Najə̄ kə́ Majə yā Jeju ń Luk ndang ní 13:24 - Bibəl ta Sar̄

²⁴ Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.

Bible sar

²⁴ Ī-rɔ̄ɔ̄ī dɔ rɔ̄sí tə́ kadə̄ údiī ta róbə́ kə́ dūú tə́, tɔdɔ̄ ādə̄ m-ə́dásí de gə̄ ngá̰ý a sāān̄ kudə tū tə́ ba a asən̄ alé.

Najə̄ kə́ Majə yā Jeju ń Luk ndang ní 13:24 Referans Kwoze

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

Najə̄ kə́ Majə yā Jeju ń Luk ndang ní 21:36

Ká i dan kə́ ba̰ý tə́ gə̄gē a, á̰a̰ī já̰já̰ ō, ī-ndɔ̄yī ō, yā kadə Nə́ɓā əndā ma̰ȳsí a̰a̰ń kadə̄ ásiī teē ta yá̰a̰ malang ń a reēn̄ tə́ ní ō, kadə̄ asiī ra dɔɔ́ ta kum Ngōn̄ Deē tə́ ō.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

Gōsə̄ najə̄ gə̄ 21:25

Ndə̄ngā yá̰a̰ yā de kə́ yay a tɔ̄lən, tɔdɔ̄ jīn mbātə́ rāā kəla.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

JA̰A̰ 7:34

Ā ī-sāāmī, ba ā ə́ngemī aĺ ō, ā ásiī kugə̄ loo ń mā i tū tə́ ní tə́ aĺ ō.

KOHELET 10:15

De kə́ mbóo rāā kəla kə́ uy tətō banī teēn yá̰á̰ tə́ i sḛ́ý beē ngóy. Ta róbə kə́ yā kaw̄ń kə̄ kem ɓē bo tə́ gə̄gē ní ger̄ alé.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

MATIYE 11:12

Əla gír kem ndɔ̄ gə̄ ń Ja̰a̰ Batistə a ɔjəń de gə̄ najə̄ tə́ bátə́ ngɔlaā ní, ənīn̄ Ɓē ko̰o̰ kə dɔ rā̰ tə́ rɔ̄ɔ̄ i kə ngangāá ngá̰ý, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

Gōsə̄ najə̄ gə̄ 14:6

De kə́ nge gán̄g rɔ̄n sāā kum kedə̄ ba ənge alé, banī tām̄ yā de kə́ ger̄ yá̰á̰ tə́ ní, sāā ger̄ kum yá̰a̰ tōr̄ rɔ̄n alé.

JA̰A̰ 13:33

Ngánə́ḿ kə́ dūú gə̄, m-ā m̄-ndi sesí i sḛ́ý beē ngóy. Ā ī-sāāmī, ba tītə̄ ń m-ə́da Jipə gə̄ kété ní, m-ə́dásí ngɔlaā ń toō ō: Sḭḭ̄ ásiī kugə̄ loo ń m-ā m-āw̄ kə̄ tū tə́ ní alé.

Najə̄ kə́ Majə yā Jeju ń Luk ndang ní 13:23

Anī deē kógə̄ḿ dəjen najə̄, əda na: Kɔ́ɔ̄ɓē, i de kə́ ngá̰ý aĺ gə̄ ngóy n a ajən̄ ní a? Anī Jeju ədadə́ na:

JOJUE 7:3

tél reē ədan̄ Jojue na: Ādə̄ gír de gə̄ malang aw̄n̄ alé. De gə̄ dūbú jōó, aláa dūbú, ətá asən̄ kaw̄ rɔ̄ɔ̄ ɓē kə́ Ai karī. Ī-lōō kadə̄ gír de gə̄ malang aw̄n̄ njə̄ɓānəń rɔ̄də́ ndáńg, tɔdɔ̄ de kə́ Ai gə̄ ngá̰ý alé.

JA̰A̰ 5:4

Tɔdɔ̄ de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.