Najə̄ kə́ Majə yā Jeju ń Luk ndang ní 13:6 - Bibəl ta Sar̄

⁶ Anī ni-ədadə́ kūjə́ najə̄ ń toō ɓáý to̰ na: Dəngam kógə̄ḿ əndā kāgə̄ kótə̄ kem ndɔr̄ kāgə̄ nduú yān tə́. Ni-reē sāā kanə̄n tə́ ba ənge kógə̄ḿ gə̄gē alé.

Bible sar

⁶ Anī ni-ədadə́ kūjə́ najə̄ ń toō ɓáý to̰ na: Dəngam kógə̄ḿ əndā kāgə̄ kótə̄ kem ndɔr̄ *kāgə̄ nduú yān tə́. Ni-reē sāā kanə̄n tə́ ba ənge kógə̄ḿ gə̄gē alé.

Najə̄ kə́ Majə yā Jeju ń Luk ndang ní 13:6 Referans Kwoze

JA̰A̰ 15:16

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

JEREMI 2:21

Mā m-ə̄ndāī, adə̄ ī-to tītə̄ kāgə̄ nduú kə́ majə ngá̰ý, tītə̄ kāgə̄ kə́ majən to tayā. I ba̰ý á ī-tél kāgə̄ nduú kə́ deē ger̄ aĺ ō, kə́ kanə̄n gə̄ majən̄ aĺ ō ní.

PILIPƏ 4:17

Ré m-ɔ̄r̄ najə̄ tītə̄ ń noō anī m̄-sāā i kadə̄ de gə̄ adə̄mə̄n̄ yá̰a̰ alé, ba m̄-sāā i kadə̄ man̄ kəla yāsí reē kə dɔ madə̄ tə́ tām̄ yāsí tə́.

JEREMI 8:13

m̄-gḛy kadə̄ gír yādə́ gān̄g kɔ̄ɔ́. Kan̄ kāgə̄ nduú gətóo dɔ kāgən tə́ ō. Kan̄ kótə̄ gətóo dɔ kāgə̄ tə́ ō. Mbī kāgə̄ gə̄ ndəlē ō. M-ə́yá̰də́ kem jī ngé mān̄ róbə gə̄ tə́.

Najə̄ kə́ Majə yā Jeju ń Luk ndang ní 3:9

Tá á̰a̰ī, kə̄ngā i kə́ kəndā ngəra kāgə̄ tə́ ɓá kɔ̄ɔ́. Adə̄ kāgə̄ malang ń a anə̄n̄ majaĺ ní, a tə́gān̄də́ yā ɓōkə́də́ horoó kɔ̄ɔ́.

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

NGÉ SARYA 9:11

Banī kāgə̄ kótə̄ tél ədadə́ na: Kə m̄-lōō gír nelə̄ḿ tə́ ō, kanə̄ḿ kə́ majə tə́ ō, ba kə m-āw̄ kə m̄-ra kə m̄-yéȳ rɔ̄ḿ dɔ kāgə̄ gə̄ tə́ a?