Najə̄ kə́ Majə yā Jeju ń Luk ndang ní 14:23 - Bibəl ta Sar̄

²³ Anī kɔ́ɔ̄n ní tél ədan na kə ɔr̄ gō loo róbə gə̄ kə́ gidə ɓē tə́ ō, mbo̰ō̰ ndɔr̄ gə̄ tə́ ō, ba kə ɔsə kə de gēé ta kudə ndogó looneé, kadə̄ kem kújə yān i kə́ rosə.

Bible sar

²³ Anī kɔ́ɔ̄n ní tél ədan na kə ɔr̄ gō loo róbə gə̄ kə́ gidə ɓē tə́ ō, mbo̰ō̰ ndɔr̄ gə̄ tə́ ō, ba kə ɔsə kə de gēé ta kudə ndogó looneé, kadə̄ kem kújə yān i kə́ rosə.

Najə̄ kə́ Majə yā Jeju ń Luk ndang ní 14:23 Referans Kwoze

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

KƏLA RĀĀ 28:28

Ní, ōōī majə: I de gə̄ kə́ nin̄ i Jipə aĺ gə̄ n əlan̄ kə kajə kə́ Nə́ɓā a ajə de gēé ń toō adə̄n̄də́ ní. Nin̄ a oōn̄!

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

KƏLA RĀĀ 9:15

Banī Kɔ́ɔ̄ɓē ədan na: Āw̄, tɔdɔ̄ deē ń toō i yá̰a̰ kəla yāḿ kə́ m̄-gə̄rā, yā kadə̄ aw̄ kə rīḿ ta kum nápar de gə̄ tə́ ō, mban̄g gə̄ tə́ ō, ngán Israel gə̄ tə́ ō.

MATIYE 21:43

Ní, ādə̄ m-ə́dásí, a taān̄ Ɓē ko̰o̰ yā Nə́ɓā jīsí tə́ yā kadə̄ nápar de gə̄ kə́ a rāān̄ kadə̄ kanə̄n teē.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

KƏLA RĀĀ 16:15

Dan ń rāānən̄ batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

Najə̄ kə́ Majə yā Jeju ń Luk ndang ní 24:29

Ba nin̄-əhɔnən̄ mbā ədanən̄ na kə ndi sedə́ tɔdɔ̄ loo sɔl̄ kɔ̄ɔ́ ō, mbang na a aw̄ i kə̄ kuduú ō. Adə̄ ni udə aw̄ ndi sedə́.

MATIYE 5:41

Loo ń ré deē kógə̄ḿ ɔsə seí kadə̄ ī-njə̄rā njaí dūbú seneé anī, ī-njə̄rā njaí dūbú jōó.

Najə̄ kə́ Majə yā Jeju ń Luk ndang ní 14:22

Nge kəla ní reē ədan na: Kɔ́ɔ̄ḿ, m̄-rāā yá̰a̰ gə̄ ń ɔ́jəm̄ ní malang, ba na̰y loo kə́ karī gə̄ laā ɓáý.

Najə̄ kə́ Majə yā Jeju ń Luk ndang ní 14:24

Tɔdɔ̄ ādə̄ m-ə́dásí, ngé gə̄ ń ɓārəńdə́ kadə̄ reēn̄ loo kəsa yá̰á̰ tə́ ní, deē kógə̄ḿ dandə́ tə́ kə́ a ɔdə yá̰á̰ kəsa yāḿ tan tə́ a gətóo.