Najə̄ kə́ Majə yā Jeju ń Luk ndang ní 16:31 - Bibəl ta Sar̄

³¹ Banī Abəraham tél ədan ɓáý to̰ na: Ré nin̄-oōn̄ ta Moijə ō, ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

Bible sar

³¹ Banī Abəraham tél ədan ɓáý to̰ na: Ré nin̄-oōn̄ ta Moijə ō, *ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

Najə̄ kə́ Majə yā Jeju ń Luk ndang ní 16:31 Referans Kwoze

2 KORḚNTƏ 4:3

Ré Najə̄ kə́ Majə ń j-ɔjə ní kumən unjə̄ aĺ anī, unjə̄ aĺ i ta kum ngé gə̄ ń nin̄ kɔ́ gə̄ a tḭ̄ḭ̄n̄ ta rɔ̄də́ tə́ ní.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

KƏLA RĀĀ 26:28

Anī Agəripa tél əda Pol na: Na̰y i sḛ́ý beē kadə̄ ɔ́sə́ ngóýḿ kadə̄ m̄-tél deē yā Kərist.

KƏLA RĀĀ 19:8

Pol aw̄ kújə́ kán̄ naā yā Jipə gə̄ tə́ ba ɔr̄ najə̄ kemeé kanjə̄ ɓōĺ nāā mətá. Ni-ɔr̄ i najə̄ kə́ dɔ Ɓē ko̰o̰ yā Nə́ɓā tə́ ō, sāā i kɔsə ngóý ngé koō najə̄ kɔrə̄n gə̄ ō.

TA KƏLA 9:27

Ādə̄ Nə́ɓā ɔr̄ gír loo yā Japet kə̄ gogə́! Ādə̄ Japet ndi kem kújə tandā gə̄ yā Sem tə́, ba ādə̄ Kanaan i ɓəlo yān!

Najə̄ kə́ Majə yā Jeju ń Luk ndang ní 16:30

Anī əda na: A oōn̄ alé, bɔbə́ḿ Abəraham, ba ré i de kə́ teē ɓádá aw̄ rɔ̄də́ tə́ ní anī, a tūrə̄n̄ háĺdə́.

Najə̄ kə́ Majə yā Jeju ń Luk ndang ní 17:1

Gō tə́ anī, Jeju əda ngé ndóō yá̰a̰ yān gə̄ na: Loo kadə̄ de kə́rēý gə̄ kə tə́sōn̄ kə gō hál madə̄də́ gə̄ ō, najə̄ kə́ tadə́ tə́ ō, aĺ ní gətóo i kə́ bátə́ gə̄ tə́, ba rɔ̄ tō ndoō i kə nge ń madə̄n gə̄ tə́sōn̄ sɔɔ̄ ń gō hálən kə́ majaĺ ō, gō najə̄ kə́ tan tə́ ō ní.

JA̰A̰ 5:47

Ba dan ń ī-taāī kem najə̄ ń ni-ndang ní aĺ ní, loo kadə̄ ā ī-taāī kem najə̄ yāḿ gə̄ i ba̰ý?