Najə̄ kə́ Majə yā Jeju ń Luk ndang ní 15:24 - Bibəl ta Sar̄

²⁴ tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Bible sar

²⁴ tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Najə̄ kə́ Majə yā Jeju ń Luk ndang ní 15:24 Referans Kwoze

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

Najə̄ kə́ Majə yā Jeju ń Luk ndang ní 15:4

I náā dansí tə́ laā n ré kɔ́ɔ̄ aw̄ kə batə̄ gə̄ ɓú, ba tḭ̄ḭ̄ ta kógə̄ḿ anī, a əya̰ madə̄ kə́ kutə ndōhó gidə i ndōhó gə̄ dan bembeé yā kaw̄ń sāāń nja nge ń tan tḭ̄ḭ̄ ní bátə́ kadə̄ ré əngen tá tél aĺ ní.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju Kərist.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

JA̰A̰ 11:25

Jeju ədan na: Mā i nge ndól̄ de kə́ koy gə̄ ō, nge rāā kadə̄ deē ndi kə kumneé ō. Deē ń taā kemḿ ní, ká ré oy gə̄gē anī, a ndi kə kumneé.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

1 TIMOTE 5:6

Banī dəyá̰ kə́ ngaa koy ń i nge ngɔ̄də̄ gō yá̰á̰ kə́ nelə̄n gə̄ tə́ ní, ká ré ndi kə kumneé ɓáý gə̄gē anī, ni i kə́ koy kɔ̄ɔ́.

Makətūbə̄ ń Pol ndang adə̄ Rom gə̄ ní 11:15

Tɔdɔ̄ ré kɔr̄ ń ɔr̄ əndān̄də́ gidə tə́ ndágá ní rāā tá kadə̄ de kə́ dɔ nang tə́ gə̄ əsōn̄ naā tə́ kə Nə́ɓā anī, i rí n a rāā yá̰a̰ ndɔ̄ ń tél a reēn̄ sedə́ gogə́ rɔ̄ Nə́ɓā tə́ ní? Ndɔ̄ ń noō tə́ ní, de kə́ koy gə̄ a teēn̄ ɓádá yā ndi kə kumdə́.

Makətūbə̄ ń Pol ndang adə̄ Rom gə̄ ní 6:13

Ī-lōōī kun ngōn̄ rɔ̄sí kógə̄ḿ rāań yá̰á̰ kə́ majaĺ, tītə̄ kə́ dām̄ rɔ̄sí ní i yá̰a̰ rāā kəla yā yá̰á̰ kə́ majaĺ beē. Banī ādī Nə́ɓā rɔ̄sí tītə̄ de gə̄ kə́ oyn̄ tá ndólə̄n̄ beé ō, ə̄ndāī rɔ̄sí kə taá malang ta kəla yān tə́ tītə̄ kə́ sḭḭ̄ i yá̰a̰ rāā kəla yā yá̰á̰ kə́ gōtə́ beē ō.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

MARK 8:22

Nin̄-ugə̄n̄ Betsaida anī, reēn̄ kə deē kógə̄ḿ kə́ kumən tɔ̄ɔ̄ kɔ̄ɔ́ rɔ̄ Jeju tə́, ba rāānən̄ ɓɔ́ kadə̄ ɔdən.

EJEKIEL 34:4

Batə̄ kə́ tɔ́gə gətóo gə̄ ní sḭḭ̄ ī-rāāīdə́ adə̄ tɔ́gə́də́ to aĺ ō, ngé kə́ mo̰y gə̄ ní, sḭḭ̄ ī-rāāīdə́ ādə̄ rɔ̄də́ ngáā aĺ ō, ngé kə́ nja tétə̄ gə̄ ní, sḭḭ̄ ɔ́riīdə́ nam̄ aĺ ō, ngé gə̄ əya̰n̄ madə̄də́ gə̄ ba aw̄n̄ sa̰y ní, sḭḭ̄ ī-tél ī-reēī sedə́ gogə́ aĺ ō, ngé gə̄ ń tadə́ tḭ̄ḭ̄ ní, sḭḭ̄ ī-ndəleīdə́ aĺ ō. Banī sḭḭ̄ ó̰o̰ḭ̄ ɓē dɔ batə̄ gə̄ tə́ kə dɔ́nɔ́ ō kə kem ngangá ō.

JEJU TEĒ KUM JA̰A̰ 3:1

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Sardə. Najə̄ ń deē ń ndíĺ kə́ sīrí gə̄ yā Nə́ɓā ō, tə́yō̰ kə́ sīrí gə̄ ō i jīn tə́ əda ní n toó: m̄-ger̄ kəla rāāī gə̄, ḭ̄ i de kə́ rīí ɓār̄ kadə̄ na ī-ndi kə kumií, banī ḭ̄ i de kə́ koy kɔ̄ɔ́.

Makətūbə̄ ń Jud ndang ní 1:12

Dan ń ī-ndiī ā ə́saī yá̰a̰ kə naá kə́ loo ngákó̰o̰ naā gə̄ tə́ ɓáa, nin̄ i yá̰á̰ kə́ adə̄ deē wōn̄g gə̄ dansí tə́. Nin̄ i de kə́ ngé kəsa wa kanjə̄ kadə̄ rɔ̄də́ sɔl̄də́ gə̄ ō, gírə̄n̄ i dɔ rɔ̄də́ nin̄ kɔ́ gə̄ tə́ ngóy ō. Nin̄-ton̄ i tītə̄ man̄ kə́ il̄ kanjə̄ kedə kə́ nél tə̄ndā tḭ̄ḭ̄ kɔ̄ɔ́ beē ō, ton̄ i tītə̄ kāgə̄ gə̄ kə́ nāā kan̄də́ ugə̄ banī anə̄n̄ aĺ gə̄ beé ō, ton̄ i tītə̄ kāgə̄ gə̄ kə́ ɔrə̄n̄də́ kɔ̄ɔ́ kə ngəradə́ gēé adə̄ oyn̄ kɔ̄ɔ́ beé ō.

Najə̄ kə́ Majə yā Jeju ń Luk ndang ní 10:19

Ōōī, m-ādə̄sí tɔ́gə kadə̄ ī-tə́ɓāīneé dɔ lī gə̄ ō dɔ kókə́rang gə̄ ō, kadə̄ ī-tetiīneé tɔ́gə Sətan malang rɔ̄ɔ̄ kɔ̄ɔ́ ō, yá̰á̰ kógə̄ḿ a rāāsí aĺ ō.

TA KƏLA 45:28

Loo ń noō tə́ Israel əda na kadə̄ asə, ngōnə̄n Jəjep na ndi noó kə kumneé ɓáý, na n-aw̄ yā ka̰a̰n pá tá kadə̄ n-oy.

IJAI 66:11

Loo ń noō tə́ ni a adə̄sí tɔ́gə gogə́. Ā ī-ndānī tītə̄ ngáń kásə̄ gə̄ kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.

MATIYE 8:22

Banī Jeju tél ədan na: Un gōḿ, ba ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄.

Najə̄ kə́ Majə yā Jeju ń Luk ndang ní 9:60

Banī Jeju ədan na: Ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄, ba ḭ̄, āw̄ ɔ́jə de gə̄ najə̄ kə́ dɔ Ɓē ko̰o̰ yā Nə́ɓā tə́.

Najə̄ kə́ Majə yā Jeju ń Luk ndang ní 15:23

Ī-reēī kə duĺ man̄g kə́ bo majə, ī-tɔ̄lī ādə̄ j-əsaī, ba jə-rāāī rɔ̄nel̄ ō,

Najə̄ kə́ Majə yā Jeju ń Luk ndang ní 15:25

Ba ngōn̄ hágən i ndɔrɔ́, adə̄ dan ń tél a reē kə̄ ɓēé ba ugə̄ gidə ɓēé ngɔr anī, oō ká̰ yá̰a̰ gə̄ kə́ a əndan̄ ō, oō kōō de gə̄ kə́ a ndāmə̄n̄ naā ō.