Najə̄ kə́ Majə yā Jeju ń Luk ndang ní 15:29 - Bibəl ta Sar̄

²⁹ Bɔbə̄n teē aw̄ rāān ɓɔ́, banī ni-tél əda bɔbə̄n na: Á̰a̰ā̰, i ɓāl̄ kóndóńg n mā m̄-rāań kəla seí ō, m̄-rāań yá̰a̰ malang ń ɔ́jəm̄ ní kanjə̄ kadə̄ m̄-mbātə́ taí tə́ ō ní, ba ngōn̄ bə̄yā̰ kógə̄ḿ gə̄gē ādə̄m̄ kadə̄ m̄-tɔ̄l̄ m̄-rāań rɔ̄nel̄ kə madə́ḿ gēé alé.

Bible sar

²⁹ Bɔbə̄n teē aw̄ rāān ɓɔ́, banī ni-tél əda bɔbə̄n na: Á̰a̰ā̰, i ɓāl̄ kóndóńg n mā m̄-rāań kəla seí ō, m̄-rāań yá̰a̰ malang ń ɔ́jəm̄ ní kanjə̄ kadə̄ m̄-mbātə́ taí tə́ ō ní, ba ngōn̄ bə̄yā̰ kógə̄ḿ gə̄gē ādə̄m̄ kadə̄ m̄-tɔ̄l̄ m̄-rāań rɔ̄nel̄ kə madə́ḿ gēé alé.

Najə̄ kə́ Majə yā Jeju ń Luk ndang ní 15:29 Referans Kwoze

JEJU TEĒ KUM JA̰A̰ 3:17

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní,

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

Makətūbə̄ ń Pol ndang adə̄ Rom gə̄ ní 7:9

Tām̄ kété dan ń gō míndə gətóó ní, mā m̄-ndi majə. Ba dan ń ndū najə̄ reē ní anī, yá̰á̰ kə́ majaĺ tél ajə ying gogə́,

Najə̄ kə́ Majə yā Jeju ń Luk ndang ní 19:21

tɔdɔ̄ mā m̄-ɓōlíī tām̄ ḭ̄ i de kə́ tōr̄ ngá̰ý. Ká i yá̰á̰ kə́ i ḭ̄ n ə̄nī aĺ gə̄gē a, ā un i mbée ō, i kōō kə́ ī-dubə̄ aĺ gə̄gē a, ā ə́ja i mbée ō.

Najə̄ kə́ Majə yā Jeju ń Luk ndang ní 18:9

Jeju əda kūjə́ najə̄ ń toō tām̄ yā de kə́rēý gə̄ ń gírə̄n̄ kemdə́ tə́ kadə̄ nin̄ i de kə́ súmūú gə̄, ba a idən̄ tadə́ gír madə̄də́ gə̄ tə́ ní.

Najə̄ kə́ Majə yā Jeju ń Luk ndang ní 17:10

Yāsí sḭḭ̄ i tītə̄ ń noō ō, adə̄ dan ń ī-rāāī yá̰a̰ gə̄ ń Nə́ɓā əndā dɔsí tə́ kadə̄ ī-rāāī ní malang oy anī, majə kadə̄ ə́daī tītə̄ ń toō na: Jḭḭ̄ i ngáń ngé kəla gə̄ karī, adə̄ jə-rāāī i yá̰á̰ ń sɔɔ̄ kadə̄ jə-rāāī ní ngóy.

Najə̄ kə́ Majə yā Jeju ń Luk ndang ní 15:7

Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

MATIYE 20:12

De gə̄ ń toō ń reēn̄ gō gogə́ ní rāān̄ kəla i kum mbang kógə̄ḿ beē ngóy ba adə̄də́ gúrsə tītə̄ yājí jḭḭ ń jə-rāā kəla dəloí bátə́ loo tíbə dɔjí tə́ á kɔr asəjí nák ō, mbang rāājí ngá̰ý ō ní i tām̄ rí tə́?

MALASI 3:14

Ní, najə̄ ń ə́daī ní n toó: Rāā kəla kadə̄ Nə́ɓā, i yá̰á̰ kə́ kanjə̄ kumən. Yá̰a̰ gə̄ ń ni-əda kadə̄ yā rāā ní, jḭḭ jə-ngɔ̄m̄. Jḭḭ j-əndā yo ta kum Kɔ́ɔ̄ɓē kə́ bo kə́ tɔ́gən i ngá̰ý tə́, banī i yá̰á̰ kə́ kanjə̄ kumən!

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

Makətūbə̄ ń Pol ndang adə̄ Rom gə̄ ní 3:27

Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Najə̄ kə́ Majə yā Jeju ń Luk ndang ní 15:28

Loo ń noō tə́ ni-əsō wōn̄g kɔ̄ɔ́ ba mbātə́ kudə ndogó.

Najə̄ kə́ Majə yā Jeju ń Luk ndang ní 15:30

Ba ngōnīí ń toō ń aw̄ nujə yá̰a̰ yāí malang kɔ̄ɔ́ kə ájə́ba gēé ní, tá ré tél reē, ādə̄ tɔ̄lə̄n̄ duĺ man̄g kə́ bo tām̄ yān tə́?