Najə̄ kə́ Majə yā Jeju ń Luk ndang ní 14:22 - Bibəl ta Sar̄

²² Nge kəla ní reē ədan na: Kɔ́ɔ̄ḿ, m̄-rāā yá̰a̰ gə̄ ń ɔ́jəm̄ ní malang, ba na̰y loo kə́ karī gə̄ laā ɓáý.

Bible sar

²² Nge kəla ní reē ədan na: Kɔ́ɔ̄ḿ, m̄-rāā yá̰a̰ gə̄ ń ɔ́jəm̄ ní malang, ba na̰y loo kə́ karī gə̄ laā ɓáý.

Najə̄ kə́ Majə yā Jeju ń Luk ndang ní 14:22 Referans Kwoze

JA̰A̰ 14:2

Loo ndi i ngá̰ý kem ɓē yā Bɔbə́ḿ tə́. Nə́ngētə́ i beé aĺ anī, m-ə́dásí kɔ̄ɔ́. M-ā m-āw̄ yā rāā loo tām̄ yāsí tə́.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

KOLOSƏ 2:9

Tɔdɔ̄ Nə́ɓā ndi kem Kərist tə́ kə taá malang, ni-un rɔ̄ Kərist.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

PĀ GƏ̄ 103:6

Kɔ́ɔ̄ɓē rāā yá̰á̰ kə́ gōtə́ gə̄. Ni-gān̄g sarya kə gōó tām̄ yā de gə̄ malang ń madə̄də́ gə̄ rāān̄də́ ndoō tə́ ní.

Najə̄ kə́ Majə yā Jeju ń Luk ndang ní 14:21

Nge kəla ní tél reē ɔjə kɔ́ɔ̄n gotə najə̄ gə̄ ń toō malang. Anī wōn̄g rāā kɔ́ɔ̄ kújə́ ní ngá̰ý, adə̄ əda nge kəla yān ní na kə aw̄ kə̄ ndágə loo gə̄ tə́ ō, kə̄ kə̄lá róbə gə̄ kə́ mbo̰ō̰ ɓē tə́ ō, ba kə kán̄ ngé ndoō gə̄, kə de kə́ nujə gə̄, kə ngé kum tɔ̄ɔ̄ gə̄, kə ngé tə́sō motə gə̄, kə reē sedə́.

Najə̄ kə́ Majə yā Jeju ń Luk ndang ní 14:23

Anī kɔ́ɔ̄n ní tél ədan na kə ɔr̄ gō loo róbə gə̄ kə́ gidə ɓē tə́ ō, mbo̰ō̰ ndɔr̄ gə̄ tə́ ō, ba kə ɔsə kə de gēé ta kudə ndogó looneé, kadə̄ kem kújə yān i kə́ rosə.