Najə̄ kə́ Majə yā Jeju ń Luk ndang ní 13:27 - Bibəl ta Sar̄

²⁷ Banī ni a tél yā kədasí na: Sḭḭ̄ i de kə́ rá gə̄ a mā m̄-ger̄ alé, ī-téliī rɔ̄ḿ tə́ kə̄ nú, sḭḭ̄ malang ń ī-rāāī yá̰á̰ kə́ majaĺ ní.

Bible sar

²⁷ Banī ni a tél yā kədasí na: Sḭḭ̄ i de kə́ rá gə̄ a mā m̄-ger̄ alé, ī-téliī rɔ̄ḿ tə́ kə̄ nú, sḭḭ̄ malang ń ī-rāāī yá̰á̰ kə́ majaĺ ní.

Najə̄ kə́ Majə yā Jeju ń Luk ndang ní 13:27 Referans Kwoze

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

PĀ GƏ̄ 6:8

Rɔ̄ḿ nelə̄m̄ aĺ bátə́ adə̄ kumḿ a̰a̰ loo kə gōó alé. Madə̄ ba̰ā̰ḿ gə̄ alə̄n̄ naā, adə̄ kumḿ a̰a̰ loo ngá̰ý alé.

PĀ GƏ̄ 119:115

Ngé kem ndul gə̄, ɔ̄rī rɔ̄sí rɔ̄ḿ tə́ kɔ̄ɔ́, anī m-ā m̄-rāā gō míndə gə̄ yā Nə́ɓā yāḿ.

Najə̄ kə́ Majə yā Jeju ń Luk ndang ní 13:25

Dan ń kɔ́ɔ̄ kújə a ḭḭ ba a utə̄ ta kújə kɔ̄ɔ́, tá kadə̄ sḭḭ̄ ń ā ī-raī gidə tə́ ndágá ní, ā ī-gógī ta kújə ba ā ə́daī na: Kɔ́ɔ̄ɓē, ī-teē ta kújə ādə̄jí tə́ ní anī, ni a ədasí na: Sḭḭ̄ i de kə́ rá gə̄ a mā m̄-ger̄ alé.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 101:8

Kə ndɔ̄í kə ndɔ̄ gə̄ malang ní, m-ā m̄-rāā kadə̄ ngé kem ndul kə́ kem ɓēé gə̄ malang ɔrə̄n̄ najə̄ alé, m-ā m-ɔ̄r̄ ngé rāā yá̰a̰ gōtə́ aĺ gə̄ kɔ̄ɔ́ kem ɓē yā Kɔ́ɔ̄ɓē tə́.

PĀ GƏ̄ 28:3

Ī-lōō ɓoo jīḿ naā tə́ kə ngé kem ndul gēé ō, kə ngé rāā majaĺ gēé ō. Nin̄ ɔrə̄n̄ najə̄ lápə́ya kə tadə́, banī ndāńg rosə kemdə́.

PĀ GƏ̄ 5:6

De kə́ nge ɓōĺ ndíl deē alé a aw̄ ta kumií tə́ alé. Ngé rāā majaĺ gə̄ malang ní nelī sedə́ alé.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

MATIYE 25:12

Banī ni-tūr̄ ədadə́ na: Ādə̄ m-ə́dásí najə̄ kə́ bo ngá̰ý, m̄-ger̄sí alé.