Najə̄ kə́ Majə yā Jeju ń Luk ndang ní 16:10 - Bibəl ta Sar̄

¹⁰ Deē ń ni i de kə́ sew loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew loo ngɔ̄m̄ yá̰á̰ kə́ ngá̰ý gə̄ tə́ ō. Ba deē ń ni i de kə́ sew alé loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew alé loo ngɔ̄m̄ yá̰á̰ kə́ ngá̰ý gə̄ tə́ ō.

Bible sar

¹⁰ Deē ń ni i de kə́ sew loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew loo ngɔ̄m̄ yá̰á̰ kə́ ngá̰ý gə̄ tə́ ō. Ba deē ń ni i de kə́ sew alé loo ngɔ̄m̄ yá̰á̰ kə́ sḛ́ý beē gə̄ tə́ ní, ni a tél de kə́ sew alé loo ngɔ̄m̄ yá̰á̰ kə́ ngá̰ý gə̄ tə́ ō.

Najə̄ kə́ Majə yā Jeju ń Luk ndang ní 16:10 Referans Kwoze

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

Najə̄ kə́ Majə yā Jeju ń Luk ndang ní 19:17

Ni ədan na: Majə! Ḭ̄ i nge kəla kə́ majə, tá dan ń ḭ̄ ī-ra dɔ ndūí tə́ tām̄ yá̰á̰ kə́ ngá̰ý aĺ gə̄ tə́ ní, m-ādī kadə̄ ó̰o̰ ɓē gə̄ kutə.

MATIYE 25:23

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰á̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

HEBƏRO 3:2

Tɔdɔ̄ ni-ra dɔ ndūn tə́ kə Nə́ɓā ń ɔjə dɔn tām̄ yā kəla ń toō tə́ ní, tītə̄ yā Moijə ń ədan̄ najə̄ yān na: Ni i de kə́ ra dɔ ndūn tə́ kem kújə yā Nə́ɓā tə́ kə́ taá malang ní.

JA̰A̰ 12:6

Ni-əda najə̄ ń noō i tɔdɔ̄ ndigə kə́ ni-ndigə i ngé ndoō gə̄ alé. Ba i tām̄ ni i nge ɓogə. Ni i nge ngɔ̄m̄ ngong nar, adə̄ a ɔy yá̰á̰ kə́ kemeé loo ɓogə tə́.

JA̰A̰ 13:27

Dan ń Judas taā gájə́ mápá ní anī, Sətan udə kemən tə́. Anī Jeju ədan na: Yá̰á̰ ń kadə̄ ī-rāā ní, ī-rāā láẃ.

JA̰A̰ 13:2

Jeju nin̄ kə ngé ndóō yá̰a̰ yān gēé ndi a əsan̄ yá̰á̰ kə́ loo tíbí. Diabəl əndā kem Judas Iskariot ngōn̄ Simo̰ tə́ kɔ̄ɔ́ ɓá kadə̄ əla Jeju jī de gə̄ tə́.

MATIYE 24:45

Nge kəla kə́ nge ra dɔ ndūn tə́ ō, kə́ nge kum kedə̄ ō ń kɔ́ɔ̄n əndā kəla ka̰a̰ gō ngé kəla madə̄n gə̄ dɔn tə́, kadə̄ adə̄də́ yá̰a̰ kəsa yādə́ kə kum mbangneé ní i náā?