Najə̄ kə́ Majə yā Jeju ń Luk ndang ní 12:28 - Bibəl ta Sar̄

²⁸ Sḭḭ̄ ngé taā kem mámák aĺ gə̄ ń toō, ré mu kə́ bembeé gə̄ ń ran̄ ɓōólaā ba bírí anī a ɓōkə́n̄də́ kɔ̄ɔ́ kum hor tə́ ní Nə́ɓā adə̄də́ kūbə̄ kə́ majə tītə̄ ń noō anī, a adə̄sí sḭḭ̄ kadə̄ tɔȳ loo ń noō aĺ a?

Bible sar

²⁸ Sḭḭ̄ ngé taā kem mámák aĺ gə̄ ń toō, ré mu kə́ bembeé gə̄ ń ran̄ ɓōólaā ba bírí anī a ɓōkə́n̄də́ kɔ̄ɔ́ kum hor tə́ ní Nə́ɓā adə̄də́ kūbə̄ kə́ majə tītə̄ ń noō anī, a adə̄sí sḭḭ̄ kadə̄ tɔȳ loo ń noō aĺ a?

Najə̄ kə́ Majə yā Jeju ń Luk ndang ní 12:28 Referans Kwoze

MATIYE 14:31

Jeju əla jīn əhɔnneé kə̄ ta jī tə́ beé, ba ədan na ni na i nge taā kem kə́ mámák alé, ké kemən tɔ́sə̄n i tām̄ rí tə́ wa.

MATIYE 17:20

Anī Jeju tél ədadə́ na: I tɔdɔ̄ sḭḭ̄ ī-taāī kem mámák alé. Ādə̄ m-ə́dásí najə̄ kə́ bo ngá̰ý, ré taā kem yāsí dūúnń i tītə̄ kum mutardə gə̄gē, ré ədaī mbal̄ n toō na kə ndɔ́tə̄ laā kɔ̄ɔ́ ba kə aw̄ nú anī, a ndɔ́tə̄ ō, yá̰á̰ kə́ dum̄sí a gətóo ō.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?

1 PIYER 1:24

Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.

Najə̄ kə́ Majə yā Jeju ń Luk ndang ní 8:25

Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.

MATIYE 17:17

Anī Jeju un najə̄ ɔr̄, əda na: Sḭḭ̄ de kə́ majaĺ gə̄ ō, kə́ ngé taā kem aĺ gə̄ ō, kə m̄-ndi sesí i bátə́ rə́ngáý tə́? Kə m̄-tə́gā taḿ dɔsí tə́ i bátə́ rə́ngáý tə́? Ī-reēī kə ngōnōó laā ādə̄mī.

MATIYE 16:8

Banī Jeju ger̄ gír̄ yādə́, adə̄ tél ədadə́ na: I tām̄ rí tə́ á ī-gírī dɔ mápá kə́ gətóo jīsí tə́ ní? Sḭḭ̄ i de kə́ ngé taā kem mámák aĺ gə̄!

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

IJAI 40:6

De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

HEBƏRO 6:7

Ré dɔ nang a̰ȳ man̄ kə́ edə dɔn tə́ kə̄ nja naā tə́, ba kōō kə́ majə əɓan̄ tū tə́ tām̄ yā ngé gə̄ ń ndɔrə̄n̄ dɔ nang ní tām̄ yādə́ tə́ ní anī, Nə́ɓā tɔ́r̄ tan dɔ nang ní tə́.