Najə̄ kə́ Majə yā Jeju ń Luk ndang ní 16:23 - Bibəl ta Sar̄

²³ Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

Bible sar

²³ Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

Najə̄ kə́ Majə yā Jeju ń Luk ndang ní 16:23 Referans Kwoze

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

Najə̄ kə́ Majə yā Jeju ń Luk ndang ní 16:28

tɔdɔ̄ m-āw̄ kə ngákó̰ó̰ḿ gə̄ noó i mí ní, ādə̄ tāādə́ ɓang ɓang kadə̄ reēn̄ kem loo rɔ̄ tōr̄ ń toō tə́ ɓáý to̰ alé.

MATIYE 23:33

Sḭḭ̄ i lī gə̄, gír kaa lī kakə́m gə̄! Hor Gehen ń i yá̰á̰ kə́ tōr̄ kə́ kadə̄ rāāsí tām̄ majaĺ yāsí tə́ ní, ā ásiī ka̰ȳ ta tə́ i ba̰ý?

MATIYE 18:9

Ba ré i kumií n a rāāī kadə̄ ə̄sō anī, ɔ̄r̄ ə̄nīn sa̰y rɔ̄í tə́ kɔ̄ɔ́. I só tə́ kadə̄ údə tū kajə tə́ kə kumií kə́ kógə̄ḿ beē, tɔȳ kadə̄ ənīnī kə kumií kə́ jōó gə̄ kum hor Gehen tə́.

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

Najə̄ kə́ Majə yā Jeju ń Luk ndang ní 8:28

Dan ń a̰a̰ Jeju anī əga kɔŕ ngá̰ý ō, əsō kə̄ nang tə́ njan tə́ ō, ba un ndūn kə̄ dɔɔ́ ədań ngá̰ý ɓororo na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́ ba ī-lōō rāām̄ yá̰á̰ kə́ tōr̄.

MATIYE 5:29

Adə̄ ré kumií kə́ ko̰ó̰ a rāāī kadə̄ ə̄sō anī, ɔ̄r̄ ə̄nīn sa̰y kɔ̄ɔ́ rɔ̄í tə́. Tām̄ i só tə́ kadə̄ ī-tḭ̄ḭ̄ ta ngōn̄ rɔ̄í kógə̄ḿ kə́ dan madə̄ gə̄ tə́ tɔȳ kadə̄ ənīnī kə taá kum hor Gehen tə́.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

IJAI 14:15

Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

IJAI 14:9

De kə́ koy kɔ̄ɔ́ gə̄ ń nin̄ i kem loo kə́ gírí nang tə́ ní, rāān̄ rɔ̄də́ yā reē tə́nī taí dan ń ā ī-reē ní. Ni ndól̄ de kə́ koy gə̄ tām̄ yāí tə́, de kə́ bo gə̄ malang kə́ dɔ nang ń toō tə́. Ni-rāā adə̄ mban̄g gə̄ malang yā nápar de gə̄ ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́.

1 KORḚNTƏ 15:55

Yo ń toō, tetə rɔ̄ɔ̄ yāí i rá? Yo ń toō, yá̰á̰ kə́ ta katə yāí i rá?

MATIYE 11:23

Ba ḭ̄, ɓē kə́ Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá. Tɔdɔ̄ yá̰á̰ kə yáā gə̄ ń rāān̄ yá̰a̰ looí ní ré rāān̄ yá̰a̰ i Sodom anī, ɓōólaā ń toō gə̄gē ní ɓē kə́ Sodom a ndi noó ɓáý.

MATIYE 8:29

De gə̄ ní unən̄ ndūdə́ kə̄ dɔɔ́ ngá̰ý ədanə̄ń na: Ngōn̄ Nə́ɓā, yāí i rí sejí? Ī-reē laā i rāājí yá̰á̰ kə́ tōr̄ tə́ kété no ndɔ̄ tə́ a?

Gōsə̄ najə̄ gə̄ 15:24

De kə́ nge kəndā kum kedə̄ dɔ rɔ̄n tə́ un róbə́ ń əta tan kə̄ dɔɔ́ a aw̄ kə̄ tū ndi kə kumuú tə́ ní. Ni gōn̄g gidə nge kə́ risə kə̄ nang tə́ kum kə̄ loo ń yo i tū tə́ ní tə́.

Gōsə̄ najə̄ gə̄ 9:18

Ger̄ kadə̄ a oy yā kaw̄ gō de kə́ koy gə̄ tə́ aĺ ō, ger̄ kadə̄ de gə̄ ń dəyá̰ ń toō ɓāŕdə́ ta kəsa yá̰á̰ ní a aw̄n̄ i kə̄ loo kə́ yo i tū tə́ tə́ aĺ ō.

Gōsə̄ najə̄ gə̄ 7:27

Kújə yān i róbə́ kə́ ta kaw̄ kə̄ ɓádá, róbə́ ní risə kum kə̄ nang tə́ a aw̄ i kə̄ loo ndi yo kə́ risə til tə́.

Gōsə̄ najə̄ gə̄ 5:5

Hálən a əla deē i ta yo tə́ ō, njan a aw̄ kə deé i súmūú kum kə̄ ɓádá ō.

PĀ GƏ̄ 86:13

Tɔdɔ̄ kem majə ń ī-rāā seḿ ní to ɓōĺ ngá̰ý, ī-teē seḿ kem bəlo kə́ lú ngá̰ý yā yo tə́ kɔ̄ɔ́.

PĀ GƏ̄ 49:15

Kánə̄n̄də́ ɓádá tītə̄ batə̄ gə̄, i yo n i nge kaw̄ sedə́ dɔ mu tə́ ní. Teē kə ndɔ̄ kə́ noō anī de kə́ súmūú gə̄ tə́ɓān̄də́ njadə́ tə́. Deē asə ger̄ ta kumdə́ ɓádá to̰ alé. Nin̄ i sa̰y ngá̰ý kadə kújə́ kə́ ngáā ngáā yādə́ gə̄ tə́.

PĀ GƏ̄ 16:10

Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

Najə̄ kə́ Majə yā Jeju ń Luk ndang ní 16:24

Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.