Najə̄ kə́ Majə yā Jeju ń Luk ndang ní 16:2 - Bibəl ta Sar̄

² Ni ɓārə́n ba dəjen na: I najə̄ kə́ ba̰ý n m-ōō dɔí tə́ toō? Ī-tə́da kɔ̄r̄ yá̰a̰ yāí gə̄ ń ī-ngɔ̄m̄ ní ādə̄ m-á̰a̰ā̰, tɔdɔ̄ ngɔlaā ní gír gān̄g tā, ḭ̄ ā ī-ngɔ̄m̄ yá̰a̰ yāḿ to̰ alé.

Bible sar

² Ni ɓārə́n ba dəjen na: I najə̄ kə́ ba̰ý n m-ōō dɔí tə́ toō? Ī-tə́da kɔ̄r̄ yá̰a̰ yāí gə̄ ń ī-ngɔ̄m̄ ní ādə̄ m-á̰a̰ā̰, tɔdɔ̄ ngɔlaā ní gír gān̄g tā, ḭ̄ ā ī-ngɔ̄m̄ yá̰a̰ yāḿ to̰ alé.

Najə̄ kə́ Majə yā Jeju ń Luk ndang ní 16:2 Referans Kwoze

JEJU TEĒ KUM JA̰A̰ 20:12

Anī m-á̰á̰ de kə́ koy gə̄, kə́ tɔgə gə̄ ō, kə́ dūú gə̄ ō, ran̄ kə njadə́ dɔɔ́ ta kōr̄ kāgə̄ mbang ní tə́. Teēn̄ kem makətūbə̄ gə̄, banī makətūbə̄ kə́ rang ń i makətūbə̄ ndi kə kumuú ní, i kə́ teē kem ō. Ba gāngə̄n̄ sarya dɔ de kə́ koy gə̄ tə́ sɔɔ̄ń kəla rāādə́ gə̄, kə gō yá̰a̰ gə̄ ń ndangən̄ kem makətūbə̄ gə̄ tə́ ní.

1 PIYER 4:10

Yá̰a̰ gə̄ ń Nə́ɓā adə̄ ní, sḭḭ̄ i ngé kəndā kumsí gírí majə gə̄. Adə̄ majə kadə̄ sḭḭ̄ kógə̄ḿ kógə̄ḿ ní, úniī yá̰á̰ kə́ sɔɔ̄ dɔsí sḭḭ̄ kɔ́ gə̄ ń Nə́ɓā adə̄sí ní ī-rāāīneé majə kə madə̄sí gēé.

1 PIYER 4:5

Banī yá̰a̰ gə̄ ń nin̄-rāān̄ ní, Nə́ɓā ń əndā dɔ rɔ̄n danaá kɔ̄ɔ́ yā rāā sarya kə de gə̄ kə́ ndin̄ kə kumdə́ ō, kə de kə́ koy kɔ̄ɔ́ gə̄ ō ní, nin̄ a ədanən̄ gíŕ ɓáý.

1 TIMOTE 5:24

De kə́rēý gə̄ majaĺ yādə́ to i kə̄ dɔ ndágá, kanjə̄ kadə̄ deē rāā sarya sedə́ ɓáý. Banī majaĺ yā de kə́ rang gə̄ ní, kum deē a teē dɔ tə́ i gō sarya kə́ deē rāā sedə́ tə́.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

1 KORḚNTƏ 1:11

Ngákó̰ó̰ḿ gə̄, yá̰á̰ ń mēr̄ kadə̄ m-ɔ̄rəń najə̄ ń toō sesí ní, i tām̄ koō kə́ m-ōō ta de gə̄ yā Kəlowe tə́ na kɔ̄l̄ naā na i dansí tə́.

Makətūbə̄ ń Pol ndang adə̄ Rom gə̄ ní 14:12

Adə̄ jḭḭ̄ kógə̄ḿ kógə̄ḿ malang ní, i gáŕ kadə̄ náā nəkɔ́ ɓáa a ɔjə Nə́ɓā gíŕ yá̰á̰ rāān gə̄ kə́ sɔɔ̄ dɔn.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

MATIYE 12:36

Ādə̄ m-ə́dásí najə̄ kə́ bo ngá̰ý, ndɔ̄ gān̄g sarya tə́ anī de gə̄ a ɔrə̄n̄ gír najə̄ kə́ kanjə̄ kumən gə̄ malang ń nin̄-tə́dan̄ ní.

MATIYE 20:8

Loo tíbí anī kɔ́ɔ̄ ndɔr̄ ní əda pajā yān na kə ɓāŕ ngé kəla gə̄ kə adə̄də́ nar yādə́. Kə əla gír dɔ ngé gə̄ ń reēn̄ gō gogə́ ní tə́, ba kə tɔ̄l̄ ta dɔ ngé kə́ kété gə̄ tə́.

Najə̄ kə́ Majə yā Jeju ń Luk ndang ní 16:1

Jeju əda ngé ndóō yá̰a̰ yān gə̄ ɓáý to̰ na: Deē kógə̄ḿ kə́ ənge yá̰á̰ ngá̰ý əndā deē kógə̄ḿ dɔ yá̰a̰ yān gə̄ tə́ kadə̄ ngɔ̄m̄. Anī sə̄lān̄ gír deē ngeé ń toō rɔ̄n tə́ na nujə yá̰a̰ yān gə̄ ngá̰ý.

Najə̄ kə́ Majə yā Jeju ń Luk ndang ní 16:3

Deē ní əda kə̄ kemən tə́ na: Ń toō ní, kɔ́ɔ̄ḿ a ɔrə̄m̄ kɔ̄ɔ́ kem ngɔ̄m̄ yá̰a̰ gə̄ tə́ ní, kə m̄-rāā i rí tā? Kə m̄-ndɔr̄ i mbée a? Mā tɔ́gə́ḿ kə́ yā ndɔrə̄ń gətóo ō. Kə m̄-gəde i yá̰a̰ a? Rɔ̄ḿ sɔlə̄m̄ ngá̰ý loon tə́ ō.