Najə̄ kə́ Majə yā Jeju ń Luk ndang ní 16:15 - Bibəl ta Sar̄

¹⁵ Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

Bible sar

¹⁵ Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

Najə̄ kə́ Majə yā Jeju ń Luk ndang ní 16:15 Referans Kwoze

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Gōsə̄ najə̄ gə̄ 21:2

Róbə gə̄ malang ń deē un ní kɔ́ɔ̄ gír̄ kadə̄ i róbə́ kə́ súmūú gə̄, banī i Kɔ́ɔ̄ɓē n i nge gān̄g sarya dɔ gír̄ kə́ ngarā̰ kemjí tə́ ní.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

Gōsə̄ najə̄ gə̄ 16:5

Ngé kɔjə rɔ̄də́ gə̄ i de kə́ yḛr gə̄ ta kum Kɔ́ɔ̄ɓē tə́, ta tɔ̄l̄ ta anī Kɔ́ɔ̄ɓē a əndadə́.

KƏLA RĀĀ 15:8

Ba Nə́ɓā ń i nge ger̄ kem de gə̄ ní ɔjə kə̄ ndágá kadə̄ əhɔdə́ kə̄ rɔ̄n tə́ i kə ta kūl̄ kadə̄də́ Ndíĺ kə́ Táĺ tītə̄ ń ni-adə̄ńjí ní ō.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

Najə̄ kə́ Majə yā Jeju ń Luk ndang ní 10:29

Banī nge ndóō de gə̄ ndū najə̄ gə̄ ní sāā kɔjə kadə̄ najə̄ i yān, adə̄ ni-dəje Jeju na ké i náā n i madə̄n ní wa?

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

MATIYE 23:5

Yá̰a̰ rāādə́ gə̄ malang ní, i yā kadə̄ de gə̄ a̰a̰n̄neédə́ ngóy. Nin̄-rāān̄ ngong kə́ dūú gə̄ ń najə̄ gə̄ yā Nə́ɓā i kemeé á do̰ō̰n̄ nodə́ tə́ aláa do̰ō̰n̄ jīdə́ tə́ ní adə̄ lan̄ popəlo o, rāān̄ ta kəlā ro̰ kūbə̄ yādə́ gə̄ adə̄ ngālə̄n̄ tilili ō.

Najə̄ kə́ Majə yā Jeju ń Luk ndang ní 18:21

Anī ngār ní əda na: Nin̄ ń noō malang ní i yá̰a̰ gə̄ kə́ m̄-rāādə́ i kə ngōn̄ dūúḿ beé.

Gōsə̄ najə̄ gə̄ 20:6

De gə̄ ngá̰ý ɔjən̄ rɔ̄də́ najə̄ háĺ kə́ sew yādə́ tə́, banī de kə́ kadə̄ deē ənī kemən mámák adə̄n ní loo kəngen tōr̄.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

2 YÁ̰A̰ GƏ̄ 6:30

ḭ̄ ń ī-ndi dɔ rā̰ tə́ ní, ōō ndūjí loo ń ī-ndi tū tə́ ní tə́. Ī-mā̰ȳ rɔ̄í dɔdə́ tə́ ba ī-rāā yá̰á̰ ń majə kadə̄ ī-rāā sedə́ ní kógə̄ḿ kógə̄ḿ kə dɔdə́ gēé sɔɔ̄ń háĺdə́ tām̄ ī-ger̄ kemdə́. Tɔdɔ̄ i ḭ̄ kógə̄ḿ beē n i nge ger̄ kem de gə̄ ní.

KƏLA RĀĀ 1:18

Nar ń adə̄nən̄ gíŕ yá̰a̰ kə́ majaĺ ń ni-rāā tə́ ní, deē ngeé ń toō aw̄ mangəń ndɔr̄ tām̄ yān tə́. Ni-əsō ur dɔn nang tə́ kem ndɔr̄ ní tə́ ō, rɔ̄n njar naā tə́ danaá adə̄ tiīn kəjā ndágá malang ō.

Najə̄ kə́ Majə yā Jeju ń Luk ndang ní 20:47

A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

Najə̄ kə́ Majə yā Jeju ń Luk ndang ní 20:20

Loo ń noō tə́ ní, nin̄-əlan̄ gír kum̄ loo, adə̄ əlan̄ de kə́ ngé kəndā ma̰ȳ loo gə̄ rɔ̄ Jeju tə́. Nin̄-sēmə̄n̄ kumdə́ séḿ séḿ, adə̄ rāān̄ yá̰a̰ tītə̄ kə́ nin̄ i de kə́ súmūú gə̄, yā kadə̄ ré Jeju əda najə̄ kə́ majaĺ ɓáa kə n-əhɔnən̄ dɔ tə́ yā kəlan jī ngé ko̰o̰ ɓē gə̄ tə́ kadə̄ rāānən̄ kə gō ndū ń nin̄-ənīn̄ ní.

MATIYE 6:16

Dan ń ā ī-*ndiī ɓō tām̄ yā Nə́ɓā tə́ anī, ī-lōōī rāā dɔ kumsí kadə̄ síndə̄rī tītə̄ ń ngé gól̄ loo gə̄ a rāān̄neé ní. Nin̄-əhɔn̄ ndoō ngá̰ý kadə̄ de gə̄ gerə̄n̄neé kadə̄ na n-ndin̄ ɓō tām̄ yā Nə́ɓā tə́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:2

Adə̄ ré ā ādə̄ de kə́ nge ndoō yá̰a̰ anī, ī-lōō kadə̄ kɔ̄rə́n̄ bərúnjə́ kété noí tə́ najə̄n tə́, tītə̄ ń ngé gól̄ loo gə̄ a rāān̄neé kem kújə́ kán̄ naā gə̄ tə́ ō, kum róbə kɔsə gə̄ tə́ ō, kadə̄ de gə̄ ɔsən̄neé gɔndə́ ní. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

PĀ GƏ̄ 49:18

Tɔdɔ̄ dan ń a oy ní a un yá̰á̰ kógə̄ḿ yā kaw̄ń aĺ ō, yá̰a̰ kənge yān kə́ ngá̰ý a aw̄ gōn tə́ ɓádá aĺ ō.

PĀ GƏ̄ 49:13

Deē ń de gə̄ ɔsən̄ gɔnən ní a ndi dan i ngá̰ý alé. Ni to i tītə̄ dā̰ ń əhɔ tan kə̄ naā tə́ kɔ̄ɔ́ ní.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

Najə̄ kə́ Majə yā Jeju ń Luk ndang ní 18:9

Jeju əda kūjə́ najə̄ ń toō tām̄ yā de kə́rēý gə̄ ń gírə̄n̄ kemdə́ tə́ kadə̄ nin̄ i de kə́ súmūú gə̄, ba a idən̄ tadə́ gír madə̄də́ gə̄ tə́ ní.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

Makətūbə̄ ń Pol ndang adə̄ Rom gə̄ ní 8:27

Banī nge ń i nge kəndā ma̰ȳ yá̰á̰ kə́ kem de gə̄ tə́ ní, nəkɔ́ ger̄ yá̰á̰ ń Ndíl gḛy ní. Tɔdɔ̄ yá̰á̰ ń Ndíl dəje tām̄ yā de gə̄ yā Nə́ɓā tə́ ní, a dəje i tītə̄ ń kem Nə́ɓā nəkɔ́ ndigəń ní.