Najə̄ kə́ Majə yā Jeju ń Luk ndang ní 15:17 - Bibəl ta Sar̄

¹⁷ Loo ń noō tə́ tél a gír̄ najə̄, əda na: Ngé gə̄ ń bɔbə́ḿ ɔydə́ kəlaá ní i kóndóńg, kə́ yá̰a̰ kəsa yādə́ əla loo kə̄ nang tə́ ō, mā m̄-to adə̄ ɓō a tɔ̄lə̄m̄ kɔ̄ɔ́ ō ní?

Bible sar

¹⁷ Loo ń noō tə́ tél a gír̄ najə̄, əda na: Ngé gə̄ ń bɔbə́ḿ ɔydə́ kəlaá ní i kóndóńg, kə́ yá̰a̰ kəsa yādə́ əla loo kə̄ nang tə́ ō, mā m̄-to adə̄ ɓō a tɔ̄lə̄m̄ kɔ̄ɔ́ ō ní?

Najə̄ kə́ Majə yā Jeju ń Luk ndang ní 15:17 Referans Kwoze

EJEKIEL 18:28

Ré kumən reē teē dɔ yá̰a̰ rāān kə́ majaĺ gə̄ tə́ ō, lōō gír rāādə́ tə́ ō anī, ni a ndi kə kumneé, rɔ̄kum, ni a oy alé.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

Najə̄ kə́ Majə yā Jeju ń Luk ndang ní 16:23

Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

Najə̄ kə́ Majə yā Jeju ń Luk ndang ní 8:35

Adə̄ de gə̄ teē reēn̄ ka̰a̰ yá̰a̰ nəkɔ́ ń rāā yá̰á̰ tə́ ní. Dan ń reē ugə̄n̄ rɔ̄ Jeju tə́ anī, əngen̄ dəngam ń ndíĺ kə́ majaĺ gə̄ teēn̄ kemən tə́ kɔ̄ɔ́ ní ndi nang tə́ nja Jeju tə́ kə kūbūú rɔ̄n tə́ ō, ndi i kə́ de kə́ karī gə̄ tə́ ba i kə́ de kə́ yá̰a̰ rāān tə́ to̰ aĺ ō, adə̄ ɓōĺ rāādə́.

NŌŌ RƆ̄ 1:7

Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

PĀ GƏ̄ 73:20

Kɔ́ɔ̄ɓē, dan ń ḭ̄ údə danaá ní, nin̄ télən̄ i yá̰á̰ kə́ karī kɔ̄ɔ́, tītə̄ ndíĺ yá̰a̰ gə̄ kə́ kem nī tə́ ń deē ndól̄ dɔ ɓīī tə́ anī, télən̄ i yá̰á̰ kə́ karī kɔ̄ɔ́ ní.

PĀ GƏ̄ 119:59

m̄-gír̄ gō hálə́ḿ tə́ ō, m̄-sāā tél reē gogə́ dɔ yá̰a̰ gə̄ ń ə́dá tə́ ní ō.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.

Najə̄ kə́ Majə yā Jeju ń Luk ndang ní 15:16

Əndā kumən kəsa yá̰á̰ ń kosong gə̄ a əsan̄ ní tə́ gə̄gē, banī deē adə̄n alé.

KƏLA RĀĀ 12:11

Loo ń noō tə́ ndíĺ Piyer tél reē rɔ̄n tə́ adə̄ a̰a̰ yá̰á̰ ń rāā yá̰á̰ ní ger̄ tā, adə̄ əda na: Ń toō m̄-ger̄ kadə̄ rɔ̄kum Kɔ́ɔ̄ɓē əla de kə́ dɔ rā̰ tə́ yān adə̄ reē ɔrə̄m̄ kɔ̄ɔ́ jī Herod tə́ ō, ta yá̰a̰ gə̄ malang ń Jipə gə̄ númə̄n̄ rāā seḿ ní tə́ ō.