Najə̄ kə́ Majə yā Jeju ń Luk ndang ní 15:13 - Bibəl ta Sar̄

¹³ Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

Bible sar

¹³ Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

Najə̄ kə́ Majə yā Jeju ń Luk ndang ní 15:13 Referans Kwoze

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

Gōsə̄ najə̄ gə̄ 29:3

Deē ń nelə̄n kə kum kedēé ní, rɔ̄ bɔbə̄n nelə̄n, banī nge kɔr̄ loo gō ájə́ba gə̄ tə́ i nge nujə kə yá̰a̰ kənge yānneé.

Gōsə̄ najə̄ gə̄ 21:17

Deē ń rɔ̄nel̄ kə́ dā̰ rɔ̄ tə́ nelə̄n ngá̰ý ō gḛy yá̰a̰ kəsa kə́ majə ngá̰ý ō ní a tél de kə́ nge kənge yá̰á̰ ngá̰ý alé.

Gōsə̄ najə̄ gə̄ 28:7

Ngōn̄ kə́ nge rāā yá̰á̰ ń ndū najə̄ yā Nə́ɓā əda ní i ngōn̄ kə́ ger̄ najə̄, banī ngōn̄ kə́ nge njə̄rā rɔ̄ ngé rāā haĺ gə̄ tə́ i ngōn̄ kə́ nge kəla rɔ̄sɔl̄ dɔ bɔbə̄n tə́.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

Najə̄ kə́ Majə yā Jeju ń Luk ndang ní 16:1

Jeju əda ngé ndóō yá̰a̰ yān gə̄ ɓáý to̰ na: Deē kógə̄ḿ kə́ ənge yá̰á̰ ngá̰ý əndā deē kógə̄ḿ dɔ yá̰a̰ yān gə̄ tə́ kadə̄ ngɔ̄m̄. Anī sə̄lān̄ gír deē ngeé ń toō rɔ̄n tə́ na nujə yá̰a̰ yān gə̄ ngá̰ý.

Najə̄ kə́ Majə yā Jeju ń Luk ndang ní 15:30

Ba ngōnīí ń toō ń aw̄ nujə yá̰a̰ yāí malang kɔ̄ɔ́ kə ájə́ba gēé ní, tá ré tél reē, ādə̄ tɔ̄lə̄n̄ duĺ man̄g kə́ bo tām̄ yān tə́?

MISE 6:3

Ni ədan na: Sḭḭ̄ gír deē yāḿ gə̄, m̄-rāā i rí sesí? Yá̰á̰ ń m̄-rāā sesí á kɔr rāańsí ní i rí? Ī-tūr̄mī najə̄ tə́!

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

IJAI 30:11

Ə́ya̰ī róbə́ kə́ majə kɔ̄ɔ́ ba āwī sa̰y, ə́ya̰ī róbə́ kə́ majə ba ī-tɔ̄ɔ̄ī. Nə́ɓā kə́ táĺ yā Israel ní, ī-lōōī kɔr̄ najə̄ yān sejí to̰!

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

Gōsə̄ najə̄ gə̄ 27:8

De kə́ nge kəya̰ dɔ nang yān ba kaw̄ dáȳ say rɔ̄ tə́ to i tītə̄ yel̄ kə́ əya̰ ɓēn ba aw̄ a dáȳ sa̰y rɔ̄ tə́ beē.

Gōsə̄ najə̄ gə̄ 21:20

Yá̰a̰ kənge kə́ gātə̄n i ngá̰ý ō, yá̰a̰ kal̄ loo ō i ɓē nge kum kedēé, banī de kə́ mbóo nujə yá̰a̰ kənge yān gə̄ malang kɔ̄ɔ́!

Gōsə̄ najə̄ gə̄ 18:9

De kə́ nge lōō gír rāā kəla tə́ rɔ̄ tḭ̄ḭ́ kə i ngōkó̰o̰ de kə́ nge nujə yá̰a̰.

Gōsə̄ najə̄ gə̄ 6:26

Tɔdɔ̄ ré ī-sāā i dəyá̰ ájə́ba ɓáa, ā ādə̄n i yá̰a̰ kəsa yān kə́ tan tə́ ngóy, ba ré ī-sāā i nə̄yá̰ deē ɓáa ā ə́la i rɔ̄í ta yo tə́.

PĀ GƏ̄ 73:27

Deē ń ɔr̄ rɔ̄n rɔ̄í tə́ kɔ̄ɔ́ ní a oy ō, ā ī-nujə kə deē ń əya̰ī kɔ̄ɔ́ ba aw̄ rāā rāȳ ní ō.

2 PIYER 2:13

Yá̰á̰ kə́ tōr̄ ń a rāādə́ ní, a əndānəń i njadə́ tām̄ yā yá̰á̰ kə́ gōtə́ aĺ ń nin̄-rāān̄ tə́ ní. Nin̄-əngen̄ rɔ̄nel̄ yādə́ loo rāā yá̰á̰ kə́ majaĺ gə̄ ń ngurən i kemdə́ tə́ ní. Dan ń nin̄-əsan̄ yá̰a̰ yāsí gə̄ sesí ō, rɔ̄nel̄ yādə́ i gól̄ loo ō ní, ndidə́ nin̄ sesí ta yá̰a̰ kəsa tə́ i yá̰á̰ kə́ to rɔ̄sɔl̄ ō, i yá̰á̰ kə́ to wōn̄g ngá̰ý ō.

EPEJƏ 2:17

Adə̄ Kərist reē i kənī mbēr̄ Najə̄ kə́ Majə yā kem sɔl̄ lɔm tə́, tām̄ yāsí sḭḭ̄ ń ī-ndiī sa̰y rɔ̄n tə́ ní ō, tām̄ yā ngé gə̄ ń nin̄-ndin̄ ngɔr rɔ̄ Nə́ɓā tə́ ní ō.

EPEJƏ 2:13

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə Kərist.

Najə̄ kə́ Majə yā Jeju ń Luk ndang ní 15:12

Nge kə́ dūú əda bɔbə̄n na: Bɔbə́ḿ, ādə̄m̄ núsə́ yá̰a̰ kənge ń sɔɔ̄ dɔḿ mā ní. Anī bɔbə̄də́ kēgə̄də́ yá̰a̰ yān gə̄ ní naā tə́.

Najə̄ kə́ Majə yā Jeju ń Luk ndang ní 15:14

Dan ń ni-nujəń malang kɔ̄ɔ́ anī ɓō əsō gō nang ngeé ń noō tə́, adə̄ ndoō əla gír rāān.