Najə̄ kə́ Majə yā Jeju ń Luk ndang ní 12:31 - Bibəl ta Sar̄

³¹ Yá̰á̰ ń kadə̄ ī-sāāī ní, i Ɓē ko̰o̰ yān. Loo ń noō tə́ ni a adə̄sí yá̰a̰ gə̄ ń ndoōn rāāsí ní gō tə́.

Bible sar

³¹ Yá̰á̰ ń kadə̄ ī-sāāī ní, i *Ɓē ko̰o̰ yān. Loo ń noō tə́ ni a adə̄sí yá̰a̰ gə̄ ń ndoōn rāāsí ní gō tə́.

Najə̄ kə́ Majə yā Jeju ń Luk ndang ní 12:31 Referans Kwoze

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

HEBƏRO 13:5

Kadə̄ háĺsí i háĺ ngé rāā ta nar gə̄ alé, ba kadə̄ yá̰á̰ ń ə́ngeī ngɔlaā ní asəsí. Tɔdɔ̄ Kɔ́ɔ̄ɓē nəkɔ́ əda na: M-ā m-ə́ya̰ī kɔ̄ɔ́ aĺ ō, m-ā m̄-mbātíī aĺ ō.

PĀ GƏ̄ 34:9

Kɔ́ɔ̄ɓē i de kə́ majə ngá̰ý, ī-nāāī majən á̰a̰ī. Rɔ̄nel̄ i kə́ deē ń ni i loo ɓɔ̄ɔ̄ rɔ̄ yān ní.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

PĀ GƏ̄ 37:3

Ə̄ndā kemií dɔ Kɔ́ɔ̄ɓē tə́ ba ī-rāā yá̰á̰ kə́ majə, kadə̄ ī-ndiń dɔ nang ń Nə́ɓā adī tə́ ní ō, ə́sań yá̰a̰ ō, kanjə̄ sōl̄ yá̰á̰ kógə̄ḿ.

PĀ GƏ̄ 37:25

Kə ngōn̄ dūúḿ bátə́ m̄-tɔgəń toō ní m-á̰a̰ de kə́ súmūú kə́ əya̰nən̄ kɔ̄ɔ́ aĺ ɓáý ō, m-á̰a̰ de kə́ gír kaa yān tə́ loo gəde yá̰a̰ kəsa tə́ aĺ ɓáý ō.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

PĀ GƏ̄ 37:19

Dan yá̰á̰ kə́ to kum kaȳ aĺ tə́ anī rɔ̄də́ a sɔl̄də́ aĺ ō, dan yā ɓō tə́ anī nin̄ a ndānə̄n̄ ō.

Najə̄ kə́ Majə yā Jeju ń Luk ndang ní 10:42

Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

Najə̄ kə́ Majə yā Jeju ń Luk ndang ní 12:30

Yá̰a̰ gə̄ ń noō malang ní, i de gə̄ kə́ nin̄ i Jipə aĺ gə̄ kə́ dɔ nang tə́ laā gə̄ n a sāān̄ kanjə̄ kɔr̄ koō ní. Banī sḭḭ̄ ī-gerī kadə̄ bɔbə̄sí ger̄ yá̰á̰ ń ndoōn rāāsí ní.