Najə̄ kə́ Majə yā Jeju ń Luk ndang ní 16:19 - Bibəl ta Sar̄

¹⁹ Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

Bible sar

¹⁹ Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

Najə̄ kə́ Majə yā Jeju ń Luk ndang ní 16:19 Referans Kwoze

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

EJEKIEL 27:7

Nin̄ rāān̄ kūbə̄ to yāí gə̄ kə́ kadə̄ nél əsō kemeé i kə lḛ́ḛ́ kə́ Ejiptə tə́ ō, ɔsən̄ desḛ̄ḛ gə̄ tū tə́ ō. Ré deē a̰a̰ī kə̄ sa̰y anī, a gerī i kə ta kūl̄də́. Utə̄n̄ gidə yá̰a̰ gātə̄ yāí gə̄ i kə kūbə̄ kə́ ndul gusə gusə gə̄ ō, kə́ kərē bḭḭ gə̄ ō, kə́ ḭḭnə̄ń i dor̄ kə́ Sipər tə́.

JEJU TEĒ KUM JA̰A̰ 18:16

ba a ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń o̰ō̰ kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kum man̄ yá̰á̰ kə́ kərē bḭḭ tə́ ō, lɔ́ŕ i rɔ̄n tə́ ō, mbal̄ gə̄ kə́ gātə̄də́ i ngá̰ý gə̄ i rɔ̄n tə́ ō, məde gə̄ i rɔ̄n tə́ ō ní,

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

JEJU TEĒ KUM JA̰A̰ 17:4

Dəyá̰ ní o̰ō̰ kūbə̄ kə́ kərē ning ō, kə́ kərē bḭḭ ō. Lɔ́ŕ kə́ rɔ̄n tə́ ō, mbal̄ gə̄ kə́ gātə̄də́ i ngá̰ý gə̄ kə́ rɔ̄n tə́ ō, məde gə̄ kə́ rɔ̄n tə́ ō, ndə́lēn̄ pipir. Ni-əhɔ kópə kógə̄ḿ kə́ rāā kə lɔ́rɔ́, kə́ yá̰á̰ kə́ majaĺ ngá̰ý gə̄ i kemeé jīn tə́. Yá̰á̰ kə́ majaĺ ngá̰ý gə̄ ní i yá̰á̰ kə́ yḛr gə̄ ń ni-rāā loo ájə́ba yān tə́ ní.

Najə̄ kə́ Majə yā Jeju ń Luk ndang ní 16:1

Jeju əda ngé ndóō yá̰a̰ yān gə̄ ɓáý to̰ na: Deē kógə̄ḿ kə́ ənge yá̰á̰ ngá̰ý əndā deē kógə̄ḿ dɔ yá̰a̰ yān gə̄ tə́ kadə̄ ngɔ̄m̄. Anī sə̄lān̄ gír deē ngeé ń toō rɔ̄n tə́ na nujə yá̰a̰ yān gə̄ ngá̰ý.

MARK 15:17

Əlan̄ kūbə̄ kə́ kərē ning rɔ̄n tə́ ō, sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́, əlan̄ dɔn tə́ ō,

EJEKIEL 16:13

Yá̰á̰ súū rɔ̄ yāí gə̄ i kə́ rāān̄də́ kə lɔ́rɔ́ ō, kə gində̄ arjā̰a̰á̰ ō, kūbə̄ yāí gə̄ i kə́ rāān̄də́ kə lḛ́ḛ́ ō, səwāa ō, ɔsən̄ desḛ̄ḛ tū tə́ ō. Yá̰a̰ kəsa yāí i ndujə̄ kə́ majə ngá̰ý ō, i yibə̄ tejə ō, i yibə̄ kan̄ kāgə̄ olibə ō. I beé n ī-mandəń ngá̰ý al̄ naā ní. Adə̄ gə̄rāīn̄ kadə̄ ḭ̄ i mban̄g kə́ dəyá̰.

ESTER 8:15

Dan ń Mardose teē ɓē mbangāá kə̄ ndágá ní, kūbə̄ yā mban̄g kə́ ndul gusə gusə ō, ndaa ō, i rɔ̄n tə́. Kūbə̄ kə́ dɔ madə̄ gə̄ tə́ kə́ rɔ̄n tə́ i kūbə̄ lḛ́ḛ́ kə́ kərē ō, jākā mbang kə́ bo kə́ rāā kə lɔ́rɔ́ i dɔn tə́ ō. De kə́ kem ɓē kə́ Sujə tə́ gə̄ túrə̄n̄ kɔĺ rɔ̄nel̄ ō, rɔ̄də́ nel̄də́ ō.

NGÉ SARYA 8:26

Nə̄ngá lɔ́r ń Jedeo̰ dəje ní kɔȳn malang i kəlōo kutə jōó. Ni-ənge yá̰á̰ súū rɔ̄ɔ̄ gə̄ dɔ tə́ ō, yá̰a̰ ta mbī gə̄ ō, kūbə̄ kə́ kərē ning gə̄ ń i kūbə̄ ko̰ō̰ mban̄g gə̄ kə́ Madian ní ō, məde gə̄ ń a súūnəń míndə́ jámbal yādə́ gə̄ ní ō.

Najə̄ kə́ Majə yā Jeju ń Luk ndang ní 15:13

Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

MARK 15:20

Dan ń mbóon̄ seneé oy anī, ɔrə̄n̄ kūbə̄ kə́ kərē ning ní rɔ̄n tə́ kɔ̄ɔ́, ba téĺ tə́lan̄ kūbə̄ yān gə̄ rɔ̄n tə́ gogə́. Gō tə́ anī teēn̄ seneé ndágá yā kaw̄ kəndan kə máyá̰ tū kāgə̄ kə́ dēsə́ tə́.

Gōsə̄ najə̄ gə̄ 31:22

Ni əjō kūbə̄ tapīi gə̄ tām̄ yān tə́ ō, kūbə̄ ko̰ō̰n gə̄ i kūbə̄ gə̄ kə́ əjōn̄də́ i kə kəlā lḛ́ḛ́ kə́ majə ngá̰ý kə́ kídə̄ yululu ō, kərē bḭḭ ō.

Najə̄ kə́ Majə yā Jeju ń Luk ndang ní 16:18

Deē ń mbātə́ nə̄yá̰n ba taāń kə́ rang ní, rāȳ i mbée ō, tá deē ń taā dəyá̰ kə́ ngaan mbātə́n ní, rāȳ i mbée ō.

Najə̄ kə́ Majə yā Jeju ń Luk ndang ní 16:20

Deē kógə̄ḿ kə́ nge ndoō kə́ rīn na i Lajar, rɔ̄n bə́gā do malang, to ta róbə́ tə́ ndágá tan tə́.

Gōsə̄ najə̄ gə̄ 14:24

Yá̰a̰ kənge i jākā mbang yā ngé kum kedə̄ gə̄, yā de kə́ mbóo gə̄ i kur̄ dɔ kə́ gətóó ngándáńg.

IJAI 3:23

kútəram gə̄ ō, kūbə̄ lḛ́ḛ́ kə́ hɔɔ́lɔ̄ kə́ yā kəla rɔ̄ tə́ pá tá kəla kūbə̄ madə̄ gə̄ dɔ tə́ gə̄ ō, ta kūbə̄ kə́ yā ɓír̄ míndə́ tə́ gə̄ ō, ta kūbə̄ kə́ bo kə́ yā kənī dɔ bɔ̄gə̄ tə́ gə̄ ō.