Najə̄ kə́ Majə yā Jeju ń Luk ndang ní 12:20 - Bibəl ta Sar̄

²⁰ Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

Bible sar

²⁰ Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

Najə̄ kə́ Majə yā Jeju ń Luk ndang ní 12:20 Referans Kwoze

JEREMI 17:11

Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

Makətūbə̄ yā Job 27:8

Dan ń Nə́ɓā gān̄g ta ndɔ̄ yā nge rāā yá̰a̰ gōtə́ aĺ kɔ̄ɔ́, aláa ɔr̄ koōn kɔ̄ɔ́ ní, ni a əndā kemən i dɔ rí tə́ ɓáý?

1 TIMOTE 6:7

Tɔdɔ̄ jə-reēī dɔ nang tə́ i kə yá̰á̰ kógə̄ḿ aĺ ō, tá j-asiī kun yá̰á̰ kógə̄ḿ kə́ dɔ nang tə́ kaw̄ń aĺ ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

Najə̄ kə́ Majə yā Jeju ń Luk ndang ní 11:40

Sḭḭ̄ i de kə́ ger̄ yá̰a̰ aĺ gə̄! Nə́ɓā ń rāā gidə yá̰á̰ ní rāā kemən ō aĺ a?

PĀ GƏ̄ 73:19

Nin̄ nujən̄ sák sák i láẃ ngá̰ý! I nin̄ n gír yādə́ gān̄g kɔ̄ɔ́ ɓá toō, ɓōĺ kə́ ngá̰ý tɔ̄l̄də́ malang kɔ̄ɔ́.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

PĀ GƏ̄ 78:30

Əsan̄ adə̄ tɔ̄l̄ ɓōdə́ aĺ ɓáý, yá̰a̰ kəsa i ngá̰ý kə̄ tadə́ gə̄ tə́ ɓáý n

ESTER 5:11

Ni ədadə́ najə̄ yā yá̰a̰ kənge yān kə́ majə ngá̰ý gə̄ ō, ngánən kə́ ngá̰ý gə̄ ō, yá̰a̰ malang ń mban̄g rāā á əndānneé loo kə́ bo tə́ ní ō, loo kəndā ń əndān dɔ de kə́ bo gə̄ tə́ ní ō, dɔ ngé rāā kəla kə ndogó mbangāá gə̄ tə́ ní ō.

PĀ GƏ̄ 49:10

Ni a ndi kə kumneé ngándáńg a? A oy yā kaw̄ ɓádá aĺ a?

Gōsə̄ najə̄ gə̄ 10:2

Yá̰á̰ kə́ kənge kə ta róbə́ kə́ gōtə́ aĺ a rāā majə kə deé alé, banī háĺ kə́ gōtə́ a ɔr deē ta yo tə́.

Gōsə̄ najə̄ gə̄ 13:7

De kə́rēý gə̄ rāān̄ tītə̄ kə́ nin̄ əngen̄ yá̰á̰ ngá̰ý, ba əngen̄ yá̰á̰ kógə̄ḿ aĺ bátə́. Ngé kə́ rang gə̄ rāān̄ tītə̄ kə́ nin̄ i ngé ndoō gə̄ ba yá̰a̰ kənge yādə́ al̄ loo.

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

AMOS 6:13

Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.