Najə̄ kə́ Majə yā Jeju ń Luk ndang ní 15:22 - Bibəl ta Sar̄

²² Banī bɔbə̄n əda ngé kəla yān gə̄ na: Ī-reēī kə kūbə̄ kə́ majə mān̄ madə̄ gēé láẃ, ə́laī rɔ̄n tə́ ō, ə́laī kulūm̄ ta ngōn̄ jīn tə́ ō, ī-tə́laī sākə̄rā njan tə́ ō.

Bible sar

²² Banī bɔbə̄n əda ngé kəla yān gə̄ na: Ī-reēī kə kūbə̄ kə́ majə mān̄ madə̄ gēé láẃ, ə́laī rɔ̄n tə́ ō, ə́laī kulūm̄ ta ngōn̄ jīn tə́ ō, ī-tə́laī sākə̄rā njan tə́ ō.

Najə̄ kə́ Majə yā Jeju ń Luk ndang ní 15:22 Referans Kwoze

JEJU TEĒ KUM JA̰A̰ 6:11

Anī adə̄n̄də́ kūbə̄ ngāl̄ kə́ ndaa kógə̄ḿ kógə̄ḿ kə dɔdə́ gēé, ba ədan̄də́ na kə tə́gān̄ tadə́ sḛ́ý ɓáý kə ngóōn̄neé bátə́ kadə̄ madə̄ kəladə́ gə̄ ō, ngákó̰ó̰də́ gə̄ ō ń kadə̄ tɔ̄lə̄n̄də́ tītə̄ yādə́ ní, kutədə́ kə asə naā pá tá.

ESTER 8:2

Mban̄g ɔr̄ kulūm̄ kə́ jīn tə́ ń adə̄ Haman tá tél taā kɔ̄ɔ́ ní adə̄ Mardose. Tá ɓáý to̰ ní Ester əndā Mardose dɔ yá̰a̰ malang yā Haman tə́.

TA KƏLA 41:42

Parao̰ ɔr̄ kulūm̄ kə́ jīn tə́ əla jī Jəjep tə́ ō, əla kūbə̄ kə́ majə kə́ sɔl̄ lɔ́ḿ lɔ́ḿ rɔ̄n tə́ ō, ənī məde lɔ́ŕ kɔ́ɔn tə́ ō,

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

ESTER 3:10

Loo ń noō tə́ mban̄g ɔr̄ kulūm̄ kə́ jīn tə́ adə̄ Haman kə́ ngōn̄ Hamedata ń i de kə́ gír yā Agag tə́ ō, i madə̄ ba̰ā̰ Jipə gə̄ ō ní.

JEJU TEĒ KUM JA̰A̰ 19:8

Adə̄nən̄ kūbə̄ lḛ́ḛ kə́ kəlā kəjōn kídə̄ yululu ō, ndə́lē ō, unjə̄ njáý njáý ō, adə̄ əla rɔ̄n tə́. Tɔdɔ̄ kūbə̄ lḛ́ḛ i kəla kə́ gōtə́ gə̄ ń de gə̄ yā Nə́ɓā rāān̄ ní.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

GALATƏ 3:27

tām̄ sḭḭ̄ malang ń rāān̄sí batém kə rī Kərist ní, ə́laī Kərist rɔ̄sí tə́ tītə̄ kūbə̄ beé.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

PĀ KƏ́ MAJƏ 7:1

Dəyá̰ Sulamitə, ī-tél ī-reē, ī-tél ī-reē! Ī-tél ī-reē, ī-tél ī-reē ādə̄ j-a̰a̰ majií! Dəyá̰ Sulamitə ń udə dan ndām̄ kə́ de gə̄ ran̄ tū tə́ dām̄ jōó ní, loo kadə̄ á̰a̰niī i ba̰ý?

PĀ GƏ̄ 132:9

Ādə̄ ngé tun̄ yá̰a̰ yāí gə̄ əlan̄ háĺ kə́ gōtə́ kūbə̄ tə́ rɔ̄də́ tə́ ō, ādə̄ deē yāí gə̄ túrə̄n̄ kɔĺ rɔ̄nel̄ ō!

PĀ GƏ̄ 45:13

Tir gə̄ ń i de kə́ ngé kənge yá̰á̰ tɔȳ gír de kə́ rang gə̄ ní, a adīn̄ kadə̄ karī gə̄ kadə̄ nelīneé sedə́.

PĀ GƏ̄ 18:33

I ni n adə̄m̄ tɔ́gə́ á m̄-rāań yá̰á̰ ní. Ni-rāā adə̄ kəla rāāḿ udə gírí majə.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

EPEJƏ 6:15

sākə̄rā kə́ njasí tə́, i təngā kə́ ī-təngāī loo kɔjə Najə̄ kə́ Majə kə́ adə̄ de gə̄ kem sɔl̄ lɔm tə́ ō.

Makətūbə̄ ń Pol ndang adə̄ Rom gə̄ ní 3:22

kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́.

PĀ GƏ̄ 132:16

M-ā m-ə́la kajə rɔ̄ ngé tun̄ yá̰a̰ yān gə̄ tə́ tītə̄ kūbə̄ beé ō, deē yān gə̄ a túrə̄n̄ kɔĺ rɔ̄nel̄ ō.

NDŪ NAJƏ̄ 33:25

Ādə̄ yá̰a̰ kutə̄ ta róbə yāí gə̄ i kə gində̄ kə́ karīí aláa i kə gində̄ nə̄ngá kasaá. Ādə̄ tɔ́gí i rɔ̄í tə́ kə dɔ ndɔ̄ gə̄ malang ń ā ī-ndiń kə kumií ní.

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

Najə̄ kə́ Majə yā Jeju ń Luk ndang ní 15:23

Ī-reēī kə duĺ man̄g kə́ bo majə, ī-tɔ̄lī ādə̄ j-əsaī, ba jə-rāāī rɔ̄nel̄ ō,