɔ tə́ na: Ōōī najə̄ ń nge gān̄g sarya kə́ gōtə́ aĺ ń toō əda ní, ādī udə mbīsí tə́ majə.

MATIYE 17:26

Piyer tél ədan na, i jī tə̄rā gə̄ tə́. Anī Jeju ədan na: I beé ní, ngáń ngé ɓē gə̄ i tū tə́ alé.

2 MBAN̄G 10:19

Ké ngɔr ń toō tə́ ī-ɓāríī ngé koō ta yā Baal gə̄ malang ō, ngé kəla yān gə̄ ō, ngé tun̄ yá̰a̰ yān gə̄ malang ō, ādə̄ reēn̄ rɔ̄ḿ tə́ laā. Ādə̄ deē kógə̄ḿ na̰y alé, tɔdɔ̄ m̄-gḛy tun̄ yá̰á̰ kə́ ngá̰ý yā rɔȳń Baal. De gə̄ ń a reēn̄ aĺ ní a tɔ̄lə̄n̄də́ kɔ̄ɔ́. Tá Yehu rāā yá̰á̰ ní i kə kum kedēé yā rāań kadə̄ ngé rāā kəla yā Baal gə̄ gətóon̄ kɔ̄ɔ́ malang.

MATIYE 12:32

A mā̰ȳn̄ rɔ̄də́ dɔ deē ń əda najə̄ kə́ majaĺ dɔ Ngōn̄ deē tə́ ní, ba deē ń ɔr̄ najə̄ kə́ majaĺ dɔ Ndíĺ kə́ Táĺ tə́ ní, a mā̰ȳn̄ rɔ̄də́ dɔn tə́ dɔ nang ń toō tə́ aĺ ō, dɔ nang kə́ kijə kə́ ndɔ̄ń tə́ tə́ aĺ ō.

Najə̄ kə́ Majə yā Jeju ń Luk ndang ní 16:7

Gō tə́ anī əda nge kə́ rang na: Ba ḭ̄, kə́ dɔí tə́ i kóndóńg? Deē ní əda na: I mbɔr̄ gémē ɓú. Anī tél ədan na: Ī-taā makətūbə̄ kə̄rā yāí ní ń toō ba ī-ndang kemeé na i kutə sɔ́sɔ́.

Najə̄ kə́ Majə yā Jeju ń Luk ndang ní 20:35

Ba ngé gə̄ ń Nə́ɓā a̰a̰də́ á ton̄ kadə̄ a ugə̄n̄ dɔ nang kə́ kijə kə́ ndɔ̄ń tə́ ō, ndɔ̄ ń de kə́ koy gə̄ a ndólə̄n̄neé bəlo yo tə́ ō ní, a taān̄ naā alé,

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.