Najə̄ kə́ Majə yā Jeju ń Luk ndang ní 13:8 - Bibəl ta Sar̄

⁸ Nge ndɔr̄ kāgə̄ nduú ní tél ədan na: Kɔ́ɔ̄ḿ, ə́ya̰n kōnīí laā ɓáý, ādə̄ m̄-ndēr̄ bəlo m̄-gīrəń gidən ō, ba m̄-ɓōkə́ yedə̄ yá̰a̰ tū tə́ ō.

Bible sar

⁸ Nge ndɔr̄ kāgə̄ nduú ní tél ədan na: Kɔ́ɔ̄ḿ, ə́ya̰n kōnīí laā ɓáý, ādə̄ m̄-ndēr̄ bəlo m̄-gīrəń gidən ō, ba m̄-ɓōkə́ yedə̄ yá̰a̰ tū tə́ ō.

Najə̄ kə́ Majə yā Jeju ń Luk ndang ní 13:8 Referans Kwoze

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

Makətūbə̄ ń Pol ndang adə̄ Rom gə̄ ní 11:14

Kadə̄ ngé gə̄ ń nin̄ i mósə́ḿ gə̄ ní əndāmə̄n̄ nii dɔ tə́, anī m-ájəń ngé kə́rēý gə̄.

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

Makətūbə̄ ń Pol ndang adə̄ Rom gə̄ ní 10:1

Ngákó̰ó̰ḿ gə̄, yá̰á̰ ń m̄-ndə̄ngā kemḿ tə́ tām̄ yā Jipə gə̄ tə́ ō, yá̰á̰ ń m-ā m̄-ndɔ̄ȳ Nə́ɓā tām̄ yādə́ tə́ najə̄n tə́ ō ní i kadə̄ ajən̄.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

Najə̄ kə́ Majə yā Jeju ń Luk ndang ní 13:7

Anī əda nge ndɔr̄ kāgə̄ nduú yān ní na: Á̰a̰, i ɓāl̄ mətá kōnīí laā n m̄-reē sāā kan̄ kótə̄ ń toō tə́, ba m-ə́ngé kógə̄ḿ gə̄gē dɔ tə́ aĺ ní, ī-tə́gān kɔ̄ɔ́. Tɔdɔ̄ kum kəya̰n kadə̄ taā loo karī ní gətóo.

Najə̄ kə́ Majə yā Jeju ń Luk ndang ní 13:9

Majanī ta kə́ kété tə́ a an̄ ɓáý. Ba ré an̄ aĺ tā anī, ī-tə́gān kɔ̄ɔ́ ɓáý.

Najə̄ kə́ Majə yā Jeju ń Luk ndang ní 14:35

Ni majə tām̄ yā dɔ nang tə́ to̰ aĺ ō, majə kəlan tū yedə̄ yá̰á̰ tə́ yā ndɔrə̄ń to̰ aĺ ō. A ɓōkə́nən̄ i ndágá kɔ̄ɔ́ ngóy. Náā nəkɔ́ ń i kə mbīneé yā koōń najə̄ anī, adə̄ kɔ́ɔ̄ oō.