Najə̄ kə́ Majə yā Jeju ń Luk ndang ní 15:18 - Bibəl ta Sar̄

¹⁸ m̄-gḛy tél kaw̄ gogə́ rɔ̄ bɔbə́ḿ tə́ kədan na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō.

Bible sar

¹⁸ m̄-gḛy tél kaw̄ gogə́ rɔ̄ bɔbə́ḿ tə́ kədan na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō.

Najə̄ kə́ Majə yā Jeju ń Luk ndang ní 15:18 Referans Kwoze

NŌŌ RƆ̄ 3:40

J-əndāī ma̰ȳ róbə njə̄rājí gə̄ j-a̰a̰ī majə ba jə-télī kə̄ rɔ̄ Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

MATIYE 6:14

Yá̰á̰ kə́ majaĺ gə̄ ń madə̄sí gə̄ rāān̄ sesí ní ré ī-mā̰yī rɔ̄sí dɔdə́ tə́ najə̄n tə́ anī, Bɔbə̄sí ń ndi dɔ rā̰ tə́ ní a mā̰ȳ rɔ̄n dɔsí tə́ ō.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

MATIYE 3:6

Nin̄-ədan̄ majaĺ yādə́ gə̄ kə̄ ndágá oy anī, Ja̰a̰ rāādə́ batém kum man̄ bā Jurdḛ tə́.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

Gōsə̄ najə̄ gə̄ 23:13

Ī-lōō ɓōĺ kənda ngōn̄ kɔjənneé yá̰a̰. Ndey a tɔ̄lən alé!

MATIYE 7:11

Sḭḭ̄ ń i ngé kem ndul gə̄ ní, ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí kə́ dɔ rā̰ tə́ a adə̄ ngé gə̄ ń dəjenən̄ ní yá̰á̰ kə́ majə tɔȳ loo ń noō aĺ a?

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

Najə̄ kə́ Majə yā Jeju ń Luk ndang ní 11:2

Anī Jeju ədadə́ na: Ré ā ī-ndɔ̄yī anī, ə́daī na: Bɔbə̄jí, ādə̄ de gə̄ tɔ̄ȳn̄ rīí, ādə̄ Ɓē ko̰o̰ yāí reē ō.

JONAS 3:9

I náa n ger̄? Majanī Nə́ɓā a lōō gíŕ yá̰á̰ ń ní sāā rāā tə́ ní kɔ̄ɔ́. Ni a əya̰ gō wōn̄g ń rāān dɔjí tə́ ní kɔ̄ɔ́, adə̄ j-a j-oyiī alé.

JONAS 2:4

Ḭ̄ ə̄nīm̄ kem bəlo kə́ ɗúú ngá̰ý tə́ dan ɓūl̄ bā bo tə́ ō, man̄ gīr̄ gidəḿ ō. Ɓəngál man̄ yāí gə̄ malang ō, man̄ yāí malang ō, reēn̄ dɔḿ tə́.

DANIEL 4:26

Tām̄ ɓāl̄ kógə̄ḿ gō tə́ ní, mban̄g a njə̄rā dɔ kújə mbang kə́ Babilon tə́ anī,

NŌŌ RƆ̄ 3:29

Majə kadə̄ deē rūsə́ tan kum bumbə́rú tə́, na majanī Kɔ́ɔ̄ɓē a gír̄ dɔn tə́ ɓáý.

Najə̄ kə́ Majə yā Jeju ń Luk ndang ní 15:17

Loo ń noō tə́ tél a gír̄ najə̄, əda na: Ngé gə̄ ń bɔbə́ḿ ɔydə́ kəlaá ní i kóndóńg, kə́ yá̰a̰ kəsa yādə́ əla loo kə̄ nang tə́ ō, mā m̄-to adə̄ ɓō a tɔ̄lə̄m̄ kɔ̄ɔ́ ō ní?

Najə̄ kə́ Majə yā Jeju ń Luk ndang ní 15:19

Mā m̄-ndetə kadə̄ ā ī-ɓārə́m̄ ngōn̄ kemií to̰ alé, ba ī-rāām̄ deē kógə̄ḿ kə́ dan ngé kəla yāí gə̄ tə́ tə́ ní.