Najə̄ kə́ Majə yā Jeju ń Luk ndang ní 13:35 - Bibəl ta Sar̄

³⁵ Ba ngɔlaā ní, Nə́ɓā a teē yā kəya̰ kújə yāsí ní jīsí tə́ yā kadə̄sí. Ba mā m-ə́dásí na ā á̰a̰mī to̰ alé. Ā á̰a̰mī aĺ bátə́ kadə̄ ré ndɔ̄ ń sḭḭ̄ ā ə́daīneé na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní.

Bible sar

³⁵ Ba ngɔlaā ní, Nə́ɓā a teē yā kəya̰ kújə yāsí ní jīsí tə́ yā kadə̄sí. Ba mā m-ə́dásí na ā á̰a̰mī to̰ alé. Ā á̰a̰mī aĺ bátə́ kadə̄ ré ndɔ̄ ń sḭḭ̄ ā ə́daīneé na: Ādə̄ Nə́ɓā rāā majə kə nge ń reē kə rī Kɔ́ɔ̄ɓēé ní.

Najə̄ kə́ Majə yā Jeju ń Luk ndang ní 13:35 Referans Kwoze

PĀ GƏ̄ 118:26

Ādə̄ Nə́ɓā rāā majə kə deē ń a udə laā kə rī Kɔ́ɔ̄ɓēé ní! Jə-ndi kem kújə yā Kɔ́ɔ̄ɓē tə́, jə-tɔ́rəń tají dɔsí tə́.

JA̰A̰ 12:13

oōn̄ kadə̄ Jeju na a reē kə̄ Jerusalem. Anī ɔyn̄ ta jī túmbur gə̄, ba aw̄ tə́nīn̄ tan. Nin̄-əgan̄ kɔŕ ədan̄ na: Kɔsə gɔn i yā Nə́ɓā! Ādə̄ Nə́ɓā rāā majə kə nge ń a reē kə rī Kɔ́ɔ̄ɓēé ní! Ādə̄ Nə́ɓā rāā majə kə mban̄g kə Israel!

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

PĀ GƏ̄ 69:25

Ī-bə̄gā wōn̄g yāí kə́ ngá̰ý dɔdə́ tə́, ādə̄ wōn̄g yāí kə́ təngā piling ɔdədə́!

JEREMI 22:5

Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

Najə̄ kə́ Majə yā Jeju ń Luk ndang ní 19:41

Dan ń ni-ugə̄ ngɔr ba a̰a̰ ɓē ní anī, ni-nōō tām̄ yān tə́, ba əda na: