Najə̄ kə́ Majə yā Jeju ń Luk ndang ní 16:28 - Bibəl ta Sar̄

²⁸ tɔdɔ̄ m-āw̄ kə ngákó̰ó̰ḿ gə̄ noó i mí ní, ādə̄ tāādə́ ɓang ɓang kadə̄ reēn̄ kem loo rɔ̄ tōr̄ ń toō tə́ ɓáý to̰ alé.

Bible sar

²⁸ tɔdɔ̄ m-āw̄ kə ngákó̰ó̰ḿ gə̄ noó i mí ní, ādə̄ tāādə́ ɓang ɓang kadə̄ reēn̄ kem loo rɔ̄ tōr̄ ń toō tə́ ɓáý to̰ alé.

Najə̄ kə́ Majə yā Jeju ń Luk ndang ní 16:28 Referans Kwoze

KƏLA RĀĀ 20:23

Yá̰á̰ ń m̄-ger̄ ní n toó ngóy: Ndíĺ kə́ Táĺ tām̄ kə gō ɓē gə̄ kadə̄ dəngáy ō, wur kɔl ō, ton̄ a ngóōmə̄n̄ noó.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

Najə̄ kə́ Majə yā Jeju ń Luk ndang ní 16:27

Anī əda na: Ré i beé anī, m̄-rāāī ɓɔ́ kadə̄ ə́la Lajar kem kújə yā bɔbə́ḿ tə́,

KƏLA RĀĀ 8:25

Dan ń Piyer nin̄ kə Ja̰a̰ ədan̄ najə̄ kə́ kum tə́ dɔ najə̄ yā Kɔ́ɔ̄ɓē tə́ ō, ɔjən̄ najə̄ yān ō oy anī, tél aw̄n̄ gogə́ Jerusalem. Ta téĺdə́ tə́ ní, ɔjən̄ Najə̄ kə́ Majə kem ngán ɓē gə̄ ngá̰ý kə́ gō nang kə́ Samari tə́.

KƏLA RĀĀ 10:42

Ni ədají na kə j-əda ngán Israel gə̄ najə̄ ń toō, kə j-ənī mbēr̄ kə j-əda na i ni n Nə́ɓā əndān nge gān̄g sarya dɔ de kə́ ndin̄ kə kumdə́ gə̄ tə́ ō, dɔ de kə́ koy gə̄ tə́ ō ní.

KƏLA RĀĀ 18:5

Banī loo ń Silas nin̄ kə Timote ḭḭn̄ Masedəwan reē ugə̄n̄ anī, Pol rāā yá̰á̰ kə́ rang to̰ alé, ba əndā rɔ̄n i ta kəla kɔjə najə̄ tə́ ngóy. Ni ɔjə Jipə gə̄ kadə̄ Jeju i Kərist rɔ̄kum.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

KƏLA RĀĀ 23:11

Teē ndɔ̄ kə́ noō tə́ ndɔ̄ɔ́ anī, Kɔ́ɔ̄ɓē ndɔ̄bə̄ Pol ba ədan na: Ə́hɔ rɔ̄í tɔgə, na tītə̄ ń ə́dań najə̄ kə́ kum tə́ dɔḿ tə́ kem ɓē kə́ Jerusalem tə́ ní, majə kadə̄ ī-rāā tītə̄ ń noō kem ɓē kə́ Rom tə́ ō.

KƏLA RĀĀ 26:22

Banī Nə́ɓā ngɔ̄mə̄m̄ bátə́ ɓōólaā, adə̄ m̄-ra laā ɓáý kadə̄ yá̰a̰ gə̄ ń mā i kum tə́ á m-á̰a̰ā̰ ní, m-ə́da de gə̄ malang, de kə́ dūú gə̄ ō, de kə́ bo gə̄ ō. Mā m-ə́dá yá̰á̰ kógə̄ḿ kə́ rang alé, ba i yá̰á̰ ń ngé koō ta gə̄ ō, Moijə ō, ədan̄ na a reē ní.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

GALATƏ 5:3

M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń ndū najə̄ ɔjə tə́ ní, yā rāā kə ta njaá malang.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

1 TESALONIK 2:11

Tītə̄ ń ī-gerīneé ní, yá̰á̰ ń jə-rāā sesí ní, i tītə̄ yá̰á̰ ń bɔbə̄ ngán gə̄ a rāā kə ngánən gēé ní.