Najə̄ kə́ Majə yā Jeju ń Luk ndang ní 15:15 - Bibəl ta Sar̄

¹⁵ Ni-aw̄ nam̄ kə dəngam kógə̄ḿ kə́ gō nang ní tə́, adə̄ dəngam ní əlan bembeé ngɔ̄m̄ kosong yān gə̄ tə́.

Bible sar

¹⁵ Ni-aw̄ nam̄ kə dəngam kógə̄ḿ kə́ gō nang ní tə́, adə̄ dəngam ní əlan bembeé ngɔ̄m̄ kosong yān gə̄ tə́.

Najə̄ kə́ Majə yā Jeju ń Luk ndang ní 15:15 Referans Kwoze

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

MALASI 2:9

I beé ní, ta i dɔḿ tə́ kadə̄ m̄-sə̄lā ngán Israel gə̄ dɔsí tə́, kadə̄ kídə̄n̄sí ō, télən̄ sesí kə̄ nang tə́ ō. Tām̄ sḭḭ̄ ōōī taḿ aĺ ō, dan ń úniī ndū najə̄ yā rāań kəla anī, ɔ̄rī kam̄ de gə̄ naā tə́ ō.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

Najə̄ kə́ Majə yā Jeju ń Luk ndang ní 15:13

Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

NAHUM 3:6

M-ā m̄-kán̄ loo kə́ yḛr gə̄ kə̄ dɔí tə́, yā kɔrə̄ń hɔ̄r̄mɔ̄ yāí kɔ̄ɔ́. M-ā m̄-rāāī kadə̄ ā ī-tél yá̰á̰ kə́ kadə̄ de gə̄ a̰ā̰n̄ anī nin̄ ɓōlə́n̄.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 16:52

I beé ɓá ní, ta i dɔí tə́ ngɔlaā kadə̄ ə́la dɔí gír rɔ̄sɔl̄ tə́ sɔɔ̄ń yá̰a̰ rāāí kə́ gōtə́ aĺ gə̄: A̰á̰ā̰, ḭ̄ ī-rāā yá̰á̰ kə́ majaĺ ngá̰ý al̄ naā tɔȳ yā ngákó̰ó̰í kə́ dəyá̰ gə̄. I beé n nin̄ tonə̄ń tītə̄ de kə́ gōtə́ tɔyī gə̄ ní. Adə̄ ta i dɔí tə́ kadə̄ rɔ̄í sɔlī ō, hɔ̄r̄mɔ̄í gətóo ō.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

MATIYE 7:6

Ī-lōōī tə́nī yá̰á̰ kə́ yā ɓōĺ gidə kadə̄ bísə gə̄ ō, ī-lōōī tə́nī məde yāsí gə̄ nang tə́ no kosong tə́ ō, na sōgə́ a tə́ɓān̄ njadə́ tə́ ō, télən̄ kə̄ rɔ̄sí tə́ tə́gā rə́yā̰n̄sí ō.

Najə̄ kə́ Majə yā Jeju ń Luk ndang ní 15:14

Dan ń ni-nujəń malang kɔ̄ɔ́ anī ɓō əsō gō nang ngeé ń noō tə́, adə̄ ndoō əla gír rāān.

Najə̄ kə́ Majə yā Jeju ń Luk ndang ní 15:16

Əndā kumən kəsa yá̰á̰ ń kosong gə̄ a əsan̄ ní tə́ gə̄gē, banī deē adə̄n alé.