Najə̄ kə́ Majə yā Jeju ń Luk ndang ní 13:19 - Bibəl ta Sar̄

¹⁹ Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.

Bible sar

¹⁹ Ni to i tītə̄ kum mutardə kə́ deē un ənda kem ndɔr̄ yān tə́. Kum mutardə ní əɓa ba tɔgə kāgə̄ adə̄ yel̄ kə́ dɔɔ́ gə̄ rāān̄ ɓēdə́ ta jīn gə̄ tə́.

Najə̄ kə́ Majə yā Jeju ń Luk ndang ní 13:19 Referans Kwoze

DANIEL 4:12

Banī ə́ya̰ī gír gisən ādī ra nang tə́ kə ngəran gēé kem mu gə̄ kə́ bembeé tə́. Ba ī-tó̰ō̰niī kə súĺ kə́ rāā kə gində̄ kə́ karīí ō, kə súĺ kə́ rāā kə gində̄ nə̄ngá kasaá ō. Ādə̄ tal əhɔ dɔn tə́ ō, ādə̄ əsa mu tītə̄ yā dā̰ gə̄ ō.

DANIEL 4:21

Kɔ́ɔ̄ ɓē gə̄, kum nī ní n noó kə gō yá̰á̰ ń Nə́ɓā kə́ dɔɔ́ sa̰y ngá̰ý gḛy rāā seí ní.

KƏLA RĀĀ 4:4

Dan de gə̄ ń oōn̄ najə̄ kɔr̄ Piyer tə́ ní, ngá̰ý gə̄ taān̄ kem najə̄ ní. De gə̄ ń taān̄ kem ní kutədə́ asə dūbú mí ń noō.

KƏLA RĀĀ 2:41

Ngé gə̄ ń ndigən̄ najə̄ kɔr̄ Piyer ní rāān̄də́ batém. Adə̄ ndɔ̄ ngeé ń noó tə́ ní de gə̄ kə́ asən̄ dūbú mətá ń noō ərōn̄ ngámbang kəla gə̄.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

EJEKIEL 31:6

Yel̄ gə̄ malang a rāān̄ ɓēdə́ i ta jīn gə̄ tə́ ō, dā̰ kə́ bembeé gə̄ malang ojən̄ ngáńdə́ gə̄ i gír ta jīn kə́ dūú gə̄ tə́ ō, gír de gə̄ ngá̰ý a ndin̄ i ndílən tə́ ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

KƏLA RĀĀ 21:20

Dan ń nin̄-oōn̄ najə̄ yān oy anī, ɓōkə́n̄ Nə́ɓā tɔ̄ȳ ba tél ədan̄ Pol na: Ngōkó̰ó̰jí, īkɔ́ á̰a̰ā̰, de gə̄ dūbú ngá̰ý dan Jipə gə̄ tə́ taān̄ kem. Tá nin̄ malang ní i de gə̄ kə́ o̰o̰də́ tɔdɔ̄ ndū najə̄ gə̄ ngá̰ý.

MATIYE 17:20

Anī Jeju tél ədadə́ na: I tɔdɔ̄ sḭḭ̄ ī-taāī kem mámák alé. Ādə̄ m-ə́dásí najə̄ kə́ bo ngá̰ý, ré taā kem yāsí dūúnń i tītə̄ kum mutardə gə̄gē, ré ədaī mbal̄ n toō na kə ndɔ́tə̄ laā kɔ̄ɔ́ ba kə aw̄ nú anī, a ndɔ́tə̄ ō, yá̰á̰ kə́ dum̄sí a gətóo ō.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

PĀ KƏ́ MAJƏ 6:2

Kó tár yāḿ aw̄ i kem ndɔr̄ yān tə́, kem ndɔr̄ hútə̄ yá̰á̰ kə́ otə majə tə́, kadə̄ yá̰a̰ kul̄ yān gə̄ əsan̄ yá̰a̰ kemeé ō, kadə̄ aw̄ ɔr̄ hútə̄ ndə́ja lis gə̄ kə́ kemeé ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

PĀ KƏ́ MAJƏ 8:13

Dəyá̰ kə́ ndi dan ndɔr̄ gə̄ tə́, madə́ḿ gə̄ ran̄ a nēlə̄n̄ mbīdə́ yā koōń ndūí. Ī-rāā ndūí ādə̄ m-ōō.

PĀ KƏ́ MAJƏ 4:16

Néĺ kə́ dām̄ mbɔ́r ɓē kə́ ko̰ó̰ tə́ ō geleé tə́ ō, ī-ndólī dɔ ɓīī tə́ ba ī-reēī, ə́laī dɔ ndɔr̄ yāḿ tə́, kadə̄ sēē yá̰á̰ kə́ kotə majə kə́ kemeé gə̄ otən̄! Ādə̄ kó tár yāḿ reē kem ndɔr̄ yān tə́ əsa kan̄ kāgə̄ kə́ nel̄ ngá̰ý gə̄ kə́ kemeé!

PĀ KƏ́ MAJƏ 4:12

Ngōkó̰ó̰ḿ kə́ dəyá̰, nge nong yāḿ, ḭ̄ i ndɔr̄ kə́ kəga yá̰a̰ dɔ tə́ ba kutə̄ ta kə lakélé. Ḭ̄ i kəɓa man̄ kə́ utə̄n̄ ta kə lakélé, ḭ̄ i bəlo man̄ kə́ kutə̄ ta!

Najə̄ kə́ Majə yā Jeju ń Luk ndang ní 17:6

Kɔ́ɔ̄ɓē tél ədadə́ na: Ré taā kem yāsí bo asə kə kum mutardə gə̄gē anī, sḭḭ̄ ə́daī kāgə̄ kótə̄ ń ra noó najə̄, ə́daniī na kə ī-ɓə̄ngā kə gír ngəraí ba āw̄ ī-ra kum bā bo tə́ nú anī, a oō tasí.

MARK 4:30

Jeju əda na: Yá̰a̰ nəkɔ́ ń kadə̄ j-ɔjiīń Ɓē ko̰o̰ yā Nə́ɓā ní i rí ō? I kūjə́ najə̄ yā rí n kadə̄ j-ɔjiīń ní ō?