Najə̄ kə́ Majə yā Jeju ń Luk ndang ní 16:24 - Bibəl ta Sar̄

²⁴ Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

Bible sar

²⁴ Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

Najə̄ kə́ Majə yā Jeju ń Luk ndang ní 16:24 Referans Kwoze

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JAKƏ 3:6

Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

Najə̄ kə́ Majə yā Jeju ń Luk ndang ní 16:30

Anī əda na: A oōn̄ alé, bɔbə́ḿ Abəraham, ba ré i de kə́ teē ɓádá aw̄ rɔ̄də́ tə́ ní anī, a tūrə̄n̄ háĺdə́.

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

JAKARI 14:12

Yá̰á̰ kə́ tōr̄ gə̄ ń Kɔ́ɔ̄ɓē a reēń dɔ gír de gə̄ ń rɔ̄ɔ̄n̄ ɓē kə́ Jerusalem ní n toó: Dā̰də́ a ndum dan ń nin̄ a ndin̄ kə kumdə́ ɓáý ní ō, kumdə́ a ndum kem kārə̄n tə́ ō, ndo̰də́ a ndum kem tadə́ tə́ ō.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Makətūbə̄ ń Pol ndang adə̄ Rom gə̄ ní 4:12

Ni i bɔbə̄ ngé gə̄ ń əjan̄ mɔtədə́ ní ō. Ngé kəja mɔtə gə̄ ń toō ní i ngé gə̄ ń nin̄ i gír kaa yā ngé kəja mɔtə gə̄ tə́ ní ngóy alé, banī i ngé gə̄ ń unən̄ tóo kaají Abəraham loo taā ń ni-taā kem tə́ kété tá kadə̄ əja mɔtən ɓáý ní.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

1 SAMUEL 28:16

Samuel əda na: Ká ré Kɔ́ɔ̄ɓē əya̰ī kɔ̄ɔ́ ō ni-tél madə̄ ba̰ā̰í ō anī ī-dəjem̄ mā najə̄ i tām̄ rí tə́?

Najə̄ kə́ Majə yā Jeju ń Luk ndang ní 19:9

Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.

Makətūbə̄ yā Job 20:21

Kəsa wa yān rāā adə̄ yá̰a̰ mān̄ tan alé, adə̄ ni a ndi majə dan i ngá̰ý alé.