Najə̄ kə́ Majə yā Jeju ń Luk ndang ní 12:4 - Bibəl ta Sar̄

⁴ Ādə̄ m-ə́dásí sḭḭ̄ ń i madə̄ taḿ gə̄ ní: Ngé gə̄ ń a tɔ̄lə̄n̄ dā̰ rɔ̄ deē ba gō tə́ anī asən̄ rāā yá̰á̰ kógə̄ḿ to̰ aĺ ní ī-lōōī ɓōĺdə́.

Bible sar

⁴ Ādə̄ m-ə́dásí sḭḭ̄ ń i madə̄ taḿ gə̄ ní: Ngé gə̄ ń a tɔ̄lə̄n̄ dā̰ rɔ̄ deē ba gō tə́ anī asən̄ rāā yá̰á̰ kógə̄ḿ to̰ aĺ ní ī-lōōī ɓōĺdə́.

Najə̄ kə́ Majə yā Jeju ń Luk ndang ní 12:4 Referans Kwoze

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

JEREMI 1:8

Ī-lōō ɓōĺ deē kógə̄ḿ bátə́, mā i naā tə́ seí yā gān̄g dɔí. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 2:10

Ī-lōō ɓōĺ najə̄ yá̰á̰ kə́ tōr̄ gə̄ ń a rāān̄ yā rāāī ní tə́. Á̰a̰ā̰, diabəl a ɓōkə́ de kə́rēy gə̄ dɔ dáńsí tə́ dəngáyá yā nāańsí bátə́ ndɔ̄ kutə. Ī-ra dɔ ndūí tə́ bátə́ óyń. Loo ń noō tə́ m-ā m-ādī jākā mbang ń i ndi kə kumuú ní.

PILIPƏ 1:28

Ngé rɔ̄ɔ̄ sesí gə̄ ní ī-ɓōlíīdə́ tū yá̰á̰ kógə̄ḿ tə́ alé: I nge ń noō n a ɔjədə́ kadə̄ nin̄ a aw̄n̄ i kə̄ kuduú kɔ̄ɔ́ tə́, ba sḭḭ̄ i dɔ róbə kajə tə́ ní. Ba yá̰á̰ ń noō ḭḭ i rɔ̄ Nə́ɓā tə́.

1 PIYER 3:14

Ká ré i kadə̄ á̰a̰ī tápə̄ najə̄ yā yá̰á̰ kə́ gōtə́ kə́ ī-rāāī tə́ gə̄gē anī, rɔ̄sí nel̄sí. Ī-ɓōlíīdə́ aĺ ō, ī-lōōī kadə̄ ndíĺsí a̰ȳ ō.

JAKƏ 2:23

kadə̄ najə̄ ń ndangən̄ na Abəraham taā kem Nə́ɓā, ba Nə́ɓā na ɓārə́n na i de kə́ gōtə́ kə gō taā kem yānneé, adə̄ na ɓārə́n na i madə̄ tan ní udə gírí majə ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

EJEKIEL 2:6

Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.

KƏLA RĀĀ 4:13

Dan ń ngé sarya gə̄ a̰a̰n̄ kadə̄ Piyer nin̄ kə Ja̰a̰ ənīn̄ kemdə́ ɔrə̄n̄neé najə̄ kanjə̄ ɓōĺ ō, nin̄-gerə̄n̄ kadə̄ i de kə́ hɔlyɔ karī gə̄ ō, i de kə́ ger̄ yá̰a̰ aĺ gə̄ ō anī, ɔr̄ kumdə́ ngá̰ý. Gerə̄n̄ kadə̄ i de gə̄ kə́ njə̄rān̄ kə Jejuú kété.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ KƏ́ MAJƏ 5:16

Kem tan sɔl̄ lum ō, m̄-gḛy rɔ̄n malang ō. Ngáń kə́ dəyá̰ kə́ Jerusalem gə̄, kó tár yāḿ n noó, madə́ḿ n noó!

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

JEREMI 41:18

Nin̄ a̰ȳn̄ i Kalde gə̄ ń nin̄ ɓōlə́n̄də́ ngá̰ý ní, tɔdɔ̄ Ismael kə́ Netania, tɔ̄l̄ Gedalia kə́ ngōn̄ Ahikam ń mban̄g kə́ Babilon əndān dɔ ɓē tə́ ní.

JA̰A̰ 15:13

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.