Najə̄ kə́ Majə yā Jeju ń Luk ndang ní 16:26 - Bibəl ta Sar̄

²⁶ Banī yá̰á̰ kə́ rang ɓáý to̰ ní, bəlo kə́ bo ngá̰ý i mbo̰ō̰jí jḭḭ tə́ ō sḭḭ̄ tə́ ō, adə̄ ngé gə̄ ń gḛyn̄ kḭḭ laā kaw̄ kə̄ rɔ̄sí tə́ ní a asən̄ kaw̄ aĺ ō, deē kə ḭḭ rɔ̄sí tə́ nú reē rɔ̄jí tə́ laā aĺ ō.

Bible sar

²⁶ Banī yá̰á̰ kə́ rang ɓáý to̰ ní, bəlo kə́ bo ngá̰ý i mbo̰ō̰jí jḭḭ tə́ ō sḭḭ̄ tə́ ō, adə̄ ngé gə̄ ń gḛyn̄ kḭḭ laā kaw̄ kə̄ rɔ̄sí tə́ ní a asən̄ kaw̄ aĺ ō, deē kə ḭḭ rɔ̄sí tə́ nú reē rɔ̄jí tə́ laā aĺ ō.

Najə̄ kə́ Majə yā Jeju ń Luk ndang ní 16:26 Referans Kwoze

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

PĀ GƏ̄ 49:14

De gə̄ ń əndān̄ kemdə́ dɔ rɔ̄də́ nin̄ kɔ́ gə̄ tə́ ngá̰ý ní, yá̰á̰ ń a rāādə́ ní n toó, de gə̄ ń nel̄də́ koō najə̄ kɔr̄də́ nin̄ kɔ́ gə̄ ngá̰ý ní, ta tɔ̄l̄ tadə́ a to i beé:

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

Najə̄ kə́ Majə yā Jeju ń Luk ndang ní 12:59

M-ə́daī najə̄ kə́ rɔ̄kum, ré na̰yń i kɔ̄kə̄rɔ̄ kógə̄ḿ gə̄gē anī ā ə̄gā kə̄rān pá tá ā ī-teē loo ń noō tə́ ɓáý.

EJEKIEL 28:24

Kɔ́ɔ̄ɓē əda ɓáý to̰ na: Tə̄rā gə̄ ń ndin̄ gīrə̄n̄ gidə ɓē kə́ Israel ní, nin̄ a kídə̄n̄ Israel gə̄ to̰ alé. Nin̄ a télən̄ túpə kōn̄ gə̄ tām̄ yān tə́ to̰ alé. Adə̄ nin̄ a tɔ́sə̄n̄ deē ō, a já̰ā̰n̄ deē ō to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

1 SAMUEL 25:36

Dan ń Abigail tél aw̄ ugə̄ ɓēé anī, ənge Nabal i ta yá̰a̰ kəsa kə́ ngá̰ý tə́. I yá̰á̰ kə́ ngá̰ý kə́ tītə̄ yá̰a̰ kəsa mban̄g beé. Rɔ̄ Nabal nelə̄n ngá̰ý. Kasə rāān kɔ̄ɔ́, adə̄ Abigail ədan yá̰á̰ kógə̄ḿ alé bátə́ ta gír loo tə́.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

Najə̄ kə́ Majə yā Jeju ń Luk ndang ní 16:27

Anī əda na: Ré i beé anī, m̄-rāāī ɓɔ́ kadə̄ ə́la Lajar kem kújə yā bɔbə́ḿ tə́,