Najə̄ kə́ Majə yā Jeju ń Luk ndang ní 12:32 - Bibəl ta Sar̄

³² Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

Bible sar

³² Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí *Ɓē ko̰o̰ yān.

Najə̄ kə́ Majə yā Jeju ń Luk ndang ní 12:32 Referans Kwoze

HEBƏRO 12:28

Tām̄ najə̄ ń toō tə́, jḭḭ̄ ń j-əngeī i ɓē ko̰o̰ kə́ a yéȳ aĺ ní, ādə̄ jə-ndadə̄ j-adī Nə́ɓā ō, jə-rāāī kəla j-adə̄niī kə gō nelə̄n ō. J-ənī kemjí j-adə̄niī ō, jə-ɓōlíī ndílən ō.

JEJU TEĒ KUM JA̰A̰ 1:6

rāā adə̄ jə-téliī de gə̄ kə́ kem ɓē ko̰o̰ yān tə́ ō, ngé tun̄ yá̰a̰ gə̄ yā Bɔbə̄n Nə́ɓā ō ní, kɔsə gɔn i yān ō, tɔ́gən to ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

Najə̄ kə́ Majə yā Jeju ń Luk ndang ní 10:21

Ndíĺ kə́ Táĺ adə̄ Jeju rɔ̄nel̄ kə́ ngá̰ý kemən tə́ kum mbang nəkɔ́ ń noō tə́, adə̄ Jeju əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō, dɔ nang tə́ ō ní, m̄-tɔ̄yī tām̄ teē ń i teē kum ngé kə́ dūú gə̄ dɔ yá̰á̰ ń ī-mundə̄ ngé kum kedə̄ gə̄ ō, ngé ger̄ yá̰a̰ gə̄ ō ní tə́. Rɔ̄kum, Bɔbə́ḿ, i kem ndaa yāí n rāā adə̄ ī-gḛyń kadə̄ to i tītə̄ ń noō ní.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

2 PIYER 1:11

Tɔdɔ̄ i tītə̄ ń noō n a rāān̄ majə sesí, adə̄ a adə̄n̄sí ta róbə kudə kem Ɓē ko̰o̰ kə́ a to ngándáńg tə́ ní. Ɓē ko̰o̰ ní i yā Jeju Kərist ń ni i Kɔ́ɔ̄ɓē yājí ō, nge kajəjí ō ní.

MATIYE 14:27

Banī Jeju ɔr̄ najə̄ sedə́ kə̄ ta jī tə́ beē, ədadə́ na kə əhɔn̄ kemdə́ ngan̄g na i ni ba kə lōōn̄ ɓōĺ.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

2 TESALONIK 1:5

Tɔdɔ̄ i tītə̄ ń noō n sḭḭ̄ ā ásiīń kadə̄ sḭḭ̄ i de gə̄ kə́ tām̄ yā Ɓē ko̰o̰ yā Nə́ɓā ń á̰a̰ī tápə̄ najə̄n tə́ ní.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

JA̰A̰ 18:36

Jeju tél ədan na: Ko̰o̰ ɓē yāḿ i dɔ nang ń toō tə́ alé. Ré ko̰o̰ ɓē yāḿ i dɔ nang ń toō tə́ anī, deē yāḿ gə̄ a rɔ̄ɔ̄n̄ dɔḿ tə́, yā kadə̄ əlamə̄n̄ jī Jipə gə̄ tə́ alé. Ba ngɔlaā ń toō ko̰o̰ ɓē yāḿ i dɔ nang tə́ laā alé.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

MATIYE 20:16

Adə̄ ngé kə́ gogə́ gə̄ a télən̄ ngé kə́ kété gə̄, ba ngé kə́ kété gə̄ a télən̄ ngé kə́ gogə́ gə̄.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

KƏLA RĀĀ 20:29

m̄-ger̄ majə kadə̄ ré m-āw̄ kɔ̄ɔ́ anī soó kə́ majaĺ ngá̰ý gə̄ a reēn̄ dansí tə́ ō, nin̄ a əya̰n̄ yá̰a̰ kul̄ gə̄ ní aĺ ō.

1 KORḚNTƏ 1:21

Tɔdɔ̄ loo ń kum kedə̄ yā Nə́ɓā ɔjə rɔ̄n kə̄ ndágá tū tə́ ní, de kə́ dɔ nang tə́ laā gə̄ a̰a̰n̄ Nə́ɓā tū tə́ gerə̄n̄ kə ta kūl̄ kum kedə̄ yādə́ alé. I tām̄ najə̄ ń noō tə́ n Nə́ɓā gḛyń kajə ngé taā kem gə̄ kə ta kūl̄ najə̄ kə́ to mbóó ń j-ɔjə ní.