Najə̄ kə́ Majə yā Jeju ń Luk ndang ní 15:25 - Bibəl ta Sar̄

²⁵ Ba ngōn̄ hágən i ndɔrɔ́, adə̄ dan ń tél a reē kə̄ ɓēé ba ugə̄ gidə ɓēé ngɔr anī, oō ká̰ yá̰a̰ gə̄ kə́ a əndan̄ ō, oō kōō de gə̄ kə́ a ndāmə̄n̄ naā ō.

Bible sar

²⁵ Ba ngōn̄ hágən i ndɔrɔ́, adə̄ dan ń tél a reē kə̄ ɓēé ba ugə̄ gidə ɓēé ngɔr anī, oō ká̰ yá̰a̰ gə̄ kə́ a əndan̄ ō, oō kōō de gə̄ kə́ a ndāmə̄n̄ naā ō.

Najə̄ kə́ Majə yā Jeju ń Luk ndang ní 15:25 Referans Kwoze

PĀ GƏ̄ 150:4

Əndaī kɔdə ō, ī-ndāmī ō ī-tɔ̄ȳniīneé. Ī-tɔ̄ȳniī kə yá̰á̰ kə́ ɓār̄ gōsə̄ kə́ rāā kə kəlāá ō, ī-tɔ̄ȳniī kə nalaá ō.

Najə̄ kə́ Majə yā Jeju ń Luk ndang ní 7:32

Ton̄ i tītə̄ ngán gə̄ kə́ ndin̄ ndágə looó a ɓārə́n̄ naā ba ədan̄ naā na: Jə-kɔ̄ŕ nal j-ənīń pā ndām̄ j-adə̄sí, banī sḭḭ̄ ī-ndāmī alé. J-un pā yo banī sḭḭ̄ ī-nōōī alé.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

KOHELET 3:4

Kum mbang kə́ yā kadə̄ deē nōoń i noó ō, ni kə́ yā kadə̄ deē əgōń i noó ō. Kum mbang kə́ yā kadə̄ deē nōoń rɔ̄n i noó ō, ni kə́ yā kadə̄ deē ndāməń i noó ō.

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 126:1

Pā kə́ yā kaw̄ń kə̄ loo kə́ táĺ tə́. Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní, j-ɔjəń na i nī n a rāājí.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ lḛ́ḛ.

Teē Ngán Israel gə̄ 15:20

Tā anī Miriam kə́ nge koō ta yā Nə́ɓā ń i ngōkó̰o̰ Aaro̰ kə́ dəyá̰ ní, un kɔdə kə̄ jīn tə́. Dəyá̰ gə̄ teēn̄ gōn tə́ malang kə ndāmāá kə gō ndū kɔdɔɔ́.

PĀ GƏ̄ 30:11

Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Najə̄ kə́ Majə yā Jeju ń Luk ndang ní 15:26

Ni ɓāŕ nge kəla kógə̄ḿ ba dəjen kum, anī nge kəla ní ədan na: