Najə̄ kə́ Majə yā Jeju ń Luk ndang ní 16:22 - Bibəl ta Sar̄

²² Gō tə́ anī, nge ndoō ní oy, adə̄ de kə́ dɔ rā̰ tə́ gə̄ un aw̄n̄ seneé, əndānən̄ kadə Abəraham tə́ ngɔr. Nge kənge yá̰á̰ ní oy yān ō, adə̄ dubə̄nən̄.

Bible sar

²² Gō tə́ anī, nge ndoō ní oy, adə̄ *de kə́ dɔ rā̰ tə́ gə̄ un aw̄n̄ seneé, əndānən̄ kadə Abəraham tə́ ngɔr. Nge kənge yá̰á̰ ní oy yān ō, adə̄ dubə̄nən̄.

Najə̄ kə́ Majə yā Jeju ń Luk ndang ní 16:22 Referans Kwoze

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

JEJU TEĒ KUM JA̰A̰ 14:13

M-ōō ndū deē kógə̄ḿ teē dɔ rā̰ tə́ əda na: Ī-ndang najə̄ ń toō: Əla gír ngɔr ń toō tə́ ní, ngé gə̄ ń oyn̄ najə̄ yā Kɔ́ɔ̄ɓē tə́ ní, rɔ̄də́ nel̄də́. Ndíl əda na a̰á̰ā̰, ādə̄ ɔrə̄n̄ koō kəla yādə́, tɔdɔ̄ kəla rāādə́ a utə̄ gōdə́.

JAKƏ 1:11

Tām̄ mbang əɓa ō, néĺ kə́ təngā əla ō, anī mu tutə kɔ̄ɔ́ ō, hútən ur̄ kɔ̄ɔ́ ō, majən nujə kɔ̄ɔ́ ō. De kə́ nge kənge yá̰á̰ ngá̰ý a gətóo kɔ̄ɔ́ ta kəla yān gə̄ tə́ i tītə̄ ń noō ō.

Gōsə̄ najə̄ gə̄ 14:32

Yá̰á̰ kə́ majaĺ yā nge kem ndul mbəre nge kem ndul ənīn, banī ká ré ni toń i ta yo tə́ gə̄gē de kə́ súmūú ənī kemən mámák.

JA̰A̰ 13:23

Nge ndóō yá̰a̰ yān kógə̄ḿ adə̄ i nge ń Jeju tárən ní, ndi kadə Jeju tə́ ngɔr.

MARK 8:36

Ədadə́ na ké i rí bang n a teēī, ḭ̄ deē yá̰á̰ tə́, dan ń ə́ngé yá̰á̰ kə́ dɔ nang tə́ malang, ba ī-tḭ̄ḭ̄ ta rɔ̄í kɔ̄ɔ́ ní wa.

KOHELET 8:10

I beé n m-á̰a̰ń de gə̄ loo dubə̄ nīń ngé kem ndul gə̄ tə́ ní. Nin̄ ḭḭn̄ i kújə yā Kɔ́ɔ̄ɓē tə́ n reēn̄ dubə̄də́ tə́ ní ō, kem ɓēé ní dɔ de gə̄ ndígə̄nal yá̰a̰ rāādə́ kə́ majaĺ gə̄ kɔ̄ɔ́ ō. Nge ń noō i yá̰á̰ kə́ kanjə̄ kumən ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

Makətūbə̄ yā Job 21:13

Nin̄ ndin̄ majə bátə́ kadə̄ ndɔ̄də́ təgāń. Kum i ngá̰ý aĺ anī, nin̄ i ɓádá kɔ̄ɔ́.

HEBƏRO 2:14

Ba dan ń ngán gə̄ aw̄n̄ kə dā̰ rɔ̄də́ ō, kə mósə́də́ ō ní, Jeju nəkɔ́ tél to tītə̄də́ ō, adə̄ ni-aw̄ kə dā̰ rɔ̄ tītə̄ yādə́ ō. Ni-rāā tītə̄ noō i yā nujəń diabəl kə ta kūl̄ koyn. Diabəl i nge ń tɔ́gə yā yo i gír jīn tə́ ní.

JA̰A̰ 21:20

Dan ń Piyer mbel anī, a̰ā̰ kadə̄ nge ndóō yá̰á̰ ń Jeju ń tárən ní a un gōdə́. I nge ń nōr̄ kə̄ dɔ Jeju tə́ loo kəsa yá̰á̰ kə́ loo tíbí tə́ á dəjen na ké i náā n a əlan jī de gə̄ tə́ wa ní.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

MATIYE 8:11

Ādə̄ m-ə́dásí, de gə̄ ngá̰ý a ḭḭn̄ no ɓē tə́ ō, dūn̄ ɓē tə́ ō, yā reē ndi ta kār̄ yá̰a̰ kəsa tə́ kə Abəraham ō, Isaak ō, Jakob ō, kem Ɓē ko̰o̰ kə́ dɔ rā̰ tə́ tə́.

IJAI 22:16

Ādə̄ ndērə̄n̄ bəlo dubīí loo ń toō tə́ laā, ādə̄ tə́gān̄ bəlo ní kum kə̄ dɔɔ́, ī-ndēr̄ loo kɔr̄ koō kə́ tām̄ yāí tə́ kem mbal̄ tə́. Ba yá̰a̰ yāí kə́ laā i rí? Ngééí gə̄ i laā a?

IJAI 14:18

Mban̄g gə̄ yā nápar de gə̄ malang, a̰á̰ā̰, nin̄ malang to a ɔrə̄n̄ koō ō, rɔyn̄də́ ō, nin̄ kógə̄ḿ kógə̄ḿ ní ton̄ i kə̄ kem bəlo ɓádə yādə́ gə̄ tə́.

Najə̄ kə́ Majə yā Jeju ń Luk ndang ní 16:21

Ndɔ̄ kumən kəsa yá̰a̰ gə̄ ń a tə́sōn̄ kɔ̄ɔ́ ta kār̄ kəsa yā nge kənge yá̰á̰ tə́ ní tā, ba loon gə̄ tóo, adə̄ bísə gə̄ reē tɔ̄nə́n̄ kum don gə̄ ní.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.