Najə̄ kə́ Majə yā Jeju ń Luk ndang ní 13:28 - Bibəl ta Sar̄

²⁸ Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, ngé koō ta gə̄ malang ō, kem Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní.

Bible sar

²⁸ Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, *ngé koō ta gə̄ malang ō, kem *Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní.

Najə̄ kə́ Majə yā Jeju ń Luk ndang ní 13:28 Referans Kwoze

MATIYE 25:30

Ba ə̄nīī nge kəla kə́ yalyō ń toō kum til tə́ ndágá, loo ń deē a nōō ō, a máyā̰ ngāngə̄n ō tū tə́ ní tə́.

MATIYE 22:13

Anī mban̄g əda ngé kəla yān gə̄ na: Ī-tó̰ō̰ī jīn gə̄ kə njan gə̄ ba ə̄nīniī ndágá kum til tə́. De gə̄ a nōōn̄ ō, a máyā̰n̄ gɔgədə́ ō, i loo ń noō tə́.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

2 TESALONIK 1:5

Tɔdɔ̄ i tītə̄ ń noō n sḭḭ̄ ā ásiīń kadə̄ sḭḭ̄ i de gə̄ kə́ tām̄ yā Ɓē ko̰o̰ yā Nə́ɓā ń á̰a̰ī tápə̄ najə̄n tə́ ní.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

2 PIYER 1:11

Tɔdɔ̄ i tītə̄ ń noō n a rāān̄ majə sesí, adə̄ a adə̄n̄sí ta róbə kudə kem Ɓē ko̰o̰ kə́ a to ngándáńg tə́ ní. Ɓē ko̰o̰ ní i yā Jeju Kərist ń ni i Kɔ́ɔ̄ɓē yājí ō, nge kajəjí ō ní.

Najə̄ kə́ Majə yā Jeju ń Luk ndang ní 16:23

Dan ń nge kənge yá̰a̰ ngeé ń toō a̰a̰ tápə̄ ngá̰ý loo kə́ ɓádá tə́ ní a, ənī kumən kə̄ dɔɔ́ anī, a̰a̰ Abəraham sa̰y ō, Lajar kə́ ndi kadən tə́ ngɔr ō.

Najə̄ kə́ Majə yā Jeju ń Luk ndang ní 14:15

Dan ń deē kógə̄ḿ kə́ dan ngé gə̄ ń mērə̄n̄də́ loo kaw̄ kəsa yá̰á̰ tə́ ní oō tītə̄ ń noō anī, əda Jeju na: Rɔ̄nel̄ i kə deē ń a əsa yá̰a̰ kem Ɓē ko̰o̰ yā Nə́ɓā tə́ ní.

Najə̄ kə́ Majə yā Jeju ń Luk ndang ní 10:15

Ba ḭ̄, Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá.

MATIYE 24:51

Kɔ́ɔ̄n a əndan kənda kə́ majaĺ ngá̰ý ō, a ənīn loo yā ngé gól̄ loo gə̄ tə́ kadə̄ a nōō ō a máyā̰ ngāngə̄n ō.

MATIYE 13:50

yā tə́nīdə́ kum hor kə́ bo ngá̰ý tə́. Nin̄ a nōōn̄ ō, a máyā̰n̄ ngān̄gdə́ ō loo ngeé ń noō tə́.

MATIYE 13:42

ɓōkə́də́ kum hor kə́ bo ngá̰ý tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

PĀ GƏ̄ 112:10

Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.