Najə̄ kə́ Majə yā Jeju ń Luk ndang ní 13:14 - Bibəl ta Sar̄

¹⁴ Banī wōn̄g rāā ngār kə́ dɔ kújə́ kán̄ naā ní tə́, tām̄ rāā kə́ Jeju rāā adə̄ rɔ̄ deē kógə̄ḿ ngáā ndɔ̄ sabat tə́, adə̄ un najə̄ əda kósə de gə̄ na: Ndɔ̄ kə́ yā kadə̄ ī-rāāīneé kəla i mehḛ́. Ní ī-reēī ndɔ̄ gə̄ ń noō tə́ kadə̄ rāān̄ adə̄ rɔ̄sí ngáā, ba ī-lōōī reē ndɔ̄ sabat tə́.

Bible sar

¹⁴ Banī wōn̄g rāā ngār kə́ dɔ kújə́ kán̄ naā ní tə́, tām̄ rāā kə́ Jeju rāā adə̄ rɔ̄ deē kógə̄ḿ ngáā ndɔ̄ *sabat tə́, adə̄ un najə̄ əda kósə de gə̄ na: Ndɔ̄ kə́ yā kadə̄ ī-rāāīneé kəla i mehḛ́. Ní ī-reēī ndɔ̄ gə̄ ń noō tə́ kadə̄ rāān̄ adə̄ rɔ̄sí ngáā, ba ī-lōōī reē ndɔ̄ *sabat tə́.

Najə̄ kə́ Majə yā Jeju ń Luk ndang ní 13:14 Referans Kwoze

Teē Ngán Israel gə̄ 20:9

Ā ī-rāā kəla yāí gə̄ malang ndɔ̄ mehḛ́,

MATIYE 12:2

Parijiyḛ gə̄ a̰a̰n̄də́ loo rāā tə́ anī, ədan̄ Jeju na: Á̰a̰ā̰, ngé ndóō yá̰a̰ yāí gə̄ a rāān̄ yá̰á̰ ń ndū najə̄ ɔgə̄ rāā ndɔ̄ sabat tə́ ní.

Najə̄ kə́ Majə yā Jeju ń Luk ndang ní 6:7

Ngé ngé ndóō de gə̄ ndū najə̄ gə̄ ō, Parijiyḛ gə̄ ō, ndi a umə̄n̄ Jeju sḛḛ, sāān̄ ka̰ā̰ ké Jeju a rāā kadə̄ rɔ̄ deē kógə̄ḿ a ngáā ndɔ̄ sabat tə́ wa, yā kadə̄ kə n-əngen̄neé kum najə̄ kə́ yā sekə́nəń.

Najə̄ kə́ Majə yā Jeju ń Luk ndang ní 8:41

Anī dəngam kógə̄ḿ kə́ rīn na i Jairus, ni i ngār kújə́ kán̄ naā kə́ kem ɓēé, teē tū tə́ noō reē. Ni-əsō kə̄ nang tə́ nja Jeju tə́ ba rāān ɓɔ́ kadə̄ reē ta kújə yān tə́,

MARK 5:22

Tā anī ngār kújə kán̄ naā kógə̄ḿ kə́ rīn na i Jairus reē. Loo ń ni-a̰a̰ Jeju anī, əsō kə̄ nang tə́ njan tə́,

Makətūbə̄ ń Pol ndang adə̄ Rom gə̄ ní 10:2

O̰o̰də́ tɔdɔ̄ Nə́ɓā ngá̰ý adə̄ mā i de kə́ kum tə́ yādə́ najə̄n tə́. Banī ko̰o̰ ń o̰o̰də́ tɔdɔ̄ Nə́ɓā ní i kanjə̄ ger̄ yá̰a̰.

KƏLA RĀĀ 18:17

Loo ń noō tə́ nin̄ malang əhɔn̄ Sosten ngār kə́ dɔ kújə kán̄ naā tə́ ba udən̄ dɔn tə́ tə̄ndānən̄ kə̄ ta kújə́ kán̄ naā tə́ noō. Banī usə Galiyo̰ sḛ́ý aĺ bátə́.

KƏLA RĀĀ 18:8

Ngār kə́ dɔ kújə́ kán̄ naā tə́ ń rīn na i Kərispus ní, taā kem Kɔ́ɔ̄ɓē naā tə́ kə ngéén gə̄ malang. Korḛntə gə̄ ngá̰ý ń oōn̄ najə̄ yā Pol ní taān̄ kem ō, rāān̄də́ batém ō.

KƏLA RĀĀ 13:15

Dan ń tə́dan̄ najə̄ kə́ kem makətūbə̄ ndū najə̄ gə̄ tə́ ō, kə́ kem makətūbə̄ yā ngé koō ta gə̄ tə́ ō oy anī, ngār gə̄ kə́ dɔ kújə́ kán̄ naā tə́ gə̄ əla ədan̄də́ na: Ngákó̰ó̰jí gə̄, ré āwī kə najə̄ kə́ a əla go̰ kem ngé kán̄ naā gə̄ tə́ anī ə́daī!

Najə̄ kə́ Majə yā Jeju ń Luk ndang ní 6:11

Banī wōn̄g rāādə́ ngá̰ý adə̄ nējə̄n̄ naā najə̄ dɔ yá̰á̰ kə́ yā rāā kə Jejuú tə́.

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

LEBI GƏ̄ 23:3

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí i ndɔ̄ sabat. Ndɔ̄ ń noō tə́ ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́rēý alé. Loo malang ń ā ī-ndiī tū tə́ ní, ā ɔ̄rī koō ndɔ̄ ń noō tə́ tām̄ i ndɔ̄ sabat yā Kɔ́ɔ̄ɓē.

Teē Ngán Israel gə̄ 23:12

Ā ī-rāā kəla yāí ndɔ̄ mehḛ́, ba kə ndɔ̄ kə́ nge ko̰ sīrí anī ā ī-rāā kəla alé, kadə̄ man̄g yāí nin̄ kə kərō yāí taān̄neé koō ō, kadə̄ ngōn̄ nge kəla yāí nin̄ kə tə̄rā kə́ nge namāá ɔrə̄n̄neé koō ō.

NDŪ NAJƏ̄ 5:13

Ā ī-rāā kəla yāí gə̄ malang ndɔ̄ mehḛ́,

EJEKIEL 34:21

Dā̰ kə́ tɔ́gə́də́ gətóo gə̄ ní, sḭḭ̄ ə̄ndāī kār̄ bɔ̄gə̄sí ī-mbə́rēīneédə́ ō, ī-mbə́rēīdə́ kə kadəsí ō, ī-tɔ́sīdə́ kə gajəsí ō. Ta tɔ̄l̄ ta anī, sḭḭ̄ ī-tə̄ɓāīdə́ kə̄ loo gə̄ tə́ adə̄ nin̄-teēn̄ kɔ̄ɔ́ loo kəsa mu tə́.