Najə̄ kə́ Majə yā Jeju ń Luk ndang ní 15:10 - Bibəl ta Sar̄

¹⁰ Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Bible sar

¹⁰ Ādə̄ m-ə́dásí, *de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

Najə̄ kə́ Majə yā Jeju ń Luk ndang ní 15:10 Referans Kwoze

Najə̄ kə́ Majə yā Jeju ń Luk ndang ní 15:7

Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

2 KORḚNTƏ 7:10

Tɔdɔ̄ rɔ̄ de kə́ nelə̄n aĺ ń Nə́ɓā un rāań kəla ní, a ojə i tūr̄ háĺ kə́ a aw̄ kə deé yā kəlan ta kajə tə́ ō, deē a ndə̄ngā rɔ̄n najə̄n tə́ aĺ ō. Banī rɔ̄nel̄ aĺ ń de kə́ dɔ nang tə́ gə̄ a adə̄n̄ ní a ojə i yo.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

EJEKIEL 18:23

Ɔ́jiīń na nelə̄m̄ ka̰a̰ de kə́ majaĺ gə̄ loo koy tə́ a? Mā Kɔ́ɔ̄ɓē Nə́ɓā m-ə́dásí na: Yá̰á̰ ń m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ gə̄ ba ndin̄ kə kumdə́.

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

MATIYE 18:14

I tītə̄ ń noō kə Bɔbə̄sí kə́ ndi dɔ rā̰ tə́. Ni gḛy kadə̄ ngáń kə́ dūú gə̄ ń toō ní, ta nge kə́ kógə̄ḿ tḭ̄ḭ̄ alé.

EJEKIEL 18:32

Mā Kɔ́ɔ̄ɓē Nə́ɓā m-ə́da na m̄-gḛy kadə̄ deē kógə̄ḿ oy alé. Ī-tūrī gidesí kɔ̄ɔ́ ta yá̰á̰ kə́ majaĺ tə́ ba ī-ndiī kə kumsí!

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

KƏLA RĀĀ 11:18

Dan ń nin̄-oōn̄ beé anī asədə́ kɔr̄ najə̄, ba ɔsən̄ gɔn Nə́ɓā ədan̄ na: Yá̰á̰ ní i tītə̄ ń toō rɔ̄kum tā, de gə̄ ń i Jipə aĺ gə̄ ní Nə́ɓā adə̄də́ ta róbə tūr̄ háĺdə́, yā kadə̄ nin̄-əngen̄neé ndi kə kumuú kə́ rɔ̄kum.

Najə̄ kə́ Majə yā Jeju ń Luk ndang ní 7:47

Tām̄ najə̄ ń toō tə́ ní ādə̄ m-ə́daī: Táŕ ń ni-táŕ ngá̰ý ní ɔjə kadə̄ maȳn̄ rɔ̄də́ dɔ majaĺ yān gə̄ kə́ ngá̰ý tə́ kɔ̄ɔ́. Banī deē ń maȳn̄ rɔ̄də́ dɔn tə́ i sḛ́ý beē ní, a tár i sḛ́ý beē.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

PILEMO̰ 1:15

Majanī Onejim əya̰ī kum i ngá̰ý alé i yā kadə̄ ī-téĺ ə́ngen gogə́ ngándáńg ní,

KƏLA RĀĀ 5:19

Dan ndɔ̄ɔ́ anī de kə́ dɔ rā̰ tə́ yā Kɔ́ɔ̄ɓē teē ta kújə dəngáy, ni-aw̄ sedə́ ndágá ba ədadə́ na:

MATIYE 10:32

Deē ń əda ta kum de gə̄ tə́ na ni na i deē yāḿ anī, mā m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ ō.

Najə̄ kə́ Majə yā Jeju ń Luk ndang ní 12:8

Ādə̄ m-ə́dásí: Deē ń a əda ta kum de gə̄ tə́ na ni na i deē yāḿ mā ní, Ngōn̄ Deē a əda ta kum de kə́ dɔ rā̰ tə́ gə̄ yā Nə́ɓā tə́ na ni na i deē yān ō.

Najə̄ kə́ Majə yā Jeju ń Luk ndang ní 12:9

Ba deē ń a nējə̄ ta kum de gə̄ tə́ a əda na n-gerə̄m̄ aĺ ní, Ngōn̄ Deē a nējə̄ ta kum de kə́ dɔ rā̰ tə́ gə̄ yā Nə́ɓā tə́ a əda na n-gerə̄n aĺ ō.

Najə̄ kə́ Majə yā Jeju ń Luk ndang ní 15:9

Ba dan ń ənge anī, a ɔsə dɔ madə̄n gə̄ ō, madə̄ ɓēn kə́ dəyá̰ gə̄ ō naā tə́, ba a ədadə́ na: Ī-rāāī rɔ̄nel̄ seḿ tɔdɔ̄ m-ə́ngé njáŕ sə́lē arjā̰a̰ yāḿ kə́ kógə̄ḿ ń m̄-tḭ̄ ta ní kɔ̄ɔ́.

Najə̄ kə́ Majə yā Jeju ń Luk ndang ní 15:11

Jeju ədadə́ ɓáý to̰ na: Deē kógə̄ḿ aw̄ kə ngáń kə́ dəngam gə̄ jōó.