Biblia Todo Logo
Bib sou entènèt

- Piblisite -




Najə̄ kə́ Majə yā Jeju ń Luk ndang ní 15:5 - Bibəl ta Sar̄

5 Dan ń ni-aw̄ ba əngen ní anī, a unən kə rɔ̄nelēé yā kəgan dɔ bɔ̄gə̄n tə́.

Gade chapit la Kopi

Bible sar

5 Dan ń ni-aw̄ ba əngen ní anī, a unən kə rɔ̄nelēé yā kəgan dɔ bɔ̄gə̄n tə́.

Gade chapit la Kopi




Najə̄ kə́ Majə yā Jeju ń Luk ndang ní 15:5
31 Referans Kwoze  

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.


Anī Jeju əda najə̄ yān na: Ɓōólaā kajə reē ugə̄ kem kújə́ ń toō tə́, tɔdɔ̄ deē ń toō i ngōn̄ kaa Abəraham ō.


Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.


Anī Jeju tél tūr̄ ədan na: Ādə̄ m-ə́daī najə̄ kə́ bo ngá̰ý, ɓōólaā nəkɔ́ ń toō, ḭ̄ i seḿ loo kə́ majə yā Nə́ɓā tə́.


Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.


Ɔ́jiīń na nelə̄m̄ ka̰a̰ de kə́ majaĺ gə̄ loo koy tə́ a? Mā Kɔ́ɔ̄ɓē Nə́ɓā m-ə́dásí na: Yá̰á̰ ń m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ gə̄ ba ndin̄ kə kumdə́.


Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.


Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.


Tɔdɔ̄ kɔjə ń j-ɔjəsí Najə̄ kə́ Majə ní i kə najá ngóy alé, banī i kə tɔ́gə́ kə́ ngá̰ý ō, kə kəla rāā Ndíĺ kə́ Táĺ ō, kanjə̄ kadə̄ kemjí tɔ́sə̄jí dɔ tə́ bátə́. Ī-gerī ké jḭḭ i de kə́ ba̰ý gə̄ tām̄ yāsí tə́ dan ń jə-ndiń sesí ní.


m̄-tél nge rāā kəla kɔjə Najə̄ kə́ Majə ní kə tɔ́gɔ́, i kə ta kūl̄ yá̰á̰ ń Nə́ɓā adə̄m̄ sɔɔ̄ń kem majə yān ní.


Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.


M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.


Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé


I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.


I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?


Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.


A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.


Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.


I náā dansí tə́ laā n ré kɔ́ɔ̄ aw̄ kə batə̄ gə̄ ɓú, ba tḭ̄ḭ̄ ta kógə̄ḿ anī, a əya̰ madə̄ kə́ kutə ndōhó gidə i ndōhó gə̄ dan bembeé yā kaw̄ń sāāń nja nge ń tan tḭ̄ḭ̄ ní bátə́ kadə̄ ré əngen tá tél aĺ ní.


Ba dan ń tél reē ugə̄ ɓēé looneé anī, a ɔsə dɔ madə̄n gə̄ ō, madə̄ ɓēn gə̄ ō naā tə́, yā kədadə́ na kə rāān̄ rɔ̄nel̄ seneé, tɔdɔ̄ na n-ənge batə̄ yān ń tan tḭ̄ḭ̄ ní kɔ̄ɔ́.


Swiv nou:

Piblisite


Piblisite