Najə̄ kə́ Majə yā Jeju ń Luk ndang ní 15:7 - Bibəl ta Sar̄

⁷ Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

Bible sar

⁷ Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

Najə̄ kə́ Majə yā Jeju ń Luk ndang ní 15:7 Referans Kwoze

Najə̄ kə́ Majə yā Jeju ń Luk ndang ní 5:32

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

MATIYE 18:13

Ré əngen anī ādə̄ m-ə́dásí najə̄ kə́ bo ngá̰ý, rɔ̄n a nelə̄n ngá̰ý tām̄ yān tə́ tɔȳ yā ngé kə́ kutə ndōhó gidə i ndōhó gə̄ ń tadə́ tḭ̄ḭ̄ aĺ ní.

Gōsə̄ najə̄ gə̄ 30:12

De kə́rēý gə̄ ndin̄ noó, nin̄ rāān̄ rɔ̄də́ i de kə́ unjə̄n̄ njáý njáý gə̄ tə́ adə̄ nin̄ tə́gon̄ yá̰á̰ kə́ yḛr gə̄ kə́ rɔ̄də́ tə́ kɔ̄ɔ́ alé!

Makətūbə̄ ń Pol ndang adə̄ Rom gə̄ ní 7:9

Tām̄ kété dan ń gō míndə gətóó ní, mā m̄-ndi majə. Ba dan ń ndū najə̄ reē ní anī, yá̰á̰ kə́ majaĺ tél ajə ying gogə́,

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

Najə̄ kə́ Majə yā Jeju ń Luk ndang ní 15:29

Bɔbə̄n teē aw̄ rāān ɓɔ́, banī ni-tél əda bɔbə̄n na: Á̰a̰ā̰, i ɓāl̄ kóndóńg n mā m̄-rāań kəla seí ō, m̄-rāań yá̰a̰ malang ń ɔ́jəm̄ ní kanjə̄ kadə̄ m̄-mbātə́ taí tə́ ō ní, ba ngōn̄ bə̄yā̰ kógə̄ḿ gə̄gē ādə̄m̄ kadə̄ m̄-tɔ̄l̄ m̄-rāań rɔ̄nel̄ kə madə́ḿ gēé alé.

MATIYE 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄.

Najə̄ kə́ Majə yā Jeju ń Luk ndang ní 15:6

Ba dan ń tél reē ugə̄ ɓēé looneé anī, a ɔsə dɔ madə̄n gə̄ ō, madə̄ ɓēn gə̄ ō naā tə́, yā kədadə́ na kə rāān̄ rɔ̄nel̄ seneé, tɔdɔ̄ na n-ənge batə̄ yān ń tan tḭ̄ḭ̄ ní kɔ̄ɔ́.

Najə̄ kə́ Majə yā Jeju ń Luk ndang ní 15:8

Aláa i dəyá̰ kə́ rá n, ré aw̄ kə sə́lē gində̄ arjā̰a̰ kutə ba tḭ̄ḭ̄ ta kə́ kógə̄ḿ anī, a əndā hor tū lámba tə́ ō, a ɔy kem kújə ō, yā sāāń mer mer bátə́ kadə̄ ənge tá aĺ ní?